San Marcos 7:14 - Triqui de San Juan Copala

¹⁴ Ga̱a ne̱ canacúún uún Jesús man cunuda̱nj nij yuvii̱ caꞌna̱ꞌ nij yuvii̱ rihaan soꞌ, ga̱a ne̱ cataj soꞌ rihaan nij soꞌ a: ―Cuno̱ ta̱ranꞌ soj nana̱ nihánj, ne̱ xca̱j soj cuentá á:

San Marcos 7:14 ပူးပေါင်းရင်းမြစ်များ

San Mateo 15:10

Ga̱a ne̱ canacúún Jesús man nij yuvii̱ ri̱i̱ caꞌna̱ꞌ nij yuvii̱ rihaan soꞌ a. Ga̱a ne̱ cataj soꞌ rihaan nij yuvii̱ a: ―Cuno̱ soj nana̱ nihánj, ne̱ xca̱j soj cuentá á.

San Marcos 7:13

Dan me se da̱nj ina̱nj aꞌmii soj ga̱a tucuꞌyón soj snana̱ nij síí ma̱n ga̱a naá, ne̱ axríj yuve̱ soj man snana̱ Yaꞌanj na̱nj ado̱nj ―taj Jesús rihaan nij síí fariseo ga̱ nij síí naquiꞌyaj cu̱u stucua̱nj Moisés a.

San Marcos 7:15

A̱ doj rasu̱u̱n atúj tuꞌva yuvii̱ se̱ caꞌvee quiꞌya̱j chiꞌi̱i̱ nimán yuvii̱ maꞌ. Tana̱nj se avii nimán yuvii̱ roꞌ, ꞌyaj chiꞌi̱i̱ nimán yuvii̱ ado̱nj.

San Lucas 12:1

Dan me se cunuu chre̱ꞌ queꞌe̱e̱ míj yuvii̱ rej va̱j Jesús, ne̱ uxrá chru̱j mán nij soꞌ, ne̱ nda̱a tiguíj tuviꞌ maꞌa̱n nij soꞌ a. Ga̱a ne̱ guun cheꞌe̱ Jesús caꞌmii soꞌ asino ya̱a̱n ga̱ nij síí tucuꞌyón snana̱ soꞌ, cataj soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j nana̱ nucuiꞌ rá aꞌmii nij síí fariseo á. ꞌO̱ se ase ꞌyaj se cuꞌna̱j levadura se ꞌyaj naraa nana̱ rque rachrúún ꞌyaj snana̱ nij soꞌ ado̱nj.

Hechos 8:30

Dan me se cunánj Felipé rej xꞌnúú cuchriꞌ, ga̱a ne̱ cuno soꞌ se vaa nayaa síí ta̱j cuchriꞌ snana̱ síí cuꞌna̱j Isaías síí nataꞌ snana̱ Yaꞌanj ga̱a naá a. Ne̱ xnáꞌanj Felipé man soꞌ, cataj Felipé a: ―Ya̱ uxrá unó so̱ꞌ nana̱ nayaa so̱ꞌ naꞌ ―taj Felipé, xnáꞌanj soꞌ man síí “eunuco” yoꞌ a.