San Marcos 9:17 - Triqui de San Juan Copala

¹⁷ Ga̱a ne̱ ꞌo̱ nij yuvii̱ cataj rihaan Jesús a: ―ꞌU̱nj me se nica̱j ꞌu̱nj taꞌníj caꞌnáꞌ ꞌu̱nj nano̱ꞌ ꞌu̱nj mán so̱ꞌ, maestro. Ne̱ taꞌníj me se yaꞌmi̱i soꞌ ꞌyaj nana̱ chre̱e nu̱u̱ nimán soꞌ,

San Marcos 9:17 ပူးပေါင်းရင်းမြစ်များ

San Mateo 12:22

Guun naá do̱j, ga̱a ne̱ caꞌnaꞌ yuvii̱ rihaan Jesús, ne̱ nica̱j nij yuvii̱ man ꞌo̱ síí yaꞌmi̱i aráán rihaan nu̱u̱ nana̱ chre̱e nimán a. Ne̱ nahuun nu̱ꞌ soꞌ, quiꞌyaj Jesús, ne̱ naxraꞌ rihaan soꞌ, ne̱ caꞌmii soꞌ ado̱nj.

San Mateo 17:15

―Señor, cunu̱u ꞌe̱e̱ rá so̱ꞌ man taꞌníj rugua̱nj. ꞌO̱ se ranꞌ soꞌ chiꞌii̱ snúú, ne̱ cheꞌé dan ranꞌ ndoꞌo soꞌ sayuun na̱nj ado̱nj. Veé dan, ne̱ ina̱nj naxruꞌ soꞌ rihaan yaꞌan do̱ꞌ, naxruꞌ soꞌ rque na do̱ꞌ a.

San Mateo 9:32

Tanáj ro̱j soꞌ man Jesús, ne̱ dan me se cuchiꞌ yuvii̱ nica̱j man ꞌo̱ síí yaꞌmi̱i rihaan Jesús a. Síí yaꞌmi̱i yoꞌ me se nana̱ chre̱e nuû nimán soꞌ, ne̱ cheꞌé dan ne aꞌmii soꞌ, ꞌyaj nana̱ chre̱e yoꞌ a.

San Marcos 10:13

Ga̱a ne̱ nica̱j nij yuvii̱ man nij xnii leꞌe̱j caꞌnaꞌ nij yuvii̱ rihaan Jesús, cheꞌé rej cuta̱ꞌ Jesús raꞌa soꞌ raa̱ nij xnii leꞌe̱j a. Tza̱j ne̱ caxríj yuva̱a̱ nij síí tucuꞌyón snana̱ Jesús man nij yuvii̱ yoꞌ a.

San Marcos 5:23

ga̱a ne̱ rquee̱ uxrá soꞌ man Jesús, ne̱ dan me se cataj soꞌ a: ―Taꞌníj chala̱ cunii roꞌ, ranꞌ ndoꞌo noꞌ, ne̱ da̱j doj cavi̱ꞌ noꞌ, ne̱ me rá ꞌu̱nj cuchi̱ꞌ so̱ꞌ veꞌ tucuaj, ne̱ cuta̱ꞌ so̱ꞌ raꞌá so̱ꞌ raa̱ noꞌ cheꞌé yan nahu̱un sa̱ꞌ noꞌ, ne̱ se̱ caviꞌ noꞌ, qui̱ꞌyáá so̱ꞌ maꞌ ―taj Jairo rihaan Jesús a.

San Marcos 7:26

Dan me se chana̱ sirofenicia aꞌmii xnaꞌánj griego me chana̱ yoꞌ, ne̱ rquee̱ noꞌ man Jesús se vaa quiri̱i̱ Jesús nana̱ chre̱e nimán taꞌníí noꞌ a.

San Marcos 9:16

Ga̱a ne̱ xnáꞌanj Jesús man nij yuvii̱ a: ―Me cheꞌé me caꞌmii cunuꞌ nij soj ga̱ nij síí tucuꞌyón snana̱j ga̱ ―taj soꞌ a.

San Marcos 9:18

ne̱ me rej maꞌa̱n me rá nana̱ chre̱e ta̱ꞌaa yoꞌ man soꞌ, ne̱ caganꞌ yoꞌ man soꞌ rihaan yoꞌóó, ne̱ avii yatanꞌ tuꞌva soꞌ, ne̱ chá ru̱j soꞌ cúú yanꞌ soꞌ, ne̱ nuu chrúnj nu̱ꞌ soꞌ na̱nj ado̱nj. Ne̱ cataj ꞌu̱nj rihaan nij síí tucuꞌyón snana̱ so̱ꞌ se vaa quiri̱i̱ nij soꞌ nana̱ chre̱e nimán taꞌníj, tza̱j ne̱ ne caꞌve̱e quiꞌya̱j canaán nij soꞌ maꞌ ―taj snóꞌo yoꞌ a.

San Marcos 9:25

Dan me se queneꞌen Jesús se vaa cunánj ndoꞌo yuvii̱ caꞌna̱ꞌ nij yuvii̱ rej nicu̱nꞌ soꞌ, ne̱ cheꞌé dan nucua̱j caꞌmii Jesús rihaan nana̱ chre̱e yoꞌ a: ―Rihaan so̱ꞌ na̱na̱ chre̱e quiꞌyaj yaꞌmi̱i ne̱ quiꞌyaj soꞌo̱ man xnii nihánj aꞌmij, ne̱ aꞌnéꞌ ꞌu̱nj suun rihaan so̱ꞌ se vaa cu̱riha̱nj so̱ꞌ cuaj nimán soꞌ cuano̱, ne̱ daj chiha̱a̱ míj se̱ catúj uún so̱ꞌ nimán soꞌ a̱ maꞌ ―taj Jesús a.

San Lucas 11:14

Dan me se quirii Jesús ꞌo̱ nana̱ chre̱e yaꞌmi̱i nimán ꞌo̱ snóꞌo, ne̱ ga̱a curiha̱nj nana̱ chre̱e, ne̱ caꞌmii síí yaꞌmi̱i ado̱nj. Ne̱ caráyaꞌa̱nj uxrá nij yuvii̱ queneꞌen nij soꞌ se vaa quiꞌyaj Jesús,

San Lucas 9:38

Dan me se nucua̱j ndoꞌo caꞌmii ꞌo̱ síí ꞌnaꞌ scaꞌnúj nij yuvii̱ rihaan Jesús, ne̱ cataj soꞌ a: ―Achíín ni̱ꞌyáj rihaan so̱ꞌ se vaa cunu̱u ꞌe̱e̱ rá so̱ꞌ ni̱ꞌyaj so̱ꞌ taꞌníj cheꞌé se o̱rúnꞌ ra̱a̱ soꞌ me taꞌníj, maestro.

San Juan 4:47

Dan me se cuchiꞌ nana̱ rihaan síí nica̱j suun yoꞌ se vaa cavii Jesús estadó Judea caꞌnaꞌ Jesús estadó Galilea a. Ga̱a ne̱ caꞌanj soꞌ cuchiꞌ soꞌ rihaan Jesús, ne̱ cachíín niꞌya̱j uxrá soꞌ rihaan Jesús se vaa caꞌa̱nj Jesús quiꞌya̱j conoꞌó Jesús man taꞌníí soꞌ a. ꞌO̱ se da̱j doj cavi̱ꞌ taꞌníí soꞌ, taj soꞌ a.