San Marcos 8:32 - Triqui de San Juan Copala

³² Nica̱ ndoꞌo nataꞌ soꞌ nana̱ yoꞌ rihaan nij soꞌ a. Ga̱a ne̱ quirii yaníj Pedró man Jesús, ne̱ guun cheꞌe̱ soꞌ cataj soꞌ se vaa ne nó xcúún Jesús caꞌmi̱i̱ Jesús nana̱ vaa da̱nj maꞌ.

San Marcos 8:32 ပူးပေါင်းရင်းမြစ်များ

San Mateo 16:22

Ga̱a ne̱ quirii yaníj Pedró man Jesús, ne̱ guun cheꞌe̱ soꞌ cataj soꞌ se vaa ne nó xcúún Jesús caꞌmi̱i̱ Jesús da̱nj maꞌ. Ne̱ cataj Pedró a: ―Cunu̱u ꞌe̱e̱ rá Yaꞌanj mán so̱ꞌ, Señor. Daj chiha̱a̱ míj se̱ quiránꞌ so̱ꞌ da̱nj maꞌ ―taj Pedró rihaan Jesús a.

San Marcos 4:38

Ne̱ Jesús me se na̱j soꞌ rej sihu̱u̱ rihoo, ne̱ ꞌni̱j raa̱ soꞌ yatzéj ꞌni̱j raa̱, otoj soꞌ a. Ga̱a ne̱ narii nij síí tucuꞌyón snana̱ Jesús nej rihaan Jesús, ne̱ cataj nij soꞌ a: ―Nihánj me se da̱j doj cavi̱ꞌ níꞌ, maestro, ne̱ me cheꞌé ne rihuun rá so̱ꞌ ga̱ ―taj nij soꞌ a.

San Lucas 10:40

Tza̱j ne̱ Marta roꞌ, da̱j a̱ suun caráyaꞌa̱nj noꞌ a. Dan me se nichrunꞌ Marta rihaan Jesús, ne̱ cataj noꞌ rihaan soꞌ a: ―Me cheꞌé ne rihuun rá so̱ꞌ se vaa dínj yáán chuꞌvij ꞌu̱nj, ne̱ o̱rúnꞌ ma̱ꞌanj ꞌyaj chuvi̱i, ga̱a Seño̱rꞌ. Cata̱j so̱ꞌ rihaan noꞌ se vaa ra̱cuíj noꞌ manj á ―taj Marta rihaan Jesús a.

San Juan 10:24

ne̱ cunuu chre̱ꞌ nij síí uun chij rihaan nij yuvii̱ israelitá, ne̱ ꞌo̱ tucuachriin nij soꞌ nu̱ꞌ anica̱j man Jesús a. Ga̱a ne̱ cataj nij soꞌ a: ―Nda̱a aman me quisi̱j güii gu̱un ya̱ ya̱ rá nimán núj ni̱ꞌyaj núj mán so̱ꞌ ga̱. ꞌO̱ se cata̱j xnaꞌanj yá yá so̱ꞌ rihaan núj sese ya̱ Si̱j Caꞌnéé Yaꞌanj Ti̱nanii man Yuvii̱ rihaan Sayuun me yá so̱ꞌ á ―taj nij soꞌ rihaan Jesús a.

San Juan 11:14

Cheꞌé dan nica̱ caꞌmii Jesús rihaan nij soꞌ, cataj soꞌ a: ―A̱j caviꞌ Lázaro a.

San Juan 16:25

Ga̱a ne̱ cataj uún Jesús a: ―Dan me se a̱j tihaán ꞌu̱nj nana̱ sa̱ꞌ yuve̱ rihaan soj cheꞌé rasu̱u̱n nihánj, tza̱j ne̱ vaa güii, ne̱ se̱ tihaán ꞌu̱nj nana̱ sa̱ꞌ yuve̱ rihaan soj a̱ maꞌ. Tana̱nj nana̱ nica̱ nata̱ꞌ ꞌu̱nj rihaan soj cheꞌé Réj Yaꞌanj a.

San Juan 16:29

Ga̱a ne̱ cataj nij síí tucuꞌyón snana̱ soꞌ a: ―Ni̱ꞌyaj so̱ꞌ á. Cuano̱ nihánj me se nana̱ nica̱ aꞌmii so̱ꞌ rihaan núj, ne̱ né na̱na̱ yuve̱ me aꞌmii so̱ꞌ rihaan núj a̱ maꞌ.

San Juan 18:20

Ga̱a ne̱ cataj Jesús rihaan nij soꞌ a: ―ꞌU̱nj roꞌ, caꞌmii ranga̱ꞌ rihaan cunuda̱nj nij yuvii̱ a. Nu̱ꞌ güii tucuꞌyón ꞌu̱nj snana̱j rá veꞌ tucuꞌyón níꞌ stucua̱nj Moisés do̱ꞌ, rej ya̱nj nuvií noco̱o do̱ꞌ, ne̱ yoꞌ me rej nuu chre̱ꞌ ta̱ranꞌ nij yuvii̱ israelitá a. Ne̱ taj va̱j nana̱ ne caꞌmi̱i̱ yuve̱ ꞌu̱nj maꞌ.