San Marcos 7:5 - Triqui de San Juan Copala

⁵ Ga̱a ne̱ xnáꞌanj nij síí fariseo ga̱ nij síí naquiꞌyaj cu̱u stucua̱nj Moisés man Jesús a: ―Nij síí tucuꞌyón snana̱ so̱ꞌ me se me cheꞌé ne nocoꞌ nij soꞌ tucuáán cuchruj nij síí uun chij cayáán ga̱a naá, ne̱ nihánj me se chá nij soꞌ, ne̱ ne naruvii raꞌa nij soꞌ niꞌya̱j Yaꞌanj a̱ maꞌ ―taj nij soꞌ a.

San Marcos 7:5 ပူးပေါင်းရင်းမြစ်များ

San Mateo 15:2

―Nij síí tucuꞌyón snana̱ so̱ꞌ roꞌ, me cheꞌé ne uno nij soꞌ nana̱ cataj xnaꞌanj nij síí uun chij ma̱n ga̱a naá ga̱. ꞌO̱ se ne naꞌyaꞌ nij soꞌ ga̱a chá nij soꞌ maꞌ ―taj nij soꞌ rihaan Jesús a.

San Marcos 7:13

Dan me se da̱nj ina̱nj aꞌmii soj ga̱a tucuꞌyón soj snana̱ nij síí ma̱n ga̱a naá, ne̱ axríj yuve̱ soj man snana̱ Yaꞌanj na̱nj ado̱nj ―taj Jesús rihaan nij síí fariseo ga̱ nij síí naquiꞌyaj cu̱u stucua̱nj Moisés a.

San Marcos 7:8

ꞌO̱ se a̱j tanáj xco̱ soj suun caꞌneꞌ Yaꞌanj rihaan níꞌ, ne̱ na̱nj tucuáán cuchruj yuvii̱ u̱u̱n nocoꞌ soj na̱nj á ―taj Jesús a.

San Marcos 7:9

Ne̱ cataj uún soꞌ a: ―Cuna̱j uxrá vaa ꞌyaj soj, rá soj, ne̱ utaꞌ yaníj soj suun caꞌneꞌ Yaꞌanj rihaan níꞌ, cheꞌé rej caꞌve̱e canoco̱ꞌ soj stucua̱nj maꞌa̱n soj asânj.

Hechos 21:21

Ne̱ cuchiꞌ nana̱ ne̱ rihaan nij soꞌ se vaa tucuꞌyón so̱ꞌ man cunuda̱nj nij yuvii̱ israelitá ya̱nj chiháán nij síí yaníj se vaa ta̱náj xco̱ nij soꞌ snana̱ Moisés, ne̱ cataj so̱ꞌ se vaa caꞌne̱ꞌ rá nij soꞌ ga̱ suun utaꞌ taꞌngaꞌ man taꞌníí do̱ꞌ, ga̱ suun nocoꞌ stucua̱nj Moisés do̱ꞌ a.

Hechos 21:24

Ne̱ me rá núj ni̱caj tuvíꞌ so̱ꞌ ga̱ nij soꞌ, ne̱ cunu̱u gue̱e̱ so̱ꞌ rihaan Yaꞌanj ga̱ nij soꞌ, ga̱a ne̱ na̱ruꞌvee so̱ꞌ cheꞌé xcuu nago̱ꞌ nij soꞌ rihaan Yaꞌanj, ga̱a ne̱ caꞌve̱e caca̱ ca̱an nii raa̱ nij soꞌ ne̱ quisi̱j nu̱ꞌ se vaa cataꞌ tuꞌva nij soꞌ rihaan Yaꞌanj á. Ga̱a ne̱ xca̱j nij tinúú níꞌ cuentá se vaa xa̱ꞌ nana̱ cuno nij soꞌ cheꞌé so̱ꞌ, tza̱j ne̱ ne ya̱ vaa nana̱ yoꞌ maꞌ. ꞌO̱ se so̱ꞌ me síí noco̱ꞌ xraan man stucua̱nj Moisés ado̱nj.

Romanos 4:12

Ne̱ xi̱i nij yuvii̱ ataꞌ taꞌngaꞌ man me uún soꞌ, sese ya̱ noco̱ꞌ nij soꞌ tucuáán noco̱ꞌ maꞌa̱n soꞌ, ne̱ dan me se cuchuma̱n rá nij soꞌ ni̱ꞌyaj nij soꞌ Yaꞌanj, ne̱ tuviꞌ Abraham gu̱un nij soꞌ a. Dan me se xi̱i níꞌ me Abraham, sese quiꞌya̱j níꞌ nda̱a vaa quiꞌyaj soꞌ ado̱nj.

Gálatas 1:14

Ne̱ tucuáán noco̱ꞌ nij yuvii̱ israelitá roꞌ, ꞌu̱nj me síí noco̱ꞌ sa̱ꞌ doj tucuáán yoꞌ rihaan queꞌe̱e̱ ndoꞌo nij tuvíꞌ ꞌu̱nj síí israelitá cuya̱a̱n noco̱o ga̱ ꞌu̱nj ado̱nj. Ne̱ ꞌu̱nj roꞌ, me síí quiꞌyaj nu̱ꞌ nda̱a vaa taj stucua̱nj xií ꞌu̱nj si̱j israelitá ado̱nj.

2 Tesalonicenses 3:11

A̱j namán nana̱ rihaan núj se vaa ꞌni̱j síí rmi̱i̱ scaꞌnúj soj, ne̱ nij soꞌ me se naꞌvej rá nij soꞌ quiꞌya̱j suun nij soꞌ, tza̱j ne̱ tiguíj rmaꞌa̱n nij soꞌ nana̱ rihaan tuviꞌ nij soꞌ a.

2 Tesalonicenses 3:6

Cheꞌé se‑chuvi̱i Jesucristó Si̱j ꞌNi̱j Raꞌa man níꞌ, aꞌneꞌ núj ꞌó suun rihaan soj, tinu̱j, nocoj. Dan me se gu̱un yaníj soj rihaan nu̱ꞌ nij tinúú níꞌ nij síí noco̱ꞌ chrej rmi̱i̱ naꞌvej rá quiꞌya̱j suun á. ꞌO̱ se si̱j ne nocoꞌ tucuáán cuchruj núj rihaan me nij soꞌ a̱ maꞌ.