San Marcos 9:28 - Triqui de San Juan Copala

²⁸ Dan me se corá doj catúj Jesús rá veꞌ, ne̱ ina̱nj maꞌa̱n nij síí tucuꞌyón snana̱ soꞌ roꞌ, ma̱n rá veꞌ ga̱ soꞌ, ga̱a ne̱ xnáꞌanj nij soꞌ man soꞌ a: ―Me cheꞌé ne gu̱un nucua̱j núj quiri̱i̱ núj man nana̱ chre̱e yoꞌ nimán xnii ga̱ ―taj nij soꞌ a.

San Marcos 9:28 ပူးပေါင်းရင်းမြစ်များ

San Mateo 13:10

Ga̱a ne̱ nichrunꞌ nij síí tucuꞌyón snana̱ Jesús rihaan soꞌ, ne̱ xnáꞌanj nij soꞌ man Jesús a: ―Me cheꞌé nanó so̱ꞌ cuentó cheꞌé nij rasu̱u̱n rihaan nij yuvii̱ ga̱ ―taj nij soꞌ, xnáꞌanj nij soꞌ man Jesús a.

San Mateo 13:36

Ga̱a ne̱ naꞌnéé Jesús chr ej man nij yuvii̱, ne̱ catúj soꞌ rá veꞌ, ga̱a ne̱ cuchiꞌ nij síí tucuꞌyón snana̱ soꞌ rihaan soꞌ a. Ne̱ xnáꞌanj nij soꞌ man soꞌ, cataj nij soꞌ a: ―Cata̱j xnaꞌanj so̱ꞌ rihaan núj me se me raj cata̱a cuentó cheꞌé coj chiꞌi̱i̱ cachij scaꞌnúj ꞌnúú trigó yoꞌ á ―taj nij soꞌ rihaan Jesús a.

San Mateo 15:15

Ga̱a ne̱ cataj Pedró rihaan soꞌ a: ―Cata̱j xnaꞌanj so̱ꞌ rihaan núj me se me raj cata̱a nana̱ caꞌmii so̱ꞌ cheꞌé se vaa atúj tuꞌva yuvii̱ á ―taj Pedró a.

San Marcos 2:1

Dan me se cachén do̱j güii, ga̱a ne̱ catúj uún Jesús chumanꞌ Capernaum, ga̱a ne̱ cuchiꞌ nana̱ rihaan nij yuvii̱ se vaa ya̱nj soꞌ rá veꞌ a.

San Marcos 3:20

Ne̱ cunuu chre̱ꞌ ndoꞌo uún nij yuvii̱ rihaan soꞌ, ne̱ nda̱a ne ga̱a̱ yaꞌnúj rihaan Jesús ga̱ nij síí tucuꞌyón snana̱ soꞌ cha̱ nij soꞌ a.

San Marcos 4:10

Ga̱a ne̱ ga̱a quináj maꞌa̱n soꞌ ga̱ nij síí chéé ga̱ soꞌ do̱ꞌ, chuvi̱j nij síí cuneꞌ soꞌ caꞌa̱nj nata̱ꞌ snana̱ soꞌ do̱ꞌ, xnáꞌanj nij soꞌ man soꞌ cheꞌé nij cuentó nanó soꞌ rihaan nij yuvii̱ a.

San Marcos 4:34

Ma̱an ina̱nj cuentó cheꞌé nij rasu̱u̱n nanó Jesús rihaan nij yuvii̱, tza̱j ne̱ rihaan maꞌa̱n nij síí tucuꞌyón snana̱ soꞌ me se taj xnaꞌanj soꞌ cheꞌé nij cuentó yoꞌ a.

San Marcos 7:17

Dan me se ga̱a caꞌanj yaníj Jesús ga̱ nij síí tucuꞌyón snana̱ soꞌ rihaan nij yuvii̱ ri̱i̱, ne̱ catúj nij soꞌ rá veꞌ, ga̱a ne̱ xnáꞌanj nij soꞌ man soꞌ me se me raj cata̱a nana̱ caꞌmii soꞌ a.

San Marcos 9:27

Tza̱j ne̱ taꞌaa Jesús raꞌa xnii, ne̱ naxca̱j Jesús man xnii, ne̱ naxaga̱a̱ soꞌ a.

San Marcos 9:29

Ga̱a ne̱ cataj Jesús rihaan nij soꞌ a: ―Xa̱ꞌ nana̱ chre̱e vaa da̱nj roꞌ, se̱ caꞌvee quiꞌya̱j níꞌ cu̱riha̱nj nij yoꞌ nimán yuvii̱ sese ne achíín niꞌya̱j ndoꞌo níꞌ rihaan Yaꞌanj maꞌ ―taj Jesús a.