Tza̱j ne̱ se̱ guun caꞌma̱an rá nij síí aꞌnéj impuestó cheꞌé nuvií noco̱o, quiꞌya̱j níꞌ maꞌ. Cheꞌé dan caꞌa̱nj so̱ꞌ tuꞌva na laguaná, ne̱ ta̱güéj so̱ꞌ ꞌo̱ agaꞌ taꞌaa xcuaj rque na, ne̱ ta̱ꞌaa so̱ꞌ xcuaj cano̱ agaꞌ asino ya̱a̱n á. Ga̱a ne̱ nuxra̱ꞌ so̱ꞌ tuꞌva xcuaj yoꞌ, ne̱ quiri̱ꞌ so̱ꞌ saꞌanj aga̱ꞌ vaa tuꞌvee yuvii̱ ꞌyaj suun caꞌa̱nj güii tuꞌva xcuaj yoꞌ, ne̱ go̱ꞌ so̱ꞌ saꞌanj yoꞌ cheꞌé ro̱ꞌ rihaan nij síí aꞌnéj impuestó á ―taj Jesús a.
San Marcos 9:43 - Triqui de San Juan Copala43 ’Dan me se sese raꞌá so̱ꞌ me rá quiꞌya̱j cacunꞌ, ne̱ táá a̱ se caꞌne̱ꞌ so̱ꞌ man yoꞌ na̱nj ado̱nj. Taj se ꞌyaj se taj va̱j raꞌá so̱ꞌ, tza̱j ne̱ caꞌve̱e ca̱yáán so̱ꞌ ga̱ Yaꞌanj ga̱a na̱nj á. Tza̱j ne̱ sese quita̱j raꞌá so̱ꞌ ne̱ quiꞌya̱j yoꞌ cacunꞌ, ne̱ caꞌa̱nj so̱ꞌ rihaan yaꞌan, quiꞌya̱j yoꞌ, ne̱ dan me se yaꞌan yoꞌ me se daj chiha̱a̱ míj se̱ quinaꞌáj yaꞌan yoꞌ nuvi̱i niga̱nꞌ a̱ maꞌ. အခန်းကိုကြည့်ပါ။ |
San Marcos 9:43
23 ပူးပေါင်းရင်းမြစ်များ
’Ga̱a ne̱ cata̱j ꞌu̱nj rihaan nij síí nicu̱nꞌ rej ni̱chruún ꞌu̱nj a: “Naxu̱u̱n soj man soj rihanj cuaj á. Ma̱an se cataj ya̱ Yaꞌanj se vaa ina̱nj sayuun quira̱nꞌ soj, caꞌa̱nj soj rihaan yaꞌan, caca̱a̱ soj nu̱ꞌ cavii nu̱ꞌ caꞌanj na̱nj á. Dan me se quiꞌyaj Yaꞌanj yaꞌan yoꞌ caca̱a̱ Síí Chre̱e caca̱a̱ nij nana̱ chre̱e caca̱a̱, ne̱ caca̱a̱ nij soj caca̱a̱ ga̱ soꞌ ado̱nj.
Dan me se ase vaa síí oro̱ꞌ chruun palá vaa soꞌ cuano̱ ado̱nj. Dan me se síí nica̱j chruun palá roꞌ, rii ꞌnúú trigó na̱j rihaan yoꞌóó, ne̱ naquiꞌyaj chre̱ꞌ soꞌ man ꞌnúú trigó sa̱ꞌ, ne̱ araa soꞌ man yoꞌ rá cuchruu̱, ne̱ anica̱j soꞌ araa soꞌ squíj niꞌya xráá trigó rihaan yaꞌan a. Ne̱ ase vaa síí nica̱j palá ma̱n cuano̱ roꞌ, da̱nj quiꞌya̱j síí caꞌna̱ꞌ, ne̱ naquiꞌya̱j chre̱ꞌ soꞌ man cunuda̱nj nij síí cunuu sa̱ꞌ nimán, ne̱ cara̱a soꞌ man nij síí chiꞌi̱i̱ rihaan yaꞌan, ne̱ caca̱a̱ nij soꞌ nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ quinaꞌáj yaꞌan yoꞌ a̱ maan ado̱nj ―da̱nj caꞌmii Juan rihaan nij yuvii̱ yoꞌ a.
Tza̱j ne̱ ꞌu̱nj nihánj me se cata̱j xnaꞌanj ꞌu̱nj, ne̱ a̱ me maꞌa̱n ꞌo̱ síí caꞌmaan rá niꞌya̱j man tinúú, ne̱ a̱j tumé soꞌ cacunꞌ cata̱j síí nica̱j suun, ne̱ quira̱nꞌ soꞌ sayuun ado̱nj. Ne̱ a̱ me maꞌa̱n síí cata̱j rihaan tuviꞌ: “Síí snúú rmaꞌa̱n mé so̱ꞌ ado̱nj”, ne̱ a̱j tumé ndoꞌo soꞌ cacunꞌ cata̱j Xꞌneꞌ Nij Síí Ata̱ Suun Noco̱o Doj ado̱nj. Ne̱ a̱ me maꞌa̱n síí cata̱j rihaan tuviꞌ: “Taj se gúnꞌ mán so̱ꞌ mei”, me se vaa cheꞌé caꞌa̱nj maꞌa̱n síí aꞌmii da̱nj rihaan yaꞌan caca̱a̱ soꞌ na̱nj ado̱nj.
’Dan me se namán mozó, ne̱ nataꞌ mozó nu̱ꞌ se vaa caꞌmii ꞌo̱ ꞌo̱ nij soꞌ rihaan se‑ruꞌve̱e̱ mozó a. Ga̱a ne̱ caꞌmaan ndoꞌo rá síí navij rá chaꞌanj yoꞌ ga̱a cuno soꞌ snana̱ se‑mo̱zó soꞌ, ne̱ cataj soꞌ rihaan se‑mo̱zó soꞌ a: “Raꞌya̱nj cavi̱i̱ so̱ꞌ caꞌa̱nj so̱ꞌ da̱j a̱ nij callé, ne̱ ni̱caj so̱ꞌ man nij síí nique̱ do̱ꞌ, man nij síí larihuu̱ raꞌa do̱ꞌ, man nij síí chéé rengo̱ do̱ꞌ, man nij síí tuchri̱i do̱ꞌ, caꞌna̱ꞌ so̱ꞌ nihánj, ne̱ cha̱ nij soꞌ ga̱ níꞌ á”, taj soꞌ rihaan se‑mo̱zó soꞌ a.
Dan me se ase vaa síí oro̱ꞌ chruun palá vaa soꞌ cuano̱ ado̱nj. Dan me se síí nica̱j chruun palá roꞌ, rii nu̱ꞌ ꞌnúú trigó na̱j rihaan yoꞌóó, ne̱ naquiꞌyaj chre̱ꞌ soꞌ man ꞌnúú trigó sa̱ꞌ, ne̱ araa soꞌ man ꞌnúú trigó sa̱ꞌ rá veꞌ, ne̱ anica̱j soꞌ araa soꞌ squíj niꞌya xráá trigó rihaan yaꞌan a. Ne̱ ase vaa síí nica̱j palá ma̱n cuano̱ roꞌ, da̱nj quiꞌya̱j síí caꞌna̱ꞌ, ne̱ naquiꞌya̱j chre̱ꞌ soꞌ man cunuda̱nj nij síí cunuu sa̱ꞌ nimán, ne̱ cara̱a soꞌ man nij síí chiꞌi̱i̱ rihaan yaꞌan, ne̱ caca̱a̱ nij soꞌ nu̱ꞌ cavii nu̱ꞌ caꞌanj, ne̱ daj chiha̱a̱ míj se̱ quinaꞌáj yaꞌan yoꞌ a̱ maan ado̱nj ―da̱nj taj Juan rihaan nij yuvii̱ yoꞌ a.
Dan me se síí tico tuviꞌ cuxruꞌ roꞌ, me se oꞌ soꞌ man maꞌa̱n soꞌ, cheꞌé se me rá soꞌ ga̱a̱ sca̱ꞌ nee̱ man soꞌ, ga̱a ne̱ quiꞌya̱j canaán soꞌ man tuviꞌ soꞌ a. Uxrá tumé soꞌ man nee̱ man maꞌa̱n soꞌ, ne̱ da̱nj vaa tumej man ma̱ꞌanj a. Dan me se caꞌmii natáj ꞌu̱nj rihaan ꞌó yuvii̱ se vaa canoco̱ꞌ nij soꞌ man Cristó, ne̱ naꞌvej raj cata̱j Cristó se vaa ne canoco̱ꞌ ya̱ ma̱ꞌanj man soꞌ maꞌ.
Cheꞌé se síí noco̱ꞌ man Cristó si̱j ya̱nj rej xta̱ꞌ me soj roꞌ, cheꞌé dan yu̱u̱n cheꞌe̱ caꞌne̱ꞌ rá soj ga̱ suun ꞌyaj me maꞌa̱n se chiꞌi̱i̱ ꞌyaj nij síí noco̱ꞌ se‑chre̱j chumii̱ nihánj á. ꞌO̱ se se chiꞌi̱i̱ yoꞌ roꞌ, me se otoj níꞌ ga̱ ꞌó yuvii̱ sese né ni̱ca̱ níꞌ me yuvii̱ do̱ꞌ, se canique̱ do̱ꞌ, se nij niha̱ꞌ rmaꞌa̱n rá nee̱ man níꞌ quiꞌya̱j níꞌ do̱ꞌ, se chiꞌi̱i̱ me ndoꞌo rá níꞌ quiꞌya̱j níꞌ do̱ꞌ, se ꞌe̱e̱ rá saꞌanj do̱ꞌ a. ꞌO̱ se síí ꞌe̱e̱ rá saꞌanj roꞌ, da̱j se vaa síí aráj gue̱e̱ rihaan yaꞌanj quiꞌyaj yuvii̱ vaa soꞌ na̱nj á.
ne̱ cheꞌé dan xcaj níꞌ cuentá se vaa no̱ xcúún níꞌ caꞌne̱ꞌ rá níꞌ ga̱ rasu̱u̱n naꞌvej rá Yaꞌanj quiꞌya̱j níꞌ a. Ne̱ se̱ quiꞌyaj níꞌ ina̱nj se vaa me rá nij síí noco̱ꞌ se‑chre̱j chumii̱ nihánj quiꞌya̱j nij soꞌ maꞌ. Xca̱j níꞌ cuentá da̱j quiꞌya̱j níꞌ, ne̱ tucuáán nica̱ quiꞌya̱j níꞌ, ne̱ quiꞌya̱j níꞌ ina̱nj se vaa me rá Yaꞌanj quiꞌya̱j níꞌ ya̱j ga̱a yáán níꞌ rihaan chumii̱ nihánj cuano̱ á.
Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.
ကြော်ငြာတွေ