San Marcos 6:49 - Triqui de San Juan Copala

⁴⁹ Ne̱ queneꞌen nij síí tucuꞌyón snana̱ soꞌ man soꞌ se vaa chéé u̱u̱n soꞌ rihaan na, ne̱ guun rá nij soꞌ se vaa taꞌnaj me soꞌ, ne̱ cheꞌé dan caguáj ndoꞌo nij soꞌ a.

San Marcos 6:49 ပူးပေါင်းရင်းမြစ်များ

San Marcos 6:48

Ne̱ queneꞌen soꞌ man nij síí tucuꞌyón snana̱ soꞌ se vaa sayu̱u̱n tacuachéé nij soꞌ rihoo rihaan na cheꞌé se goꞌ nana̱ rej riha̱a̱n rihoo a. Dan me se rej rá ranga̱ꞌ caꞌanj Jesús rej va̱j nij soꞌ, chéé taco̱j u̱u̱n soꞌ rihaan na, va̱j soꞌ na̱nj ado̱nj. Ne̱ guun rá soꞌ gu̱un ya̱a̱n soꞌ rihaan nij soꞌ a.

San Marcos 6:50

ꞌO̱ se queneꞌen cunuda̱nj nij soꞌ man soꞌ, ne̱ cuchuꞌviꞌ ndoꞌo nimán nij soꞌ a. Veé dan, ne̱ nu̱ꞌ cataj Jesús rihaan nij soꞌ a: ―Naquiꞌya̱j nucua̱j soj nimán soj á. ꞌU̱nj ꞌnaꞌ ado̱nj. Se̱ cuchuꞌviꞌ soj maꞌ ―taj soꞌ a.

San Lucas 24:37

Ga̱a ne̱ cuchuꞌviꞌ ndoꞌo nij soꞌ, ne̱ taꞌnaj me síí nicu̱nꞌ rihaan nij soꞌ, rá nij soꞌ a.