San Marcos 6:46 - Triqui de San Juan Copala

⁴⁶ Dan me se caꞌanj nij soꞌ, ne̱ cataj Jesús rihaan nij yuvii̱ se vaa caꞌve̱e caꞌa̱nj nij yuvii̱ a. Ga̱a ne̱ cavii soꞌ raa̱ tacaan cachi̱nj niꞌya̱j soꞌ rihaan Yaꞌanj a.

San Marcos 6:46 ပူးပေါင်းရင်းမြစ်များ

San Mateo 14:23

Dan me se cataj Jesús rihaan nij yuvii̱ se vaa caꞌve̱e caꞌa̱nj nij yuvii̱ a. Ga̱a ne̱ cavii o̱rúnꞌ soꞌ raa̱ tacaan, ne̱ cachíín niꞌya̱j soꞌ rihaan Yaꞌanj a. Ne̱ da̱j doj cata̱ꞌ güii, ne̱ soꞌ me se quináj o̱rúnꞌ soꞌ raa̱ tacaan yoꞌ a.

San Mateo 6:6

Tza̱j ne̱ so̱ꞌ roꞌ, ga̱a me rá so̱ꞌ cachi̱nj ni̱ꞌyáá so̱ꞌ rihaan Yaꞌanj, ne̱ asino catu̱u̱ so̱ꞌ rá veꞌ, ga̱a ne̱ ca̱ráán so̱ꞌ taꞌyaa, ga̱a ne̱ cachi̱nj niꞌya̱j yuve̱ so̱ꞌ rihaan Rej níꞌ Yaꞌanj á. Ne̱ Rej níꞌ Yaꞌanj me síí neꞌen se vaa achíín niꞌya̱j yuve̱ so̱ꞌ rihaan soꞌ, ga̱a ne̱ quiꞌya̱j soꞌ se lu̱j ga̱ so̱ꞌ ado̱nj.

San Marcos 1:35

Ga̱a ne̱ rej taxre̱j naxaga̱a̱ Jesús, ne̱ cavii soꞌ chumanꞌ Capernaum, ne̱ caꞌanj soꞌ rej tacaan ne̱ cachíín niꞌya̱j soꞌ rihaan Yaꞌanj a.

San Marcos 6:47

Dan me se ga̱a da̱j doj cata̱ꞌ güii, ne̱ va̱j rihoo tanu̱u̱ rihaan na laguaná, ne̱ o̱rúnꞌ maꞌa̱n Jesús nicunꞌ rihaan yoꞌóó a.

San Lucas 6:12

Dan me se cachén do̱j güii, ga̱a ne̱ caꞌanj Jesús rej tacaan, caꞌanj cachi̱nj niꞌya̱j soꞌ rihaan Yaꞌanj a. Niga̱nꞌ quináj soꞌ tacaan cachíín niꞌya̱j soꞌ rihaan Yaꞌanj a.

Hechos 18:18

Dan me se guun queꞌe̱e̱ doj güii guun ra̱a̱n Pabló ga̱ nij tinúú níꞌ síí ya̱nj chumanꞌ Corinto a. Ga̱a ne̱ cataj soꞌ se vaa caꞌa̱nj soꞌ, ne̱ cavii soꞌ rque rihoo chéé rihaan na, ne̱ caꞌanj soꞌ nda̱a estadó cuꞌna̱j Siria, ne̱ caꞌanj chana̱ cuꞌna̱j Priscila do̱ꞌ, síí cuꞌna̱j Aquila do̱ꞌ, ga̱ soꞌ a. Tza̱j ne̱ asino ya̱a̱n caca ca̱an nii raa̱ Pabló, quiꞌyaj Pabló, ga̱a va̱j nij soꞌ chumanꞌ Cencrea, cheꞌé se a̱j cataꞌ tuꞌva soꞌ ꞌo̱ nana̱ rihaan Yaꞌanj a.

Hechos 18:21

Ne̱ cataj soꞌ a: ―Caꞌa̱nj ꞌu̱nj na̱nj á. Tza̱j ne̱ sese Yaꞌanj caꞌve̱j, ne̱ nda̱a yuún cheꞌe̱ caꞌna̱ꞌ uún ꞌu̱nj a ―taj soꞌ a. Ne̱ cavii soꞌ rque rihoo chéé rihaan na, ne̱ tanáj soꞌ man chumanꞌ Éfeso a.

2 Corintios 2:13

tza̱j ne̱ ne nari̱ꞌ ꞌu̱nj man tinúú níꞌ síí cuꞌna̱j Titó, ne̱ nanó ndoꞌo raj, ne̱ cheꞌé dan tanáj ꞌu̱nj man nij tinúú níꞌ síí ya̱nj chumanꞌ Troas yoꞌ, ne̱ cavii ꞌu̱nj caꞌnáꞌ ꞌu̱nj estadó Macedonia nihánj na̱nj ado̱nj.

1 Pedro 2:21

ꞌO̱ se canacúún Yaꞌanj man níꞌ canoco̱ꞌ níꞌ man soꞌ ne̱ quira̱nꞌ níꞌ sayuun ado̱nj. Xa̱ꞌ Cristó, tza̱j ne̱ quiranꞌ soꞌ sayuun cheꞌé níꞌ, ne̱ caꞌneꞌ sa̱ꞌ gue̱e̱ rá soꞌ ga̱a quiranꞌ soꞌ da̱nj ado̱nj. Dan me se nda̱a rá se vaa caꞌneꞌ rá Cristó ga̱a quiranꞌ soꞌ sayuun cheꞌé níꞌ roꞌ, da̱nj ga̱a̱ gue̱e̱ caꞌne̱ꞌ rá níꞌ quira̱nꞌ níꞌ sayuun, rá soꞌ ado̱nj.