San Marcos 7:25 - Triqui de San Juan Copala

²⁵ Tana̱nj raꞌya̱nj cuchiꞌ nana̱ rihaan ꞌo̱ chana̱ me rej yáán soꞌ, ne̱ taꞌníí chana̱ roꞌ, me níí nu̱u̱ nana̱ chre̱e nimán, ne̱ caꞌnaꞌ chana̱, ne̱ quinij ru̱j chana̱ yoꞌ rihaan Jesús a.

San Marcos 7:25 ပူးပေါင်းရင်းမြစ်များ

San Mateo 15:22

Dan me se curiha̱nj ꞌo̱ chana̱ cananea chana̱ ya̱nj rej yoꞌ a. Ne̱ caguáj ndoꞌo noꞌ rihaan Jesús, cataj noꞌ a: ―Neꞌenj se vaa Taꞌníí Taꞌnij Siꞌno̱ David síí cayáán ga̱a naá mé so̱ꞌ, Señor. Cheꞌé dan cunu̱u ꞌe̱e̱ rá so̱ꞌ manj rugua̱nj. ꞌO̱ se canó uxrá nana̱ chre̱e man taꞌníj chala̱ cunii na̱nj ado̱nj ―taj chana̱ yoꞌ, caguáj noꞌ rihaan Jesús a.

San Marcos 1:40

Ga̱a ne̱ caꞌnaꞌ ꞌo̱ síí ranꞌ luj riꞌyuj, ne̱ caꞌanj ca̱yáán ru̱j soꞌ tacóó Jesús, ne̱ cachíín niꞌya̱j soꞌ rihaan Jesús a: ―Sese me rá so̱ꞌ, ne̱ caꞌve̱e naquiꞌya̱j sa̱ꞌ so̱ꞌ manj á ―taj soꞌ a.

San Marcos 5:33

Ne̱ dan me se cuchuꞌviꞌ ndoꞌo noꞌ ne̱ nda̱a riꞌíj man noꞌ, ne̱ a̱j neꞌen noꞌ se vaa nahuun sa̱ꞌ noꞌ a. Ga̱a ne̱ caꞌanj noꞌ, ne̱ quinij ru̱j noꞌ tacóó Jesús, ne̱ cataj ya̱ noꞌ rihaan Jesús nu̱ꞌ se vaa quiꞌyaj noꞌ a.

San Marcos 7:24

Ga̱a ne̱ naxuma̱a̱n Jesús, ne̱ curiha̱nj soꞌ rej yoꞌ, ne̱ caꞌanj soꞌ rej na̱j chumanꞌ cuꞌna̱j Tiro ga̱ Sidón a. Ne̱ catúj soꞌ rá ꞌo̱ veꞌ, ne̱ ne caꞌve̱j rá soꞌ queneꞌe̱n nij yuvii̱ me rej vaj soꞌ a. Tza̱j ne̱ ne caꞌve̱e qui̱ꞌnij yuve̱ soꞌ maꞌ.

San Marcos 7:26

Dan me se chana̱ sirofenicia aꞌmii xnaꞌánj griego me chana̱ yoꞌ, ne̱ rquee̱ noꞌ man Jesús se vaa quiri̱i̱ Jesús nana̱ chre̱e nimán taꞌníí noꞌ a.

San Lucas 17:16

Ne̱ ga̱a cuchiꞌ soꞌ rihaan Jesús, ga̱a ne̱ caꞌanj ca̱yáán ru̱j soꞌ nda̱a canó rihaan soꞌ rihaan yoꞌóó, ne̱ cataj soꞌ guun niꞌya̱j níꞌ rihaan Jesús a. Ne̱ síí avii rej Samaria síí yaníj ga̱ nij yuvii̱ israelitá me soꞌ a.