San Marcos 6:34 - Triqui de San Juan Copala

³⁴ Ne̱ nanij Jesús rá rihoo, ne̱ queneꞌen soꞌ se vaa a̱j ma̱n ri̱i̱ uxrá yuvii̱, ne̱ cunuu ꞌe̱e̱ rá soꞌ niꞌya̱j soꞌ man nij yuvii̱ a. ꞌO̱ se ase vaa matzinj nuviꞌ síí tumé man vaa nij yuvii̱, niꞌya̱j Jesús, ga̱a ne̱ guun cheꞌe̱ soꞌ tucuꞌyón ndoꞌo soꞌ snana̱ soꞌ man nij yuvii̱ a.

San Marcos 6:34 ပူးပေါင်းရင်းမြစ်များ

San Mateo 14:14

Ne̱ nanij Jesús rá rihoo, ne̱ queneꞌen soꞌ se vaa a̱j ma̱n ri̱i̱ uxrá yuvii̱, ne̱ cunuu ꞌe̱e̱ rá soꞌ man nij yuvii̱, ne̱ nahuun sa̱ꞌ ta̱ranꞌ nij síí ranꞌ caꞌnaꞌ rihaan Jesús, quiꞌyaj soꞌ na̱nj ado̱nj.

San Mateo 15:32

Ga̱a ne̱ canacúún Jesús caꞌna̱ꞌ nij síí tucuꞌyón snana̱ soꞌ rihaan soꞌ, ne̱ cataj soꞌ a: ―Nuu ꞌe̱e̱ raj man nij yuvii̱ nihánj na̱nj ado̱nj. ꞌO̱ se quisíj vaꞌnu̱j güii mán nij soꞌ ga̱j, ne̱ taj va̱j se cha̱ nij soꞌ a̱ maꞌ. Ne̱ naꞌvej raj caꞌne̱j ꞌu̱nj man nij soꞌ caꞌa̱nj nij soꞌ maꞌ. ꞌO̱ se va̱j nij soꞌ chrej, ne̱ naꞌaan rque nij soꞌ, ne̱ nina̱j nij soꞌ rá chrej, rá ꞌu̱nj na̱nj ado̱nj ―taj Jesús a.

San Mateo 9:36

Ne̱ ga̱a queneꞌen soꞌ man nij yuvii̱ ri̱i̱ yoꞌ, ne̱ cunuu ꞌe̱e̱ rá soꞌ man nij soꞌ a. ꞌO̱ se queneꞌen soꞌ se vaa ase vaa matzinj va̱j maꞌa̱n vaa nij yuvii̱, nuviꞌ síí tumé man nij soꞌ, ne̱ a̱j quiranꞌ ndoꞌo nij soꞌ sayuun, ne̱ ninaj ndoꞌo nij soꞌ ado̱nj.

San Marcos 6:33

Tza̱j ne̱ queneꞌen ndoꞌo nij yuvii̱ se vaa caꞌanj nij soꞌ, ne̱ xcaj yuvii̱ cuentá se vaa nij tuvi̱ꞌ Jesús me nij soꞌ, ga̱a ne̱ chéé taco̱j nij yuvii̱ ma̱n cunuda̱nj nij chumanꞌ na̱j rej yoꞌ, ne̱ cunánj nij yuvii̱ cuchiꞌ nij yuvii̱ asino ya̱a̱n rej caꞌa̱nj nij tuvi̱ꞌ Jesús a.

San Marcos 6:35

Dan me se cachén ndoꞌo orá, ga̱a ne̱ caꞌnaꞌ nij síí tucuꞌyón snana̱ Jesús rihaan soꞌ, ga̱a ne̱ cataj nij soꞌ a: ―Rcoꞌ tacaan u̱u̱n me nihánj, ne̱ a̱j caꞌanj güii na̱nj á.

San Marcos 8:1

Nij güii yoꞌ me se va̱j uún ri̱i̱ ndoꞌo yuvii̱ ga̱ Jesús, ne̱ nuviꞌ se chá rihaan nij yuvii̱, ga̱a ne̱ canacúún Jesús man nij síí tucuꞌyón snana̱ soꞌ, ne̱ cataj soꞌ a:

San Marcos 8:2

―Nuu ꞌe̱e̱ raj man nij yuvii̱ cheꞌé se síj vaꞌnu̱j güii vaj nij yuvii̱ ga̱ ꞌu̱nj, ne̱ taj va̱j se chá rihaan nij yuvii̱ cuano̱ a̱ maꞌ.

San Lucas 9:11

Tza̱j ne̱ queneꞌen ꞌo̱ xꞌneꞌ noco̱o yuvii̱ rej caꞌanj Jesús, ga̱a ne̱ canocoꞌ nij soꞌ man Jesús, caꞌanj nij soꞌ a. Ga̱a ne̱ veꞌé caꞌmii Jesús ga̱ xꞌneꞌ noco̱o yuvii̱ canocoꞌ man soꞌ, ne̱ caꞌmii natáj soꞌ cheꞌé da̱j vaa uun chij Yaꞌanj, ne̱ nahuun nij síí ranꞌ, quiꞌyaj soꞌ a.

Hebreos 2:17

Cheꞌé dan me naquiꞌyaj soꞌ man soꞌ nda̱a rá se vaa gue̱e̱ nij tinúú ya̱ soꞌ ado̱nj. Da̱nj quiꞌyaj soꞌ cheꞌé rej caꞌve̱e cunu̱u ꞌe̱e̱ rá soꞌ man níꞌ, ne̱ gu̱un soꞌ xrej sa̱ꞌ rá ata̱ suun noco̱o doj rihaan Yaꞌanj cheꞌé níꞌ, ne̱ gu̱un nucua̱j rá níꞌ ni̱ꞌyaj níꞌ man soꞌ, ne̱ tinavi̱j soꞌ cacunꞌ tumé níꞌ si̱j noco̱ꞌ man Yaꞌanj ado̱nj.

Hebreos 4:15

ꞌO̱ se né xre̱j ne neꞌen da̱j vaa sayuun ranꞌ níꞌ me soꞌ maꞌ. ꞌO̱ se a̱j neꞌen soꞌ da̱j vaa chrej chiꞌi̱i̱ ꞌnaꞌ rihaan níꞌ ado̱nj. Cheꞌé dan cunuu ꞌe̱e̱ rá soꞌ man níꞌ ga̱a nina̱j níꞌ rihaan sayuun ado̱nj. Dan me se ase vaa maꞌa̱n níꞌ roꞌ, vaa soꞌ, ne̱ ase vaa sayuun ꞌnaꞌ rihaan níꞌ roꞌ, da̱nj vaa sayuun caꞌnaꞌ rihaan soꞌ, tza̱j ne̱ ne quiꞌya̱j soꞌ a̱ ꞌó xcoꞌ cacunꞌ maꞌ.