San Marcos 5:35 - Triqui de San Juan Copala

³⁵ Ataa navi̱j caꞌmii Jesús, ne̱ caꞌnaꞌ ꞌo̱ síí cavii tucuá Jairo, ne̱ cataj soꞌ rihaan Jairo a: ―A̱j caviꞌ taꞌnij cha̱na̱ so̱ꞌ, ne̱ taj cheꞌé cara̱a̱ chrúú so̱ꞌ rihaan maestró a̱ maꞌ ―taj síí caꞌnaꞌ yoꞌ a.

San Marcos 5:35 ပူးပေါင်းရင်းမြစ်များ

San Mateo 26:10

Ne̱ queneꞌen Jesús da̱j vaa caꞌmii nij soꞌ, ne̱ cataj soꞌ rihaan nij soꞌ a: ―Me cheꞌé aꞌmii soj da̱nj niꞌya̱j soj man chana̱ nihánj ga̱. ꞌO̱ se veꞌé uxrá vaa quiꞌyaj noꞌ manj na̱nj á.

San Mateo 26:18

Ne̱ cataj xnaꞌanj Jesús rihaan nij soꞌ se vaa catu̱u̱ nij soꞌ chumanꞌ Jerusalén, ne̱ cuchi̱ꞌ nij soꞌ rihaan ꞌo̱ soꞌ, ne̱ caꞌmi̱i̱ nij soꞌ nana̱ nihánj rihaan soꞌ a: “Taj xnaꞌanj maestró rihaan so̱ꞌ se vaa da̱j doj quisi̱j se‑ora̱ soꞌ a. Ne̱ cha̱ xtiꞌno̱ soꞌ do̱ꞌ, nij síí tucuꞌyón snana̱ soꞌ do̱ꞌ, Chaꞌanj Pascuá tucuá so̱ꞌ na̱nj á”, cata̱j nij soꞌ rihaan síí ya̱nj chumanꞌ yoꞌ, taj Jesús rihaan nij soꞌ a.

San Mateo 9:18

Ga̱a caꞌmii Jesús nana̱ yoꞌ rihaan nij síí tucuꞌyón snana̱ síí cuꞌna̱j Juan, ne̱ cuchiꞌ ꞌo̱ síí nica̱j suun rihaan Jesús, ne̱ cayáán ru̱j soꞌ, cachíín niꞌya̱j soꞌ rihaan Jesús, cataj soꞌ a: ―Tiha̱j caviꞌ taꞌníj chala̱ cunii a. Tza̱j ne̱ qui̱ꞌyáá so̱ꞌ se ndoꞌo, caꞌa̱nj níꞌ, ne̱ cuta̱ꞌ so̱ꞌ raꞌá so̱ꞌ xráá noꞌ, ne̱ cunu̱u iꞌna̱ꞌ uún noꞌ na̱nj rugua̱nj ―taj soꞌ, cachíín niꞌya̱j soꞌ rihaan Jesús a.

San Marcos 10:17

Dan me se ga̱a nayón Jesús chrej, ne̱ dan me se cunánj ꞌo̱ síí tachru̱u̱ caꞌnaꞌ soꞌ rihaan Jesús, ne̱ caꞌanj ca̱yáán ru̱j síí tachru̱u̱ yoꞌ rihaan Jesús, ne̱ xnáꞌanj soꞌ man Jesús a: ―Maestro, síí sa̱ꞌ ina̱nj mé so̱ꞌ ado̱nj. Da̱j qui̱ꞌyáj ga̱a ne̱ caꞌve̱e ca̱yánj ga̱ Yaꞌanj nu̱ꞌ cavii nu̱ꞌ caꞌanj ga̱ ―taj síí tachru̱u̱ yoꞌ a.

San Marcos 5:22

Ga̱a ne̱ caꞌnaꞌ ꞌo̱ nij síí ꞌni̱j raꞌa veꞌ tucuꞌyón nij yuvii̱ israelitá stucua̱nj Moisés, ne̱ Jairo cuꞌna̱j soꞌ a. Dan me se queneꞌen soꞌ man Jesús, ga̱a ne̱ quinij ru̱j soꞌ tacóó Jesús,

San Lucas 8:49

Ataa navi̱j caꞌmi̱i̱ Jesús, ne̱ caꞌnaꞌ ꞌo̱ síí cavii tucuá Jairo, ne̱ cataj soꞌ rihaan Jairo a: ―A̱j caviꞌ taꞌnij cha̱na̱ so̱ꞌ, ne̱ taj cheꞌé cara̱a̱ chrúú so̱ꞌ rihaan maestró a̱ maꞌ ―taj síí ꞌnaꞌ cataj xnaꞌanj rihaan Jairo a.

San Juan 11:21

Ga̱a ne̱ cataj Marta rihaan Jesús a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor.

San Juan 11:25

Ga̱a ne̱ cataj Jesús rihaan noꞌ a: ―Xa̱ꞌ ꞌu̱nj, tza̱j ne̱ si̱j ꞌyaj nuu iꞌna̱ꞌ uún yuvii̱ mej, ne̱ ꞌu̱nj me síí quiꞌya̱j ga̱a̱ iꞌna̱ꞌ yuvii̱ ca̱yáán yuvii̱ ga̱ Yaꞌanj nu̱ꞌ cavii nu̱ꞌ caꞌanj ado̱nj. Ne̱ xa̱ꞌ síí amán rá niꞌya̱j manj, tza̱j ne̱ caꞌve̱e se cavi̱ꞌ soꞌ, tza̱j ne̱ ꞌo̱ ga̱a̱ iꞌna̱ꞌ nimán soꞌ chugua̱nj.

San Juan 11:28

Dan me se quisíj caꞌmii noꞌ da̱nj, ga̱a ne̱ caꞌanj noꞌ, ne̱ canacúún yuve̱ noꞌ man chuꞌvij noꞌ Mariá, cataj noꞌ a: ―A̱j caꞌnaꞌ maestró, ne̱ nacúún soꞌ mán so̱ꞌ a ―taj noꞌ rihaan Mariá a.

San Juan 11:32

Dan me se ga̱a cuchiꞌ Mariá rej nicu̱nꞌ Jesús, ga̱a ne̱ queneꞌen noꞌ man soꞌ, ga̱a ne̱ cayáán ru̱j noꞌ rihaan Jesús, ga̱a ne̱ cataj noꞌ a: ―Sese cayáán so̱ꞌ nihánj, ne̱ ne cavi̱ꞌ raꞌvij asuun tza̱j, maan Señor ―taj noꞌ rihaan Jesús a.

San Juan 11:39

Ga̱a ne̱ cataj Jesús a: ―Naxu̱u̱n soj yahij rihaan yuꞌuj á ―taj Jesús a. Ga̱a ne̱ cataj raꞌvij síí caviꞌ chana̱ cuꞌna̱j Marta rihaan soꞌ a: ―Tza̱j ne̱ gunꞌ riꞌyu̱j man soꞌ ya̱j, Señor. ꞌO̱ se quisíj caꞌa̱nj ya̱ güii naj cúú man soꞌ na̱nj ado̱nj ―taj noꞌ rihaan soꞌ a.

San Juan 5:25

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa vaa güii, ne̱ nij síí caviꞌ roꞌ, caꞌmi̱j si̱j Taꞌni̱j Yaꞌanj rihaan nij soꞌ, ne̱ nu̱ꞌ nij síí cuno̱ nana̱ caꞌmi̱j roꞌ, cunu̱u iꞌna̱ꞌ nij soꞌ a. Ne̱ cuano̱ nihánj me güii aꞌmij rihaan nij soꞌ, sese me rá nij soꞌ cuno̱ nij soꞌ ado̱nj.