San Marcos 7:3 - Triqui de San Juan Copala

³ ꞌO̱ se xa̱ꞌ nij síí fariseo ga̱ cunuda̱nj ꞌó nij síí israelitá, tza̱j ne̱ a̱ doj ne chá nij soꞌ sese ataa naꞌya̱ꞌ nij soꞌ maꞌ. Da̱nj ꞌyaj nij soꞌ, cheꞌé se ꞌo̱ xraan nocoꞌ nij soꞌ tucuáán cuchruj nij síí uun chij cayáán ga̱a naá a.

San Marcos 7:3 ပူးပေါင်းရင်းမြစ်များ

San Marcos 7:13

Dan me se da̱nj ina̱nj aꞌmii soj ga̱a tucuꞌyón soj snana̱ nij síí ma̱n ga̱a naá, ne̱ axríj yuve̱ soj man snana̱ Yaꞌanj na̱nj ado̱nj ―taj Jesús rihaan nij síí fariseo ga̱ nij síí naquiꞌyaj cu̱u stucua̱nj Moisés a.

San Marcos 7:5

Ga̱a ne̱ xnáꞌanj nij síí fariseo ga̱ nij síí naquiꞌyaj cu̱u stucua̱nj Moisés man Jesús a: ―Nij síí tucuꞌyón snana̱ so̱ꞌ me se me cheꞌé ne nocoꞌ nij soꞌ tucuáán cuchruj nij síí uun chij cayáán ga̱a naá, ne̱ nihánj me se chá nij soꞌ, ne̱ ne naruvii raꞌa nij soꞌ niꞌya̱j Yaꞌanj a̱ maꞌ ―taj nij soꞌ a.

San Lucas 11:38

Dan me se xcaj síí fariseo yoꞌ cuentá se vaa ne nocoꞌ Jesús stucua̱nj nij síí fariseo cheꞌé se ne naꞌyaꞌ soꞌ ga̱a chá soꞌ, ne̱ caráyaꞌa̱nj ndoꞌo síí fariseo yoꞌ a.

San Juan 2:6

Veé dan, ne̱ ya̱nj vata̱nꞌ xruj yahi̱j xi̱j a. Xruj nica̱j caꞌa̱nj chiha̱a̱ (80) litró na me xruj yoꞌ, ne̱ xruj araa nij yuvii̱ israelitá na rásuun nij soꞌ naꞌnu̱ꞌ nij soꞌ rasu̱u̱n do̱ꞌ, naꞌya̱ꞌ nij soꞌ do̱ꞌ, nda̱a vaa taj stucua̱nj Moisés me xruj yoꞌ a.

Gálatas 1:14

Ne̱ tucuáán noco̱ꞌ nij yuvii̱ israelitá roꞌ, ꞌu̱nj me síí noco̱ꞌ sa̱ꞌ doj tucuáán yoꞌ rihaan queꞌe̱e̱ ndoꞌo nij tuvíꞌ ꞌu̱nj síí israelitá cuya̱a̱n noco̱o ga̱ ꞌu̱nj ado̱nj. Ne̱ ꞌu̱nj roꞌ, me síí quiꞌyaj nu̱ꞌ nda̱a vaa taj stucua̱nj xií ꞌu̱nj si̱j israelitá ado̱nj.

Colosenses 2:8

Tu̱mé soj man soj se̱ gaa na̱nj tiha̱ꞌ yuꞌunj yuvii̱ man soj maꞌ. Me rá nij yuvii̱ canoco̱ꞌ soj stucua̱nj nij soꞌ, tza̱j ne̱ nuviꞌ yuꞌvee nó stucua̱nj nij soꞌ rihaan tucuáán sa̱ꞌ noco̱ꞌ níꞌ maꞌ. Ma̱an se tucuáán yoꞌ roꞌ, nana̱ tucuꞌyón na̱nj tuviꞌ nij yuvii̱ rihaan nij yuvii̱ me nana̱ yoꞌ, ne̱ snana̱ nij nana̱ chre̱e ma̱n rihaan chumii̱ nihánj me nana̱ yoꞌ, tza̱j ne̱ né sna̱na̱ Cristó me nana̱ yoꞌ maꞌ.

1 Pedro 1:18

A̱j neꞌen soj da̱j quiꞌyaj Yaꞌanj ga̱a tinanii soꞌ man soj rihaan tucuáán nij rmaꞌa̱n canocoꞌ nij xi̱i soj síí cumán ga̱a naá, ne̱ ne go̱ꞌ Yaꞌanj se navi̱j u̱u̱n ase vaa platá catzi̱i̱ do̱ꞌ, oró míí do̱ꞌ, ga̱a tinanii soꞌ man soj maꞌ.