San Marcos 6:37 - Triqui de San Juan Copala

³⁷ Ga̱a ne̱ cataj Jesús rihaan nij soꞌ a: ―Rque̱ maꞌa̱n soj se chá cha̱ nij yuvii̱ á ―taj soꞌ a. Ga̱a ne̱ cataj nij soꞌ rihaan Jesús a: ―Caꞌa̱nj núj go̱ꞌ núj saꞌanj vaa tuꞌvee yuvii̱ ꞌyaj suun tu̱nj yavii ne̱ quira̱a̱n núj rachrúún, ne̱ rque̱ núj cha̱ nij yuvii̱, rá so̱ꞌ a̱ naꞌ ―taj nij soꞌ a.

San Marcos 6:37 ပူးပေါင်းရင်းမြစ်များ

San Mateo 14:16

―Taj cheꞌé caꞌa̱nj nij yuvii̱ maꞌ. Ma̱an se rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a.

San Mateo 18:28

’Veé dan, ga̱a ne̱ curiha̱nj mozó yoꞌ, caꞌanj soꞌ, ga̱a ne̱ nariꞌ tuviꞌ soꞌ ga̱ ꞌó mozó ꞌyaj suun rcuaꞌa̱a̱n ga̱ soꞌ, ne̱ mozó yoꞌ me síí quiꞌyaj xcúún rihaan mozó caráj xꞌnaa rey rihaan a. Ne̱ xcúún yoꞌ me saꞌanj vaa tuꞌvee yuvii̱ ꞌyaj suun caꞌa̱nj yavii a. Ga̱a ne̱ taꞌaa soꞌ gaán chihá tuviꞌ soꞌ mozó yoꞌ, ne̱ cataj soꞌ a: “Narque̱ so̱ꞌ nu̱ꞌ se vaa ꞌyaj xcúún so̱ꞌ rihanj cuaj vi̱j”, taj soꞌ rihaan tuviꞌ soꞌ a.

San Marcos 6:36

Naꞌne̱j so̱ꞌ chrej man nij yuvii̱, caꞌa̱nj nij yuvii̱ chumanꞌ na̱j nichru̱nꞌ do̱ꞌ, nij ranchó na̱j nichru̱nꞌ do̱ꞌ, quira̱a̱n nij yuvii̱ se chá cha̱ nij soꞌ na̱nj á ―taj nij soꞌ a.

San Marcos 6:38

Ga̱a ne̱ cataj Jesús rihaan nij soꞌ a: ―Me daj rachrúún vaa rihaan soj ga̱. Caꞌa̱nj soj, ne̱ xca̱j soj cuentá á ―taj soꞌ a. Quisíj quiꞌyaj nij soꞌ da̱nj, ga̱a ne̱ canica̱j nij soꞌ, ne̱ cataj nij soꞌ a: ―Vaa ꞌu̱nꞌ rachrúún ne̱ vi̱j gue̱e̱ xcuaj rihaan núj na̱nj á ―taj nij soꞌ a.

San Lucas 7:41

Ga̱a ne̱ nanó Jesús se‑cuento̱ vi̱j síí ꞌyaj xcúún a: ―Vi̱j síí ꞌyaj xcúún saꞌanj rihaan ꞌo̱ ruꞌvee me ro̱j soꞌ a. ꞌO̱ soꞌ roꞌ, ꞌyaj xcúún saꞌanj se vaa ꞌyaj canaán yuvii̱ ꞌyaj suun ꞌu̱nꞌ cientó güii, ne̱ ꞌó soꞌ roꞌ, ꞌyaj xcúún se vaa ꞌyaj canaán yuvii̱ ꞌyaj suun vi̱j chiha̱a̱ chi̱ꞌ (50) güii a.

San Lucas 9:13

Tza̱j ne̱ cataj Jesús rihaan nij soꞌ a: ―Rque̱ maꞌa̱n soj se chá cha̱ nij yuvii̱ á ―taj Jesús rihaan nij soꞌ a. Ga̱a ne̱ cataj nij soꞌ a: ―Tza̱j ne̱ taj se chá rihaan núj maꞌ. Ma̱an se o̱rúnꞌ ꞌu̱nꞌ rachrúún ne̱ vi̱j gue̱e̱ xcuaj vaa rihaan núj na̱nj á. Xraj ne̱ caꞌve̱e caꞌa̱nj núj, ne̱ quira̱a̱n núj se chá cha̱ cunuda̱nj nij yuvii̱ ri̱i̱ uxrá nihánj na̱nj á ―taj nij soꞌ rihaan Jesús a.