San Marcos 6:56 - Triqui de San Juan Copala

⁵⁶ Ne̱ me maꞌa̱n chumanꞌ raꞌa̱ do̱ꞌ, chumanꞌ noco̱o do̱ꞌ, ranchó do̱ꞌ, catúj Jesús me se cuchruj nij yuvii̱ man nij síí ranꞌ rihaan yuꞌvee a. Ne̱ rquee̱ nij yuvii̱ man Jesús se vaa caꞌve̱j rá Jesús cano̱ raꞌa nij soꞌ do̱j tuꞌva saga̱nꞌ soꞌ a. Ne̱ nu̱ꞌ nij síí canó raꞌa do̱j man soꞌ roꞌ, nahuun sa̱ꞌ cunuda̱nj nij soꞌ cuaj na̱nj ado̱nj.

San Marcos 6:56 ပူးပေါင်းရင်းမြစ်များ

San Mateo 14:36

Ne̱ rquee̱ nij yuvii̱ rihaan Jesús se vaa caꞌve̱j Jesús cano̱ raꞌa nij soꞌ do̱j tuꞌva saga̱nꞌ soꞌ a. Ne̱ nu̱ꞌ nij síí canó raꞌa do̱j tuꞌva saga̱nꞌ soꞌ roꞌ, nahuun sa̱ꞌ cunuda̱nj nij soꞌ cuaj na̱nj ado̱nj.

San Mateo 9:20

Ga̱a ne̱ ta̱j niꞌyo̱n caꞌnaꞌ ꞌo̱ chana̱ rej xco̱ Jesús, ne̱ quisíj ꞌo̱ chuvi̱j yoꞌ xraꞌ ton man chana̱ yoꞌ, ne̱ canó raꞌa noꞌ do̱j tuꞌva saga̱nꞌ Jesús a.

San Marcos 3:10

ꞌO̱ se nahuun sa̱ꞌ uxrá yuvii̱, quiꞌyaj Jesús, ne̱ nda̱a síj, ga̱a ne̱ ta̱ranꞌ nij síí ranꞌ roꞌ, canocoꞌ uxrá nij soꞌ man Jesús cheꞌé rej caꞌve̱e cano̱ raꞌa nij soꞌ man soꞌ ga̱a ne̱ nahu̱un sa̱ꞌ nij soꞌ, rá nij soꞌ a.

San Marcos 6:55

Ne̱ yo̱o caꞌanj nij soꞌ, ne̱ guun cheꞌe̱ nij soꞌ cuchruj nij soꞌ tuviꞌ nij soꞌ síí ranꞌ rihaan yuvéé, ne̱ quitáá chihá nij soꞌ nij síí ranꞌ yoꞌ, va̱j nij soꞌ me rej maꞌa̱n va̱j Jesús a.

San Lucas 22:51

Ga̱a ne̱ cataj Jesús rihaan soꞌ a: ―Caꞌne̱ꞌ rá soj ga̱ suun ꞌyaj da̱nj á ―taj Jesús rihaan nij soꞌ a. Ga̱a ne̱ cutaꞌ Jesús raꞌa Jesús rej quiranꞌ chiꞌii̱ xréé mozó yoꞌ, ne̱ ma̱an orá dan nahuun sa̱ꞌ xréé mozó yoꞌ, quiꞌyaj Jesús a.

San Lucas 6:19

Ga̱a ne̱ guun rá cunuda̱nj nij yuvii̱ cano̱ raꞌa nij soꞌ man Jesús cheꞌé se cavii ndoꞌo se nucua̱j man Jesús, ne̱ nahuun sa̱ꞌ cunuda̱nj nij yuvii̱, quiꞌyaj Jesús a.

San Lucas 8:44

Dan me se nichrunꞌ noꞌ rej xco̱ Jesús, ne̱ canó raꞌa noꞌ do̱j tuꞌva saga̱nꞌ soꞌ a. Dan me se nu̱ꞌ canó raꞌa noꞌ tuꞌva saga̱nꞌ soꞌ, ne̱ nu̱ꞌ canicunꞌ xraꞌ ton man noꞌ na̱nj ado̱nj.

Hechos 4:12

Taj va̱j a̱ ꞌó síí gu̱un nucua̱j ti̱nanii man níꞌ rihaan sayuun, cheꞌé se rihaan chumii̱ nihánj roꞌ, o̱rúnꞌ se‑chuvi̱i soꞌ me se rqué Yaꞌanj man níꞌ cheꞌé yan nani̱i̱ níꞌ rihaan sayuun ne̱ cavi̱i̱ sa̱ꞌ níꞌ na̱nj ado̱nj ―taj Pedró rihaan nij síí uun chij yoꞌ a.

Hechos 4:9

Nihánj me se naquiꞌya̱j cu̱u nij soj man rój cheꞌé se cunuu ꞌe̱e̱ rá rój niꞌya̱j rój ꞌo̱ síí rengo̱, ne̱ me rá nij soj queneꞌe̱n soj asa̱ꞌ caꞌvee nahuun sa̱ꞌ síí rengo̱ nihánj a.

Hechos 5:15

Ne̱ dan me se rihaan chruun do̱ꞌ, rihaan yuvéé do̱ꞌ, táá nij síí ranꞌ, rii nij yuvii̱ man nij síí ranꞌ yoꞌ xeꞌ a. Cuchruj nii man nij síí ranꞌ rá callé rej cache̱n Pedró, cheꞌé se sese scachu̱nꞌ Pedró cano̱ xráá nij síí ranꞌ ne̱ nahu̱un nij soꞌ, rá nij yuvii̱ a.