San Marcos 9:16 - Triqui de San Juan Copala

¹⁶ Ga̱a ne̱ xnáꞌanj Jesús man nij yuvii̱ a: ―Me cheꞌé me caꞌmii cunuꞌ nij soj ga̱ nij síí tucuꞌyón snana̱j ga̱ ―taj soꞌ a.

San Marcos 9:16 ပူးပေါင်းရင်းမြစ်များ

San Marcos 8:11

Dan me se curiha̱nj do̱j nij síí fariseo, ga̱a ne̱ guun cheꞌe̱ nij soꞌ aꞌmii anó tuviꞌ nij soꞌ ga̱ Jesús, ne̱ cachíín niꞌya̱j nij soꞌ rihaan Jesús se vaa ra̱cuíj Yaꞌanj man Jesús, ne̱ quiꞌya̱j Jesús ꞌo̱ suun sa̱ꞌ noco̱o queneꞌe̱n nij soꞌ, ga̱a ne̱ gu̱un ya̱ rá nij soꞌ se vaa síí caꞌnéé ya̱ Yaꞌanj me Jesús, rá nij soꞌ a.

San Marcos 9:15

Ne̱ nu̱ꞌ queneꞌen nij yuvii̱ man Jesús, ne̱ nu̱ꞌ caꞌanj ndoꞌo rá nij yuvii̱, ne̱ cunánj nij yuvii̱ nda̱a rej va̱j Jesús caꞌmi̱i̱ nij soꞌ ga̱ soꞌ a.

San Marcos 9:17

Ga̱a ne̱ ꞌo̱ nij yuvii̱ cataj rihaan Jesús a: ―ꞌU̱nj me se nica̱j ꞌu̱nj taꞌníj caꞌnáꞌ ꞌu̱nj nano̱ꞌ ꞌu̱nj mán so̱ꞌ, maestro. Ne̱ taꞌníj me se yaꞌmi̱i soꞌ ꞌyaj nana̱ chre̱e nu̱u̱ nimán soꞌ,