San Marcos 6:41 - Triqui de San Juan Copala

⁴¹ Ga̱a ne̱ taꞌaa Jesús ꞌu̱nꞌ nij rachrúún ne̱ vi̱j ro̱j xcuaj, ga̱a ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cuxraꞌ taꞌa̱j soꞌ man rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ, cheꞌé rej caxri̱i̱ nij soꞌ ston nij yuvii̱ a. Ga̱a ne̱ cuxraꞌ taꞌa̱j soꞌ nee̱ xcuaj cha̱ cunuda̱nj nij yuvii̱ a.

San Marcos 6:41 ပူးပေါင်းရင်းမြစ်များ

San Mateo 14:19

Ga̱a ne̱ caꞌneꞌ Jesús suun rihaan nij yuvii̱ ri̱i̱ caꞌa̱nj ca̱yáán nij yuvii̱ rihaan coj chri̱nꞌ, ga̱a ne̱ coro̱ꞌ soꞌ ꞌu̱nꞌ nij rachrúún ga̱ vi̱j ro̱j xcuaj, ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cuxraꞌ taꞌa̱j soꞌ man rachrúún yoꞌ, ne̱ caxríj soꞌ ston nij síí tucuꞌyón snana̱ soꞌ, ne̱ caxríj nij soꞌ ston nij yuvii̱ a.

San Mateo 15:36

Ga̱a ne̱ nica̱j soꞌ chi̱j rachrúún yoꞌ ga̱ do̱j xcuaj, ne̱ cataj soꞌ guun niꞌya̱j níꞌ rihaan Yaꞌanj, ga̱a ne̱ cuxraꞌ taꞌa̱j soꞌ man rachrúún yoꞌ do̱ꞌ, man nee̱ xcuaj yoꞌ do̱ꞌ, ne̱ caxríj soꞌ ston nij síí tucuꞌyón snana̱ soꞌ, ne̱ rqué nij soꞌ rihaan nij yuvii̱ a.

San Mateo 26:26

Ne̱ ga̱a chá nij soꞌ, ne̱ taꞌaa Jesús ꞌo̱ rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún, ne̱ rqué soꞌ rihaan nij síí tucuꞌyón snana̱ soꞌ, ne̱ cataj soꞌ a: ―Ta̱ꞌaa soj rachrúún nihánj, cha̱ soj man yoꞌ á. Nee̱ manj me rachrúún nihánj ado̱nj ―taj soꞌ a.

San Marcos 14:22

Ne̱ ga̱a chá nij soꞌ, ne̱ taꞌaa Jesús ꞌo̱ rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún, ne̱ rqué soꞌ rihaan nij síí tucuꞌyón snana̱ soꞌ, ne̱ cataj soꞌ a: ―Ta̱ꞌaa soj rachrúún nihánj á. Nee̱ manj me rachrúún nihánj ado̱nj ―taj soꞌ a.

San Marcos 6:40

Ga̱a ne̱ naguun xꞌneꞌ cientó yuvii̱ do̱ꞌ, vi̱j chiha̱a̱ chi̱ꞌ (50) yuvii̱ do̱ꞌ, ne̱ cayáán nij soꞌ rihaan coj chri̱nꞌ a.

San Marcos 6:42

Ga̱a ne̱ chá ta̱ranꞌ nij yuvii̱, ne̱ caraa rque cunuda̱nj nij soꞌ a.

San Marcos 7:34

Ga̱a ne̱ niꞌya̱j Jesús rej xta̱ꞌ, ga̱a ne̱ caráchej Jesús, ne̱ cataj Jesús rihaan soꞌ a: ―Efata ―taj Jesús, ne̱ nana̱ Efata me raj cata̱a a: Nachugu̱u̱n xréé so̱ꞌ á.

San Marcos 8:19

ga̱a vaa ꞌu̱nꞌ gue̱e̱ rachrúún cuxraꞌ taꞌa̱j ꞌu̱nj tza̱j ne̱ quisíj chá cunu̱ꞌ ꞌu̱nꞌ míj snóꞌo, quiꞌyáj a. Ne̱ me daj scaa se chá quináj tuꞌva yuvii̱ naquiꞌyaj chre̱ꞌ soj, rá soj ga̱ ―taj Jesús, xnáꞌanj Jesús man nij soꞌ a. Ga̱a ne̱ cataj nij soꞌ a: ―Chuvi̱j a ―taj nij soꞌ a.

San Lucas 24:30

Dan me se yáán nij soꞌ cha̱ xtiꞌno̱ nij soꞌ, ne̱ nica̱j Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún, ga̱a ne̱ cuxraꞌ taꞌa̱j soꞌ rachrúún, rqué soꞌ cha̱ ro̱j soꞌ a.

San Lucas 9:16

Dan me se taꞌaa Jesús ꞌu̱nꞌ nij rachrúún ga̱ ro̱j xcuaj yoꞌ, ga̱a ne̱ niꞌya̱j soꞌ rej xta̱ꞌ, ne̱ cataj soꞌ guun niꞌya̱j níꞌ rihaan Yaꞌanj cheꞌé se chá yoꞌ a. Ga̱a ne̱ cuxraꞌ taꞌa̱j soꞌ rachrúún do̱ꞌ, nee̱ xcuaj do̱ꞌ, ne̱ caxríj soꞌ ston nij síí tucuꞌyón snana̱ soꞌ, cheꞌé rej caxri̱i̱ nij soꞌ ston nij yuvii̱ a.

San Juan 11:41

Cheꞌé dan naxuun nij soꞌ yahij yoꞌ a. Ga̱a ne̱ naxca̱j Jesús rihaan soꞌ niꞌya̱j soꞌ rej xta̱ꞌ, ne̱ cataj soꞌ a: ―Guun niꞌya̱j níꞌ se vaa cunó so̱ꞌ snana̱j, Ata̱j Chij.

San Juan 17:1

Quisíj caꞌmii Jesús nana̱ dan rihaan nij síí tucuꞌyón snana̱ soꞌ, ga̱a ne̱ naxca̱j rihaan soꞌ, niꞌya̱j soꞌ rej xta̱ꞌ, ne̱ cataj soꞌ a: ―A̱j quisíj orá yoꞌ, Ata̱j. Qui̱ꞌyáá so̱ꞌ se vaa veꞌé uxrá caꞌmi̱i̱ yuvii̱ cheꞌé ꞌu̱nj si̱j Taꞌníí so̱ꞌ, ne̱ veꞌé uxrá caꞌmi̱i̱ yuvii̱ cheꞌé so̱ꞌ, qui̱ꞌyáj,

San Juan 6:11

Dan me se taꞌaa Jesús rachrúún, ne̱ cataj soꞌ guun niꞌya̱j níꞌ rihaan Yaꞌanj, ne̱ cuxraꞌ taꞌa̱j soꞌ rachrúún caxríj soꞌ ston nij síí tucuꞌyón snana̱ soꞌ a. Ne̱ nij síí tucuꞌyón snana̱ soꞌ roꞌ, rqué nij soꞌ cha̱ ta̱ranꞌ nij síí ya̱nj rihaan coj chri̱nꞌ yoꞌ a. Ne̱ ase vaa quiꞌyaj soꞌ ga̱ rachrúún roꞌ, da̱nj quiꞌyaj uún soꞌ ga̱ nee̱ xcuaj yoꞌ, rqué soꞌ nu̱ꞌ se vaa me rá nij yuvii̱ cha̱ nij yuvii̱ yoꞌ a.

San Juan 6:23

Tza̱j ne̱ caꞌnaꞌ do̱j rihoo cavii chumanꞌ Tiberias tuꞌva na laguaná nichru̱nꞌ rej chá nij yuvii̱ rachrúún ga̱a quisíj cataj Jesús Si̱j ꞌNi̱j Raꞌa man níꞌ guun niꞌya̱j níꞌ rihaan Yaꞌanj cheꞌé rachrúún yoꞌ a.

Hechos 27:35

Síj caꞌmii soꞌ da̱nj, ga̱a ne̱ nica̱j soꞌ rachrúún, ne̱ cataj soꞌ guun niꞌya̱j níꞌ rihaan Yaꞌanj cheꞌé rachrúún niꞌya̱j cunuda̱nj nij soꞌ, ga̱a ne̱ cuxraꞌ taꞌa̱j soꞌ rachrúún, ne̱ guun cheꞌe̱ soꞌ chá soꞌ a.

Romanos 14:6

Xa̱ꞌ síí taj se vaa vaa güii gue̱e̱, tza̱j ne̱ da̱nj vaa rá soꞌ cheꞌé Síí ꞌNi̱j Raꞌa man níꞌ, ne̱ da̱nj na̱nj síí chá na̱j guun rasu̱u̱n, ne̱ da̱nj ꞌyaj soꞌ cheꞌé Síí ꞌNi̱j Raꞌa man níꞌ uún a. Da̱nj ꞌyaj ꞌo̱ ꞌo̱ nij soꞌ, ne̱ taj nij soꞌ guun niꞌya̱j níꞌ rihaan Yaꞌanj a. Ne̱ xa̱ꞌ síí naꞌvej rá cha̱ na̱j guun rasu̱u̱n, tza̱j ne̱ veé da̱nj vaa rá soꞌ cheꞌé Síí ꞌNi̱j Raꞌa man níꞌ uún, ne̱ dan me se taj soꞌ guun niꞌya̱j níꞌ rihaan Yaꞌanj uún a.

1 Corintios 10:31

Dan me se nu̱ꞌ se cha̱ soj do̱ꞌ, nu̱ꞌ se coꞌo̱ soj do̱ꞌ, na̱j guun se quiꞌya̱j soj do̱ꞌ, ina̱nj cheꞌé Yaꞌanj quiꞌya̱j soj cunuda̱nj nij rasu̱u̱n yoꞌ, ga̱a ne̱ veꞌé doj caꞌmi̱i̱ yuvii̱ cheꞌé Yaꞌanj, quiꞌya̱j soj chugua̱nj.

Colosenses 3:17

Ne̱ quiꞌya̱j soj da̱j me rá Cristó quiꞌya̱j soj do̱ꞌ, caꞌmi̱i̱ soj do̱ꞌ, ne̱ ma̱an cheꞌé se‑chuvi̱i Jesús Si̱j ꞌNi̱j Raꞌa man níꞌ cata̱j soj guun niꞌya̱j níꞌ rihaan Rej níꞌ Yaꞌanj ado̱nj.