San Marcos 7:36 - Triqui de San Juan Copala

³⁶ Ga̱a ne̱ caꞌneꞌ Jesús suun se vaa se̱ guun cata̱j xnaꞌanj nij soꞌ rihaan a̱ ꞌó yuvii̱ a. Dan me se doj a̱ naꞌvej rá Jesús cata̱j xnaꞌanj nij soꞌ rihaan tuviꞌ nij soꞌ, tza̱j ne̱ doj a̱ nataꞌ nij soꞌ rihaan tuviꞌ nij soꞌ da̱j guun a.

San Marcos 7:36 ပူးပေါင်းရင်းမြစ်များ

San Mateo 8:4

Ga̱a ne̱ cataj Jesús rihaan soꞌ a: ―Tu̱mé so̱ꞌ mán so̱ꞌ se̱ cataj xnaꞌanj so̱ꞌ rihaan yuvii̱ cheꞌé se lu̱j quiꞌyáá ꞌu̱nj cheꞌé so̱ꞌ maꞌ. Ma̱an se cuchi̱ꞌ so̱ꞌ rihaan xrej, ne̱ ti̱haán so̱ꞌ mán so̱ꞌ rihaan xrej se vaa nahuún so̱ꞌ, ne̱ rque̱ so̱ꞌ rihaan Yaꞌanj se vaa cataj síí cuꞌna̱j Moisés ga̱a naá nda̱a vaa no̱ xcúún so̱ꞌ rque̱ so̱ꞌ rihaan Yaꞌanj á. Ga̱a ne̱ xca̱j nij xrej cuentá se vaa nahuún so̱ꞌ quiꞌyáj ado̱nj ―taj Jesús rihaan síí nahuun yoꞌ a.

San Marcos 3:12

Ga̱a ne̱ caꞌneꞌ ndoꞌo Jesús suun rihaan nij nana̱ chre̱e se vaa se̱ guun nata̱ꞌ nij soꞌ rihaan nij yuvii̱ cheꞌé soꞌ a.

San Marcos 5:43

Ga̱a ne̱ caꞌneꞌ uxrá Jesús suun rihaan nij soꞌ a: ―A̱ ꞌó yuvii̱ se̱ cataj xnaꞌanj nij soj rihaan da̱j quiꞌyáj cheꞌé chala̱ cunii maꞌ ―taj Jesús a. Ne̱ cataj soꞌ se vaa rque̱ nii se chá cha̱ noꞌ a.

San Marcos 7:35

Ga̱a ne̱ nachuguu̱n xréé soꞌ, ne̱ nahuun sa̱ꞌ daa soꞌ, ga̱a ne̱ caꞌmii sa̱ꞌ soꞌ a.

San Marcos 7:37

Ga̱a ne̱ caꞌanj uxrá rá nij yuvii̱ xcaj cuentá da̱j quiꞌyaj Jesús, ne̱ cataj nij yuvii̱ se vaa sa̱ꞌ uxrá vaa nu̱ꞌ se vaa quiꞌyaj Jesús, ne̱ nda̱a nachuguu̱n xréé nij síí soꞌo̱ do̱ꞌ, nda̱a aꞌmii sa̱ꞌ nij síí yaꞌmi̱i do̱ꞌ, ꞌyaj Jesús, taj nij yuvii̱ yoꞌ a.

San Marcos 8:26

Ga̱a ne̱ caꞌnéé Jesús man soꞌ quina̱nꞌ soꞌ, tza̱j ne̱ cataj Jesús rihaan soꞌ a: ―A̱ doj se̱ catúj so̱ꞌ rá chumanꞌ nihánj, ne̱ se̱ cataj so̱ꞌ rihaan nij yuvii̱ ma̱n chumanꞌ nihánj da̱j quiꞌyáj cheꞌé so̱ꞌ maꞌ ―taj Jesús a.

San Marcos 9:9

Ga̱a ne̱ ga̱a nanij nij soꞌ tacóó quij yoꞌ me se caꞌneꞌ Jesús suun rihaan nij soꞌ se vaa se̱ nataꞌ nij soꞌ rihaan a̱ doj yuvii̱ cheꞌé se vaa queneꞌen nij soꞌ a. Nda̱a quisíj caviꞌ soꞌ ne̱ cunuu iꞌna̱ꞌ uún soꞌ, ga̱a ne̱ caꞌve̱e nata̱ꞌ nij soꞌ se vaa queneꞌen nij soꞌ da̱j quiranꞌ soꞌ Si̱j Caꞌnéé Yaꞌanj Ni̱caj Yuꞌunj man Yuvii̱, taj Jesús a.