San Marcos 8:2 - Triqui de San Juan Copala

² ―Nuu ꞌe̱e̱ raj man nij yuvii̱ cheꞌé se síj vaꞌnu̱j güii vaj nij yuvii̱ ga̱ ꞌu̱nj, ne̱ taj va̱j se chá rihaan nij yuvii̱ cuano̱ a̱ maꞌ.

San Marcos 8:2 ပူးပေါင်းရင်းမြစ်များ

San Mateo 14:14

Ne̱ nanij Jesús rá rihoo, ne̱ queneꞌen soꞌ se vaa a̱j ma̱n ri̱i̱ uxrá yuvii̱, ne̱ cunuu ꞌe̱e̱ rá soꞌ man nij yuvii̱, ne̱ nahuun sa̱ꞌ ta̱ranꞌ nij síí ranꞌ caꞌnaꞌ rihaan Jesús, quiꞌyaj soꞌ na̱nj ado̱nj.

San Mateo 20:34

Ga̱a ne̱ cunuu ꞌe̱e̱ rá Jesús man ro̱j soꞌ, ne̱ cutaꞌ Jesús raꞌa Jesús rihaan ro̱j soꞌ, ga̱a ne̱ veé ma̱an orá dan cunuu sa̱ꞌ rihaan ro̱j soꞌ na̱nj ado̱nj. Ga̱a ne̱ caꞌanj ro̱j soꞌ ga̱ Jesús a.

San Mateo 9:36

Ne̱ ga̱a queneꞌen soꞌ man nij yuvii̱ ri̱i̱ yoꞌ, ne̱ cunuu ꞌe̱e̱ rá soꞌ man nij soꞌ a. ꞌO̱ se queneꞌen soꞌ se vaa ase vaa matzinj va̱j maꞌa̱n vaa nij yuvii̱, nuviꞌ síí tumé man nij soꞌ, ne̱ a̱j quiranꞌ ndoꞌo nij soꞌ sayuun, ne̱ ninaj ndoꞌo nij soꞌ ado̱nj.

San Marcos 1:41

Ga̱a ne̱ cunuu ꞌe̱e̱ rá Jesús man soꞌ, ne̱ canó raꞌa Jesús man soꞌ, ne̱ cataj Jesús a: ―Me raj qui̱ꞌyáj da̱nj á. Nahu̱un sa̱ꞌ so̱ꞌ qui̱ꞌyáj ado̱nj ―taj Jesús a.

San Marcos 5:19

Tza̱j ne̱ ne caꞌve̱j rá Jesús caꞌa̱nj soꞌ ga̱ Jesús maꞌ. Tana̱nj cataj Jesús rihaan soꞌ a: ―Cavi̱i̱ so̱ꞌ nánꞌ so̱ꞌ veꞌ tucuá so̱ꞌ rej ya̱nj nij tuvíꞌ so̱ꞌ, ne̱ cata̱j xnaꞌanj so̱ꞌ rihaan nij soꞌ nu̱ꞌ rasu̱u̱n noco̱o quiꞌyaj Yaꞌanj Si̱j ꞌNi̱j Raꞌa man níꞌ cheꞌé so̱ꞌ, ne̱ da̱j vaa cunuu ꞌe̱e̱ rá Yaꞌanj niꞌya̱j Yaꞌanj mán so̱ꞌ á ―taj Jesús a.

San Marcos 6:32

Ga̱a ne̱ cavii nij soꞌ rque rihoo chéé rihaan na, ne̱ caꞌanj o̱rúnꞌ nij soꞌ ꞌo̱ rej taj va̱j yuvii̱ a.

San Marcos 6:34

Ne̱ nanij Jesús rá rihoo, ne̱ queneꞌen soꞌ se vaa a̱j ma̱n ri̱i̱ uxrá yuvii̱, ne̱ cunuu ꞌe̱e̱ rá soꞌ niꞌya̱j soꞌ man nij yuvii̱ a. ꞌO̱ se ase vaa matzinj nuviꞌ síí tumé man vaa nij yuvii̱, niꞌya̱j Jesús, ga̱a ne̱ guun cheꞌe̱ soꞌ tucuꞌyón ndoꞌo soꞌ snana̱ soꞌ man nij yuvii̱ a.

San Marcos 8:3

Ne̱ sese naꞌne̱j ꞌu̱nj chrej man nij yuvii̱ cuano̱ quina̱nꞌ nij soꞌ ga̱a naꞌaan rque nij soꞌ, ne̱ ru̱j rmi̱ꞌ nij soꞌ rá chrej, ne̱ dan me se taꞌa̱j nij soꞌ me síí ya̱nj rej ga̱nꞌ ndoꞌo na̱nj ado̱nj ―taj Jesús a.

San Marcos 9:22

ne̱ queꞌe̱e̱ ndoꞌo caganꞌ nana̱ chre̱e man soꞌ rihaan yaꞌan do̱ꞌ, rihaan na do̱ꞌ, cheꞌé yan cavi̱ꞌ xnii, tza̱j ne̱ sese caꞌve̱e, ne̱ cunu̱u ꞌe̱e̱ rá so̱ꞌ manj ne̱ ra̱cuíj so̱ꞌ man núj rugua̱nj ―taj rej xnii yoꞌ rihaan Jesús a.

San Lucas 15:20

’Ga̱a ne̱ cavii soꞌ caꞌanj soꞌ rej ya̱nj rej soꞌ a. Dan me se ga̱nꞌ ndoꞌo va̱j soꞌ chéé soꞌ, ne̱ queneꞌen rej soꞌ man soꞌ, ne̱ cunuu ꞌe̱e̱ ndoꞌo rá rej soꞌ man soꞌ, ne̱ cunánj rej soꞌ nda̱a rej va̱j soꞌ, ne̱ naꞌya̱a̱n rej soꞌ man soꞌ, ne̱ cachrón tuꞌva̱ rej soꞌ man soꞌ a.

San Lucas 7:13

Dan me se queneꞌen Jesús man chana̱ yoꞌ, ga̱a ne̱ cunuu ꞌe̱e̱ rá soꞌ man noꞌ, ga̱a ne̱ cataj soꞌ a: ―Se̱ taꞌveé so̱ꞌ maꞌ ―taj soꞌ a.

Hebreos 2:17

Cheꞌé dan me naquiꞌyaj soꞌ man soꞌ nda̱a rá se vaa gue̱e̱ nij tinúú ya̱ soꞌ ado̱nj. Da̱nj quiꞌyaj soꞌ cheꞌé rej caꞌve̱e cunu̱u ꞌe̱e̱ rá soꞌ man níꞌ, ne̱ gu̱un soꞌ xrej sa̱ꞌ rá ata̱ suun noco̱o doj rihaan Yaꞌanj cheꞌé níꞌ, ne̱ gu̱un nucua̱j rá níꞌ ni̱ꞌyaj níꞌ man soꞌ, ne̱ tinavi̱j soꞌ cacunꞌ tumé níꞌ si̱j noco̱ꞌ man Yaꞌanj ado̱nj.

Hebreos 4:15

ꞌO̱ se né xre̱j ne neꞌen da̱j vaa sayuun ranꞌ níꞌ me soꞌ maꞌ. ꞌO̱ se a̱j neꞌen soꞌ da̱j vaa chrej chiꞌi̱i̱ ꞌnaꞌ rihaan níꞌ ado̱nj. Cheꞌé dan cunuu ꞌe̱e̱ rá soꞌ man níꞌ ga̱a nina̱j níꞌ rihaan sayuun ado̱nj. Dan me se ase vaa maꞌa̱n níꞌ roꞌ, vaa soꞌ, ne̱ ase vaa sayuun ꞌnaꞌ rihaan níꞌ roꞌ, da̱nj vaa sayuun caꞌnaꞌ rihaan soꞌ, tza̱j ne̱ ne quiꞌya̱j soꞌ a̱ ꞌó xcoꞌ cacunꞌ maꞌ.

Hebreos 5:2

Da̱nj ꞌyaj nij soꞌ, cheꞌé se na̱nj yuvii̱ me nij soꞌ, ne̱ cheꞌé dan ne uun nucua̱j nij soꞌ quiꞌya̱j nij soꞌ ina̱nj se sa̱ꞌ a̱ maan ado̱nj. Cheꞌé dan caꞌve̱e gu̱un ꞌe̱e̱ rá nij soꞌ ni̱ꞌyaj nij soꞌ man nij síí ne neꞌen do̱ꞌ, man nij síí va̱j chrej chiꞌi̱i̱ do̱ꞌ a. Ne̱ cheꞌé cacunꞌ tumé maꞌa̱n nij soꞌ roꞌ,