San Marcos 7:2 - Triqui de San Juan Copala

² Ne̱ queneꞌen nij soꞌ se vaa ga̱a chá nij síí tucuꞌyón snana̱ Jesús, ne̱ ne naꞌya̱ꞌ nij soꞌ, ne̱ cheꞌé dan vaa ri̱nꞌ raꞌa nij síí tucuꞌyón snana̱ Jesús niꞌya̱j Yaꞌanj, rá nij síí fariseo ga̱ nij síí naquiꞌyaj cu̱u stucua̱nj Moisés a.

San Marcos 7:2 ပူးပေါင်းရင်းမြစ်များ

San Mateo 15:2

―Nij síí tucuꞌyón snana̱ so̱ꞌ roꞌ, me cheꞌé ne uno nij soꞌ nana̱ cataj xnaꞌanj nij síí uun chij ma̱n ga̱a naá ga̱. ꞌO̱ se ne naꞌyaꞌ nij soꞌ ga̱a chá nij soꞌ maꞌ ―taj nij soꞌ rihaan Jesús a.

San Marcos 7:5

Ga̱a ne̱ xnáꞌanj nij síí fariseo ga̱ nij síí naquiꞌyaj cu̱u stucua̱nj Moisés man Jesús a: ―Nij síí tucuꞌyón snana̱ so̱ꞌ me se me cheꞌé ne nocoꞌ nij soꞌ tucuáán cuchruj nij síí uun chij cayáán ga̱a naá, ne̱ nihánj me se chá nij soꞌ, ne̱ ne naruvii raꞌa nij soꞌ niꞌya̱j Yaꞌanj a̱ maꞌ ―taj nij soꞌ a.

San Lucas 11:38

Dan me se xcaj síí fariseo yoꞌ cuentá se vaa ne nocoꞌ Jesús stucua̱nj nij síí fariseo cheꞌé se ne naꞌyaꞌ soꞌ ga̱a chá soꞌ, ne̱ caráyaꞌa̱nj ndoꞌo síí fariseo yoꞌ a.

Hechos 10:28

Ga̱a ne̱ cataj Pedró rihaan nij yuvii̱ a: ―A̱j neꞌen nij soj stucua̱nj núj si̱j israelitá se vaa a̱ doj ne nó xcúún núj catu̱u̱ núj rej ma̱n soj si̱j yaníj, ne̱ ne nó xcúún núj cunu̱u chre̱ꞌ núj ga̱ soj maꞌ. Tza̱j ne̱ Yaꞌanj tihaa̱n rihaan ma̱ꞌanj se vaa se̱ caꞌvee cata̱j ꞌu̱nj se vaa nij vaa taꞌa̱j yuvii̱ rihaan soꞌ maꞌ.

Hechos 11:8

Ga̱a ne̱ cataj ꞌu̱nj a: “Señor, se̱ guun maꞌ. ꞌO̱ se né xcu̱u chá me nij xoꞌ rihaan núj si̱j israelitá maꞌ. Xcuu vaa chiꞌi̱i̱ me nij xoꞌ rihaan núj na̱nj á. Nu̱ꞌ caꞌnaꞌ me se ne catu̱u̱ nee̱ xcuu vaa da̱nj tuꞌvaj maꞌ”, cataj ꞌu̱nj rihaan síí caꞌmii rihanj a.

Romanos 14:14

Cheꞌé se noco̱ꞌ ꞌu̱nj man Jesús Si̱j ꞌNi̱j Raꞌa man níꞌ, ne̱ guun ya̱ raj se vaa a̱ ꞌó rasu̱u̱n ne yuꞌva̱ꞌ ta̱ꞌaꞌ maꞌ. Tza̱j ne̱ sese vaa ꞌo̱ soꞌ uun rá se vaa cacu̱nꞌ cha̱ níꞌ ꞌo̱ rasu̱u̱n, ne̱ ya̱ uxrá cacu̱nꞌ cha̱ soꞌ a.

Hebreos 10:29

Ne̱ nij uxrá doj ga̱a̱ sayuun quira̱nꞌ síí ta̱j riꞌyunj man maꞌa̱n Taꞌníí Yaꞌanj ado̱nj. ꞌO̱ se ton man Cristó roꞌ, quiꞌyaj cunuu sa̱ꞌ nimán níꞌ rihaan Yaꞌanj ne̱ ꞌo̱ canocoꞌ níꞌ chrej sa̱ꞌ cuchruj Yaꞌanj cheꞌé níꞌ ado̱nj. Tza̱j ne̱ taj yuꞌvee nó ton yoꞌ, rá nij síí tanáj xco̱ snana̱ Cristó a̱ maꞌ. Ne̱ qui̱j aꞌmii nij soꞌ rihaan Nimán Yaꞌanj síí quiꞌyaj ndoꞌo se lu̱j cheꞌé níꞌ ado̱nj.

Apocalipsis 21:27

Tza̱j ne̱ taj va̱j a̱ doj se chiꞌi̱i̱ catu̱u̱ rque chumanꞌ yoꞌ maꞌ. ꞌO̱ se síí ꞌyaj se chiꞌi̱i̱ do̱ꞌ, síí aꞌmii ne̱ do̱ꞌ, se̱ catúj nij soꞌ daj chiha̱a̱ míj rque chumanꞌ yoꞌ a̱ maan ado̱nj. Tza̱j ne̱ ina̱nj nij síí no̱ se‑chuvi̱i rihaan danj Matzinj Leꞌe̱j yanj libró no̱ se‑chuvi̱i nij síí ga̱a̱ iꞌna̱ꞌ ga̱ Yaꞌanj nu̱ꞌ cavii nu̱ꞌ caꞌanj roꞌ, ina̱nj nij soꞌ me nij síí catu̱u̱ rque chumanꞌ yoꞌ na̱nj ado̱nj.