San Marcos 9:22 - Triqui de San Juan Copala

²² ne̱ queꞌe̱e̱ ndoꞌo caganꞌ nana̱ chre̱e man soꞌ rihaan yaꞌan do̱ꞌ, rihaan na do̱ꞌ, cheꞌé yan cavi̱ꞌ xnii, tza̱j ne̱ sese caꞌve̱e, ne̱ cunu̱u ꞌe̱e̱ rá so̱ꞌ manj ne̱ ra̱cuíj so̱ꞌ man núj rugua̱nj ―taj rej xnii yoꞌ rihaan Jesús a.

San Marcos 9:22 ပူးပေါင်းရင်းမြစ်များ

San Mateo 14:31

Veé dan, ne̱ nu̱ꞌ taꞌaa Jesús raꞌa Pedró, ne̱ quirii Jesús man soꞌ rque na, ne̱ cataj Jesús a: ―Do̱j amán rá so̱ꞌ niꞌya̱j so̱ꞌ manj ado̱nj. Me cheꞌé guun vi̱j nimán so̱ꞌ ga̱ ―taj Jesús rihaan soꞌ a.

San Mateo 17:15

―Señor, cunu̱u ꞌe̱e̱ rá so̱ꞌ man taꞌníj rugua̱nj. ꞌO̱ se ranꞌ soꞌ chiꞌii̱ snúú, ne̱ cheꞌé dan ranꞌ ndoꞌo soꞌ sayuun na̱nj ado̱nj. Veé dan, ne̱ ina̱nj naxruꞌ soꞌ rihaan yaꞌan do̱ꞌ, naxruꞌ soꞌ rque na do̱ꞌ a.

San Mateo 20:34

Ga̱a ne̱ cunuu ꞌe̱e̱ rá Jesús man ro̱j soꞌ, ne̱ cutaꞌ Jesús raꞌa Jesús rihaan ro̱j soꞌ, ga̱a ne̱ veé ma̱an orá dan cunuu sa̱ꞌ rihaan ro̱j soꞌ na̱nj ado̱nj. Ga̱a ne̱ caꞌanj ro̱j soꞌ ga̱ Jesús a.

San Mateo 8:2

Dan me se cuchiꞌ ꞌo̱ síí ranꞌ luj riꞌyuj rihaan Jesús, ne̱ cayáán ru̱j soꞌ rihaan Jesús, ne̱ cataj soꞌ a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj, Señor ―taj soꞌ rihaan Jesús a.

San Mateo 9:28

Dan me se catúj Jesús rá veꞌ, ne̱ cuchiꞌ ro̱j síí tuchri̱i yoꞌ rihaan soꞌ a. Ga̱a ne̱ cataj Jesús rihaan ro̱j soꞌ a: ―Amán rá ro̱j so̱j se vaa gu̱un nu̱cuáj naxra̱ꞌ rihaan ro̱j so̱j qui̱ꞌyáj naꞌ ―taj Jesús, xnáꞌanj Jesús man ro̱j soꞌ a. ―Amán rá rój, Señor ―taj ro̱j soꞌ rihaan Jesús a.

San Marcos 5:19

Tza̱j ne̱ ne caꞌve̱j rá Jesús caꞌa̱nj soꞌ ga̱ Jesús maꞌ. Tana̱nj cataj Jesús rihaan soꞌ a: ―Cavi̱i̱ so̱ꞌ nánꞌ so̱ꞌ veꞌ tucuá so̱ꞌ rej ya̱nj nij tuvíꞌ so̱ꞌ, ne̱ cata̱j xnaꞌanj so̱ꞌ rihaan nij soꞌ nu̱ꞌ rasu̱u̱n noco̱o quiꞌyaj Yaꞌanj Si̱j ꞌNi̱j Raꞌa man níꞌ cheꞌé so̱ꞌ, ne̱ da̱j vaa cunuu ꞌe̱e̱ rá Yaꞌanj niꞌya̱j Yaꞌanj mán so̱ꞌ á ―taj Jesús a.

San Marcos 9:21

Ga̱a ne̱ xnáꞌanj Jesús man rej xnii a: ―Me daj güii ranꞌ taꞌníí so̱ꞌ da̱nj ga̱ ―taj Jesús a. Ga̱a ne̱ cataj rej xnii a: ―Da̱nj ranꞌ soꞌ asi̱j neꞌej me soꞌ,

San Marcos 9:23

Ga̱a ne̱ cataj Jesús rihaan soꞌ a: ―Taj cheꞌé gu̱un vi̱j rá so̱ꞌ maꞌ. ꞌO̱ se síí amán rá niꞌya̱j man Yaꞌanj roꞌ, caꞌve̱e quiꞌya̱j soꞌ cunuda̱nj na̱nj ado̱nj ―taj Jesús a.

San Lucas 7:13

Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a: ―Se̱ taꞌveé so̱ꞌ maꞌ ―taj soꞌ a.