San Marcos 7:20 - Triqui de San Juan Copala

²⁰ Ne̱ cataj uún soꞌ a: ―Tza̱j ne̱ se uriha̱nj nimán yuvii̱ roꞌ, me se ꞌyaj chiꞌi̱i̱ ndoꞌo man yuvii̱ ado̱nj.

San Marcos 7:20 ပူးပေါင်းရင်းမြစ်များ

San Mateo 15:18

Tza̱j ne̱ se uriha̱nj tuꞌva yuvii̱ roꞌ, yoꞌ me nana̱ avii nimán yuvii̱, ne̱ nana̱ yoꞌ me ꞌyaj chiꞌi̱i̱ ndoꞌo man yuvii̱ ado̱nj.

San Mateo 4:4

Ga̱a ne̱ cataj Jesús rihaan Síí Chre̱e a: ―Tza̱j ne̱ Danj Yaꞌanj taj a: “Né ina̱nj se chá me se achiin rihaan yuvii̱, ne̱ caꞌve̱e ca̱yáán sa̱ꞌ yuvii̱ maꞌ. Tana̱nj achiin cunuda̱nj snana̱ Yaꞌanj cuno̱ yuvii̱, ne̱ veꞌé ca̱yáán yuvii̱ ado̱nj.” Ina̱nj da̱nj taj Danj Yaꞌanj ―taj Jesús rihaan Síí Chre̱e yoꞌ a.

San Marcos 7:15

A̱ doj rasu̱u̱n atúj tuꞌva yuvii̱ se̱ caꞌvee quiꞌya̱j chiꞌi̱i̱ nimán yuvii̱ maꞌ. Tana̱nj se avii nimán yuvii̱ roꞌ, ꞌyaj chiꞌi̱i̱ nimán yuvii̱ ado̱nj.

San Marcos 7:21

ꞌO̱ se nihánj me se chiꞌi̱i̱ avii nimán yuvii̱ a. Se nij me rá yuvii̱ do̱ꞌ, yan coto̱j yuvii̱ ga̱ ꞌó yuvii̱ sese né ni̱ca̱ yuvii̱ me do̱ꞌ, yan ticavi̱ꞌ man tuviꞌ do̱ꞌ,

San Marcos 7:23

Ne̱ nu̱ꞌ yoꞌ me se avii nimán yuvii̱ ne̱ ꞌyaj chiꞌi̱i̱ man yuvii̱ na̱nj ado̱nj ―taj Jesús a.

Hebreos 7:6

Tza̱j ne̱ né tuvi̱ꞌ nij soꞌ me síí cuꞌna̱j Melquisedec maꞌ. Tza̱j ne̱ soꞌ me síí caꞌnéj diezmo man Abraham chugua̱nj. Ne̱ nda̱ꞌ se si̱j cataꞌ tuꞌva Yaꞌanj se vaa cavi̱i̱ sa̱ꞌ me Abraham, tza̱j ne̱ cuno soꞌ snana̱ síí cuꞌna̱j Melquisedec se vaa quiꞌya̱j Yaꞌanj se lu̱j ga̱ soꞌ ado̱nj.

Santiago 3:6

Ne̱ ase vaa yaꞌan vaa nana̱ aꞌmii daa níꞌ, ne̱ uun nucua̱j daa níꞌ quiꞌya̱j ndoꞌo yoꞌ se chiꞌi̱i̱, ne̱ nda̱a riꞌ nu̱ꞌ man níꞌ, ꞌyaj daa níꞌ na̱nj ado̱nj. Riꞌ na̱nj níꞌ, ꞌyaj daa níꞌ, ne̱ Síí Chre̱e me síí ꞌyaj aꞌmii daa níꞌ nana̱ chiꞌi̱i̱ na̱nj á.

Santiago 4:1

Me cheꞌé unuꞌ ndoꞌo nij soj ga̱ tuviꞌ soj, rá soj ga̱. Né cheꞌe̱ se me ndoꞌo rá soj ina̱nj quiꞌya̱j soj nda̱a vaa me rá nee̱ man soj, ne̱ cheꞌé dan naꞌvee ga̱a̱ xe̱j nimán soj a̱ naꞌ. Ne̱ né cheꞌe̱ dan unuꞌ soj ga̱ tuviꞌ soj a̱ naꞌ.