San Marcos 9:5 - Triqui de San Juan Copala

⁵ Ga̱a ne̱ cataj Pedró rihaan Jesús a: ―Cuna̱j uxrá vaa mán núj nihánj ga̱ so̱ꞌ, maestro. Ne̱ quiꞌya̱j núj vaꞌnu̱j veꞌ yacataj ca̱yáán soj na̱nj á. ꞌO̱ veꞌ ca̱yáán so̱ꞌ, ne̱ ꞌó veꞌ ca̱yáán Moisés, ne̱ ꞌó veꞌ ca̱yáán Elías rugua̱nj ―taj Pedró a.

San Marcos 9:5 ပူးပေါင်းရင်းမြစ်များ

San Mateo 17:4

Ga̱a ne̱ cataj Pedró rihaan Jesús a: ―Cuna̱j uxrá vaa mán núj nihánj ga̱ so̱ꞌ, Señor. Sese me rá so̱ꞌ, ne̱ qui̱ꞌyáá ꞌu̱nj vaꞌnu̱j veꞌ yacataj ca̱yáán soj na̱nj á. ꞌO̱ veꞌ ca̱yáán so̱ꞌ, ne̱ ꞌó veꞌ ca̱yáán Moisés, ne̱ ꞌó veꞌ ca̱yáán Elías rugua̱nj ―taj Pedró rihaan Jesús a.

San Mateo 23:7

Ne̱ niha̱ꞌ rá nij soꞌ ga̱a veꞌé aꞌmii yuvii̱ ga̱ nij soꞌ ga̱a chéé nij soꞌ yuꞌvee, ne̱ niha̱ꞌ rá nij soꞌ cata̱j yuvii̱ Síí uun chij rihaan nij soꞌ a.

San Mateo 23:8

’Tza̱j ne̱ maꞌa̱n soj roꞌ, se̱ guun cata̱j yuvii̱ Síí uun chij rihaan maꞌa̱n soj, quiꞌya̱j soj a̱ maꞌ. ꞌO̱ se vaa o̱rúnꞌ síí uun chij rihaan soj, ne̱ tinu̱j ta̱ranꞌ soj na̱nj á.

San Marcos 9:4

Ne̱ dan me se naquiꞌyaa Elías ga̱ Moisés rihaan nij soꞌ, ne̱ caꞌmii ro̱j soꞌ ga̱ Jesús niꞌya̱j nij soꞌ a.

San Marcos 9:6

ꞌO̱ se cuchuꞌviꞌ ndoꞌo vaꞌnu̱j nij soꞌ cheꞌé se vaa queneꞌen nij soꞌ, ne̱ cheꞌé dan ne queneꞌe̱n uxrá Pedró da̱j me cheꞌé caꞌmii soꞌ rihaan Jesús da̱nj a̱ maꞌ.

San Lucas 9:33

Ga̱a ne̱ guun cheꞌe̱ ro̱j síí nicu̱nꞌ ga̱ Jesús caꞌanj yaníj ro̱j soꞌ rihaan Jesús, ga̱a ne̱ cataj Pedró rihaan Jesús a: ―Cuna̱j uxrá vaa mán núj nihánj ga̱ so̱ꞌ, maestro. Ne̱ quiꞌya̱j núj vaꞌnu̱j veꞌ yacataj ca̱yáán soj na̱nj á. ꞌO̱ veꞌ ca̱yáán so̱ꞌ, ne̱ ꞌó veꞌ ca̱yáán síí cuꞌna̱j Moisés, ne̱ ꞌó veꞌ ca̱yáán síí cuꞌna̱j Elías rugua̱nj ―taj Pedró rihaan Jesús a. Tza̱j ne̱ ne queneꞌe̱n uxrá soꞌ da̱j me cheꞌé caꞌmii soꞌ rihaan Jesús da̱nj a̱ maꞌ.

San Juan 4:31

Dan me se ga̱a caꞌmii chana̱ ga̱ nij síí ma̱n chumanꞌ yoꞌ, ne̱ guun cheꞌe̱ nij síí tucuꞌyón snana̱ Jesús rquee̱ nij soꞌ se chá man Jesús, cataj nij soꞌ a: ―Cha̱ so̱ꞌ do̱j se chá, maestro ―taj nij soꞌ a.

Filipenses 1:23

ꞌO̱ se sa̱ꞌ cuya̱a̱n vaa ro̱j chrej chugua̱nj. Dan me se sese cavi̱ꞌ ꞌu̱nj, ne̱ quina̱nꞌ ꞌu̱nj rihaan Cristó, ne̱ sa̱ꞌ uxrá doj ga̱a̱ na̱nj ado̱nj.

1 Juan 3:2

Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.