San Marcos 7:18 - Triqui de San Juan Copala

¹⁸ Ga̱a ne̱ cataj Jesús rihaan nij soꞌ a: ―Vaa soj vaa, ne̱ ne xca̱j maꞌa̱n soj do̱ꞌ cuentá a̱ naꞌ. Ne̱ ne neꞌen soj se vaa nu̱ꞌ se atúj tuꞌva yuvii̱ roꞌ, se̱ caꞌvee quiꞌya̱j chiꞌi̱i̱ yoꞌ man yuvii̱ a̱ naꞌ.

San Marcos 7:18 ပူးပေါင်းရင်းမြစ်များ

San Mateo 15:11

Né se atúj tuꞌva yuvii̱ me se ꞌyaj chiꞌi̱i̱ man yuvii̱ maꞌ. Se avii tuꞌva yuvii̱ roꞌ, ꞌyaj chiꞌi̱i̱ man yuvii̱ ado̱nj ―taj Jesús rihaan nij yuvii̱ a.

San Mateo 16:11

Da̱j me cheꞌé ne̱ ne cuno̱ soj ga̱. Né cheꞌe̱ na̱nj rachrúún caꞌmij rihaan soj maꞌ. Ma̱an se tu̱mé soj man soj se̱ gaa na̱nj quira̱nꞌ soj sayuun quiꞌya̱j se‑le̱vadura nij síí fariseo do̱ꞌ, nij síí saduceo do̱ꞌ ado̱nj ―taj Jesús rihaan nij soꞌ a.

San Marcos 4:13

Ga̱a ne̱ cataj uún Jesús rihaan nij soꞌ a: ―Ne neꞌen soj me se me raj cata̱a cuentó nihánj naꞌ. Asa̱ꞌ caꞌve̱e xca̱j soj cuentá cheꞌé ꞌó nij cuentó, rá soj ga̱.

San Marcos 7:17

Dan me se ga̱a caꞌanj yaníj Jesús ga̱ nij síí tucuꞌyón snana̱ soꞌ rihaan nij yuvii̱ ri̱i̱, ne̱ catúj nij soꞌ rá veꞌ, ga̱a ne̱ xnáꞌanj nij soꞌ man soꞌ me se me raj cata̱a nana̱ caꞌmii soꞌ a.

San Marcos 7:19

ꞌO̱ se ne atúj yoꞌ nda̱a nimán yuvii̱ maꞌ. Tana̱nj achén yoꞌ rque yuvii̱, ne̱ uriha̱nj yoꞌ ga̱a reꞌé yuvii̱ na̱nj á ―taj Jesús a. Ne̱ nana̱ yoꞌ taj se vaa caꞌve̱e cha̱ yuvii̱ me maꞌa̱n rasu̱u̱n ne̱ né cacunꞌ me yoꞌ rihaan Yaꞌanj maꞌ.

San Lucas 24:25

Ga̱a ne̱ maꞌa̱n Jesús cataj rihaan ro̱j soꞌ a: ―Dan me se síí ne acaj cuentá me ro̱j so̱j, ne̱ síí ne niha̱ꞌ rá cuchuma̱n rá nu̱ꞌ snana̱ nij síí nataꞌ snana̱ Yaꞌanj ga̱a naá me ro̱j so̱j na̱nj á.

San Juan 3:10

Ga̱a ne̱ xnáꞌanj Jesús man soꞌ, cataj Jesús a: ―ꞌO̱ se si̱j uun chij si̱j tucuꞌyón snana̱ Yaꞌanj rihaan nij yuvii̱ israelitá mé so̱ꞌ, tza̱j ne̱ me cheꞌé ne neꞌén so̱ꞌ nana̱ nihánj nana̱ cataj ꞌu̱nj rihaan so̱ꞌ ga̱.

1 Corintios 3:2

Ne gu̱un nucua̱j soj cuno̱ soj nana̱ nuchranꞌ doj aꞌmii Nimán Yaꞌanj a̱ maꞌ. Ma̱an se ina̱nj nana̱ tucuꞌyón nii man xnii caꞌmii ꞌu̱nj rihaan soj, ne̱ veé da̱nj vaa soj nda̱a cuano̱ nihánj, ne̱ ne gu̱un nucua̱j soj cuno̱ soj nana̱ nuchranꞌ doj maꞌ.

Hebreos 5:11

Vaa uxrá ꞌó nana̱ me rá ꞌu̱nj cata̱j xnaꞌanj ꞌu̱nj rihaan soj cheꞌé síí cuꞌna̱j Melquisedec yoꞌ, ne̱ sayu̱u̱n uxrá vaa cata̱j xnaꞌanj ꞌu̱nj nana̱ yoꞌ rihaan soj, cheꞌé se né si̱j niha̱ꞌ rá cuno̱ raꞌya̱nj me soj maꞌ.