San Marcos 8:23 - Triqui de San Juan Copala

²³ Ga̱a ne̱ taꞌaa Jesús raꞌa síí tuchri̱i yoꞌ, ne̱ curiha̱nj soꞌ rej tuꞌva chumanꞌ ga̱ síí tuchri̱i, ne̱ quirii talúj Jesús rlij rihaan síí tuchri̱i yoꞌ, ne̱ cutaꞌ raꞌa Jesús xráá soꞌ, ga̱a ne̱ xnáꞌanj Jesús man soꞌ a: ―Ruviꞌ rihaan so̱ꞌ naꞌ ―taj Jesús a.

San Marcos 8:23 ပူးပေါင်းရင်းမြစ်များ

San Marcos 5:23

ga̱a ne̱ rquee̱ uxrá soꞌ man Jesús, ne̱ dan me se cataj soꞌ a: ―Taꞌníj chala̱ cunii roꞌ, ranꞌ ndoꞌo noꞌ, ne̱ da̱j doj cavi̱ꞌ noꞌ, ne̱ me rá ꞌu̱nj cuchi̱ꞌ so̱ꞌ veꞌ tucuaj, ne̱ cuta̱ꞌ so̱ꞌ raꞌá so̱ꞌ raa̱ noꞌ cheꞌé yan nahu̱un sa̱ꞌ noꞌ, ne̱ se̱ caviꞌ noꞌ, qui̱ꞌyáá so̱ꞌ maꞌ ―taj Jairo rihaan Jesús a.

San Marcos 7:33

Ga̱a ne̱ nica̱j Jesús man soꞌ caꞌanj yaníj Jesús rihaan ꞌó nij yuvii̱, ga̱a ne̱ tucuaꞌanj Jesús raꞌa Jesús yuꞌuj xréé soꞌ, ga̱a ne̱ quirii talúj Jesús raꞌa Jesús, ne̱ canó raꞌa Jesús daa soꞌ a.

San Marcos 8:24

Ga̱a ne̱ niꞌya̱j síí tuchri̱i yoꞌ do̱j, ga̱a ne̱ cataj soꞌ a: ―Neꞌén ꞌu̱nj nij snóꞌo, ne̱ ase vaa chruun vaa nij soꞌ, tza̱j ne̱ chéé nij soꞌ niꞌya̱j ꞌu̱nj na̱nj asânj ―taj soꞌ a.

San Marcos 8:26

Ga̱a ne̱ caꞌnéé Jesús man soꞌ quina̱nꞌ soꞌ, tza̱j ne̱ cataj Jesús rihaan soꞌ a: ―A̱ doj se̱ catúj so̱ꞌ rá chumanꞌ nihánj, ne̱ se̱ cataj so̱ꞌ rihaan nij yuvii̱ ma̱n chumanꞌ nihánj da̱j quiꞌyáj cheꞌé so̱ꞌ maꞌ ―taj Jesús a.

Hechos 23:19

Dan me se coro̱ꞌ tanuu uun chij yoꞌ raꞌa xticunꞌ Pabló, ga̱a ne̱ caꞌanj yaníj ro̱j soꞌ, ga̱a ne̱ xnáꞌanj tanuu yoꞌ man soꞌ, cataj soꞌ a: ―Me nana̱ nata̱ꞌ so̱ꞌ rihanj, rá so̱ꞌ ga̱ ―taj soꞌ rihaan síí tachru̱u̱ yoꞌ a.

Hechos 9:8

Ne̱ Saulo me se naxuma̱a̱n soꞌ, ne̱ nuxraꞌ soꞌ rihaan soꞌ, tza̱j ne̱ taj se quiꞌyáꞌ queneꞌe̱n soꞌ maꞌ. Dan ga̱a ne̱ taꞌaa ꞌó nij soꞌ raꞌa soꞌ, ne̱ racuíj nij soꞌ man Saulo chéé Saulo, ne̱ caꞌanj nij soꞌ catúj nij soꞌ chumanꞌ Damasco a.

Hebreos 8:9

Ne̱ ino̱ doj ga̱a̱ nana̱ naca̱ yoꞌ ga̱ nana̱ cataj xnaꞌanj ꞌu̱nj rihaan xi̱i nij soꞌ si̱j cumán ga̱a naá, ga̱a taꞌaa ꞌu̱nj raꞌa nij soꞌ, ne̱ quirii ꞌu̱nj man nij soꞌ yoꞌóó noco̱o cuꞌna̱j Egiptó a. Tza̱j ne̱ tanáj xco̱ nij soꞌ nana̱ yoꞌ, ga̱a ne̱ naꞌnéj raꞌa nij soꞌ na̱nj ado̱nj, taj Síí ꞌNi̱j Raꞌa man níꞌ a.

Apocalipsis 3:18

’Cheꞌé dan narque̱j chrej nucua̱j man soj se vaa quira̱a̱n soj agaꞌ oró míí rihanj agaꞌ cachén yaꞌan ne̱ cunuu sa̱ꞌ ina̱nj, ga̱a ne̱ caꞌve̱e cunu̱u ruꞌve̱e̱ ya̱ ya̱ soj rihanj á. Ne̱ quira̱a̱n soj yatzíj catzi̱i̱ rihanj, ne̱ caꞌve̱e cu̱nuû soj, ne̱ se̱ queneꞌen yuvii̱ se vaa nuviꞌ saga̱nꞌ soj ne̱ se̱ guun naꞌa̱j soj se vaa nuviꞌ saga̱nꞌ soj maꞌ. Ne̱ quira̱a̱n soj rmedió sa̱ꞌ rihanj, ne̱ caxri̱i̱ soj rlij rihaan soj, ga̱a ne̱ caꞌve̱e queneꞌe̱n soj, ne̱ xca̱j sa̱ꞌ soj cuentá ado̱nj.