San Marcos 8:17 - Triqui de San Juan Copala

¹⁷ A̱j neꞌen Jesús da̱j uun nimán nij soꞌ, ne̱ cheꞌé dan cataj soꞌ a: ―Me cheꞌé nanó ndoꞌo rá soj se vaa taj rachrúún rihaan soj ga̱. Me cheꞌé ataa xca̱j soj cuentá ga̱. ꞌO̱ se vaa nichra̱j ndoꞌo nimán soj na̱nj ado̱nj.

San Marcos 8:17 ပူးပေါင်းရင်းမြစ်များ

San Mateo 12:15

Tza̱j ne̱ queneꞌen Jesús da̱j me rá nij síí fariseo quiꞌya̱j nij soꞌ man Jesús a. Cheꞌé dan cavii soꞌ rej yoꞌ, ne̱ caꞌanj ndoꞌo yuvii̱ ga̱ soꞌ, ne̱ nahuun cunuda̱nj nij síí ranꞌ va̱j ga̱ nij yuvii̱, quiꞌyaj Jesús a.

San Mateo 15:17

Ne̱ neꞌen soj se vaa nu̱ꞌ se atúj tuꞌva yuvii̱ roꞌ, achén yoꞌ rque yuvii̱, ne̱ uriha̱nj yoꞌ ga̱a reꞌé yuvii̱ na̱nj á.

San Mateo 16:7

Ne̱ nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ rihaan tuviꞌ nij soꞌ a.

San Marcos 16:14

Cachén do̱j, ga̱a ne̱ yáán xa̱a̱n nij síí tucuꞌyón snana̱ Jesús rihaan mesá, ne̱ curuviꞌ maꞌa̱n Jesús rihaan nij soꞌ, ne̱ caxríj yuva̱a̱ soꞌ man nij soꞌ se vaa guun nichra̱j rá nij soꞌ ne̱ ne cuchuma̱n rá nij soꞌ snana̱ nij síí queneꞌen se vaa a̱j cunuu iꞌna̱ꞌ uún soꞌ a.

San Marcos 2:8

Dan me se queneꞌen nimán maꞌa̱n Jesús se vaa guun nimán nij soꞌ da̱nj, ne̱ cheꞌé dan cataj soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Marcos 3:5

Ga̱a ne̱ caꞌmaan rá Jesús, ne̱ niꞌya̱j soꞌ man nij síí fariseo yoꞌ a. ꞌO̱ se nanó ndoꞌo rá soꞌ cheꞌé se síí nichra̱j ndoꞌo nimán me nij soꞌ a. Ga̱a ne̱ cataj Jesús rihaan síí nacoo̱ raꞌa yoꞌ a: ―Tu̱cuá so̱ꞌ raꞌá so̱ꞌ á ―taj Jesús a. Ne̱ tucuá soꞌ raꞌa soꞌ, ne̱ cunuu sa̱ꞌ raꞌa soꞌ na̱nj ado̱nj.

San Marcos 6:52

ꞌO̱ se ne xca̱j sa̱ꞌ nij soꞌ cuentá cheꞌé se nucua̱j nica̱j Jesús ga̱a cuxraꞌ taꞌa̱j Jesús rachrúún chá nij yuvii̱ a. Ma̱an se nichra̱j ndoꞌo nimán nij soꞌ a.

San Marcos 8:16

Nuchruj ra̱a̱ ndoꞌo nij síí tucuꞌyón snana̱ Jesús cheꞌé nana̱ caꞌmii soꞌ, ne̱ cataj nij soꞌ a: ―Cheꞌé se taj rachrúún nica̱j níꞌ, ne̱ cheꞌé dan aꞌmii soꞌ cheꞌé levadura se ꞌyaj naraa nana̱ rque rachrúún na̱nj ado̱nj ―taj nij soꞌ a.

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Juan 16:30

Nihánj me se neꞌen núj se vaa neꞌén so̱ꞌ cunuda̱nj, ne̱ nda̱a neꞌén so̱ꞌ me nana̱ uun rá yuvii̱ xna̱ꞌanj yuvii̱ mán so̱ꞌ a. Cheꞌé dan amán rá núj se vaa cavii so̱ꞌ rihaan Yaꞌanj na̱nj á ―taj nij síí tucuꞌyón snana̱ Jesús a.

San Juan 21:17

Ga̱a ne̱ cataj uún Jesús rihaan Pedró a: ―Cu̱nó so̱ꞌ caꞌmi̱j, Simón taꞌníí Jonás. ꞌE̱e̱ rá so̱ꞌ manj naꞌ ―taj uún Jesús a. Ne̱ veé da̱nj quisíj vaꞌnu̱j xnáꞌanj soꞌ da̱nj man Pedró a. Dan me se quinanó rá Pedró cheꞌé se quisíj vaꞌnu̱j xnáꞌanj Jesús da̱nj man soꞌ a. Ga̱a ne̱ cataj uún soꞌ rihaan Jesús a: ―Neꞌén so̱ꞌ cunuda̱nj, Señor. Ma̱ꞌán so̱ꞌ neꞌen se vaa ꞌe̱e̱ raj mán so̱ꞌ á ―taj Pedró rihaan Jesús a. ―Veꞌé rque̱ so̱ꞌ cha̱ daán ꞌu̱nj matzinj á.

Apocalipsis 2:23

Ne̱ ꞌo̱ cavi̱ꞌ nij síí noco̱ꞌ snana̱ chana̱ yoꞌ, qui̱ꞌyáj, ga̱a ne̱ queneꞌe̱n nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ se vaa ꞌu̱nj me síí acaj ndoꞌo cuentá da̱j vaa raa̱ yuvii̱ do̱ꞌ, da̱j vaa nimán yuvii̱ do̱ꞌ, ne̱ na̱ruꞌvee ꞌu̱nj rihaan ꞌo̱ ꞌo̱ nij soj cheꞌé se vaa ꞌyaj ꞌo̱ ꞌo̱ nij soj chugua̱nj.