San Marcos 6:9 - Triqui de San Juan Copala

⁹ Tza̱j ne̱ qui̱ꞌnij tacóó nij soꞌ canj, ne̱ o̱rúnꞌ yatzéj quita̱j xráá nij soꞌ, taj Jesús a.

San Marcos 6:9 ပူးပေါင်းရင်းမြစ်များ

San Mateo 10:10

Se̱ nica̱j soj xnánj soj maꞌ. Se̱ nica̱j soj ꞌó cotoó do̱ꞌ, canj do̱ꞌ maꞌ. Ne̱ chruun garroté se̱ coro̱ꞌ soj cache̱e̱ soj maꞌ. Ma̱an se ga̱a̱ u̱u̱n soj caꞌa̱nj soj á. ꞌO̱ se no̱ xcúún yuvii̱ rque̱ yuvii̱ cha̱ soj cheꞌé suun sa̱ꞌ ꞌyaj soj na̱nj ado̱nj.

San Mateo 3:11

’ꞌU̱nj nihánj me se na u̱u̱n utaꞌ ne ꞌu̱nj man soj si̱j nuchranꞌ nimán canocoꞌ chrej sa̱ꞌ a. Tza̱j ne̱ vaa ꞌó síí caꞌna̱ꞌ, ne̱ si̱j nucua̱j doj me soꞌ rihanj a. Cheꞌé dan me a̱ doj ne nó xcúnj na̱chej nuj correá ꞌni̱j tacanj soꞌ maꞌ Ne̱ caꞌna̱ꞌ soꞌ, ne̱ cuta̱ꞌ ne soꞌ nimán soj ga̱ maꞌa̱n Nimán Yaꞌanj, ne̱ caxri̱i̱ yaꞌan soꞌ man soj si̱j naꞌvej rá cuno̱ rihaan Yaꞌanj, ne̱ caca̱a̱ soj ado̱nj.

San Marcos 6:10

Ne̱ cataj uún Jesús rihaan nij soꞌ a: ―Me maꞌa̱n veꞌ cara̱nꞌ soj, ne̱ ꞌo̱ ca̱yáán soj veꞌ yoꞌ nda̱a se cu̱riha̱nj soj chumanꞌ yoꞌ á.

San Marcos 6:8

Ne̱ caꞌneꞌ soꞌ suun rihaan nij soꞌ se vaa a̱ doj rasu̱u̱n se̱ nica̱j nij soꞌ ga̱a va̱j nij soꞌ chrej maꞌ. Ma̱an o̱rúnꞌ chruun garroté me se caꞌve̱e ni̱caj nij soꞌ, tza̱j ne̱ rachrúún do̱ꞌ, nanj do̱ꞌ, se̱ nica̱j nij soꞌ, ne̱ se̱ caꞌvee cu̱nuû saꞌanj rque marque̱ numi̱i catuu̱n nij soꞌ maꞌ.

Hechos 12:8

Ga̱a ne̱ cataj se‑mo̱zó Yaꞌanj rihaan Pedró a: ―Naquiꞌya̱j xraan so̱ꞌ catuún so̱ꞌ, ne̱ caxri̱i̱ so̱ꞌ canj tacóó so̱ꞌ á ―taj se‑mo̱zó Yaꞌanj rihaan soꞌ a. Ne̱ quiꞌyaj Pedró nda̱a vaa cataj se‑mo̱zó Yaꞌanj rihaan soꞌ a. Ga̱a ne̱ cataj uún se‑mo̱zó Yaꞌanj a: ―Ni̱quee so̱ꞌ roto̱ so̱ꞌ, ne̱ ca̱nocóꞌ so̱ꞌ manj á ―taj uún se‑mo̱zó Yaꞌanj rihaan soꞌ a.

Efesios 6:15

Ne̱ ga̱a̱ listó soj, ne̱ cavi̱i̱ soj caꞌa̱nj soj, nata̱ꞌ soj nana̱ sa̱ꞌ cheꞌé Cristó rihaan yuvii̱, ne̱ cuno̱ nij yuvii̱ nana̱ sa̱ꞌ yoꞌ, ne̱ dínj ca̱yáán nij yuvii̱ ga̱ Yaꞌanj ado̱nj. Ne̱ ase vaa canu̱j ꞌni̱j tacóó tanuu roꞌ, da̱nj ga̱a̱ nana̱ sa̱ꞌ yoꞌ rihaan soj a.