San Marcos 8:6 - Triqui de San Juan Copala

⁶ Ga̱a ne̱ caꞌneꞌ Jesús suun rihaan nij yuvii̱ se vaa caꞌa̱nj ca̱yáán nij yuvii̱ rihaan yoꞌóó a. Ga̱a ne̱ nica̱j soꞌ chi̱j nij rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún a. Ga̱a ne̱ cuxraꞌ taꞌa̱j soꞌ rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ ta̱cuachén nij soꞌ rihaan nij yuvii̱, ne̱ da̱nj quiꞌyaj nij soꞌ a.

San Marcos 8:6 ပူးပေါင်းရင်းမြစ်များ

San Mateo 26:26

Ne̱ ga̱a chá nij soꞌ, ne̱ taꞌaa Jesús ꞌo̱ rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún, ne̱ rqué soꞌ rihaan nij síí tucuꞌyón snana̱ soꞌ, ne̱ cataj soꞌ a: ―Ta̱ꞌaa soj rachrúún nihánj, cha̱ soj man yoꞌ á. Nee̱ manj me rachrúún nihánj ado̱nj ―taj soꞌ a.

San Marcos 8:20

Ga̱a ne̱ cataj uún Jesús a: ―Ne̱ ne nuû rá soj ga̱a vaa da̱j ꞌó chi̱j gue̱e̱ rachrúún cuxraꞌ taꞌa̱j ꞌu̱nj tza̱j ne̱ quisíj chá cunu̱ꞌ caꞌa̱nj míj yuvii̱, quiꞌyáj a. Ne̱ me daj scaa se chá quináj tuꞌva yuvii̱ naquiꞌyaj chre̱ꞌ soj, rá soj ga̱ ―taj Jesús xnáꞌanj uún soꞌ man nij soꞌ a. Ga̱a ne̱ cataj nij soꞌ a: ―Chi̱j a ―taj nij soꞌ a.

San Marcos 8:5

Ga̱a ne̱ xnáꞌanj Jesús man nij soꞌ a: ―Me daj rachrúún vaa rihaan soj ga̱ ―taj soꞌ a. ―Chi̱j gue̱e̱ rachrúún vaa rihaan núj na̱nj á ―taj nij soꞌ a.

San Marcos 8:7

Ne̱ vaa do̱j xcuaj leꞌe̱j rihaan nij soꞌ uún, ne̱ cataj Jesús guun niꞌya̱j níꞌ rihaan Yaꞌanj cheꞌé nij xcuaj leꞌe̱j, ne̱ cataj soꞌ rihaan nij síí tucuꞌyón snana̱ soꞌ se vaa ta̱cuachén nij soꞌ nee̱ xcuaj leꞌe̱j rihaan nij yuvii̱ uún a.

San Lucas 12:37

Ne̱ cavi̱i̱ sa̱ꞌ uxrá nij mozó ꞌyaj da̱nj, cheꞌé se ne otoj nij soꞌ ga̱a namán se‑ruꞌve̱e̱ nij soꞌ a. Dan me se queneꞌe̱n ya̱ soꞌ se vaa ne otoj nij soꞌ maꞌ. Cata̱j yá ꞌu̱nj rihaan soj cuano̱ se vaa maꞌa̱n ruꞌvee yoꞌ roꞌ, naquiꞌya̱j sa̱ꞌ soꞌ man soꞌ, ne̱ ca̱yáán se‑mo̱zó soꞌ rihaan mesá, quiꞌya̱j soꞌ, ne̱ quiꞌya̱j chuvi̱i maꞌa̱n soꞌ cha̱ nij se‑mo̱zó soꞌ ado̱nj.

San Lucas 24:30

Dan me se yáán nij soꞌ cha̱ xtiꞌno̱ nij soꞌ, ne̱ nica̱j Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún, ga̱a ne̱ cuxraꞌ taꞌa̱j soꞌ rachrúún, rqué soꞌ cha̱ ro̱j soꞌ a.

San Juan 2:5

Ga̱a ne̱ cataj xnaꞌanj nii Jesús rihaan nij mozó a: ―Quiꞌya̱j soj nu̱ꞌ se vaa cata̱j xnaꞌanj soꞌ rihaan soj á ―taj noꞌ rihaan nij mozó a.

San Juan 6:23

Tza̱j ne̱ caꞌnaꞌ do̱j rihoo cavii chumanꞌ Tiberias tuꞌva na laguaná nichru̱nꞌ rej chá nij yuvii̱ rachrúún ga̱a quisíj cataj Jesús Si̱j ꞌNi̱j Raꞌa man níꞌ guun niꞌya̱j níꞌ rihaan Yaꞌanj cheꞌé rachrúún yoꞌ a.

Romanos 14:6

Xa̱ꞌ síí taj se vaa vaa güii gue̱e̱, tza̱j ne̱ da̱nj vaa rá soꞌ cheꞌé Síí ꞌNi̱j Raꞌa man níꞌ, ne̱ da̱nj na̱nj síí chá na̱j guun rasu̱u̱n, ne̱ da̱nj ꞌyaj soꞌ cheꞌé Síí ꞌNi̱j Raꞌa man níꞌ uún a. Da̱nj ꞌyaj ꞌo̱ ꞌo̱ nij soꞌ, ne̱ taj nij soꞌ guun niꞌya̱j níꞌ rihaan Yaꞌanj a. Ne̱ xa̱ꞌ síí naꞌvej rá cha̱ na̱j guun rasu̱u̱n, tza̱j ne̱ veé da̱nj vaa rá soꞌ cheꞌé Síí ꞌNi̱j Raꞌa man níꞌ uún, ne̱ dan me se taj soꞌ guun niꞌya̱j níꞌ rihaan Yaꞌanj uún a.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.