San Marcos 5:30 - Triqui de San Juan Copala

³⁰ Dan me se nu̱ꞌ canó raꞌa noꞌ saga̱nꞌ Jesús, ne̱ nu̱ꞌ xcaj Jesús cuentá se vaa nahuun sa̱ꞌ yuvii̱ quiꞌyaj snucua̱j soꞌ a. Cheꞌé dan canica̱j soꞌ, ne̱ xnáꞌanj soꞌ a: ―Me síí canó raꞌa saga̱nꞌ ꞌu̱nj ga̱ ―taj soꞌ a.

San Marcos 5:30 ပူးပေါင်းရင်းမြစ်များ

San Marcos 5:31

Ga̱a ne̱ cataj nij síí tucuꞌyón snana̱ Jesús a: ―Neꞌén so̱ꞌ se vaa xraan ndoꞌo va̱j nij yuvii̱ ga̱ so̱ꞌ, ne̱ me cheꞌé xnáꞌanj so̱ꞌ me síí canó raꞌa saga̱nꞌ so̱ꞌ ga̱ ―taj nij soꞌ a.

San Lucas 5:17

ꞌO̱ güii me se ya̱nj Jesús rá ꞌo̱ veꞌ, ne̱ tucuꞌyón soꞌ man yuvii̱, ne̱ ya̱nj do̱j síí fariseo ga̱ síí naquiꞌyaj cu̱u stucua̱nj Moisés rá veꞌ yoꞌ, ne̱ síí cavii chumanꞌ Jerusalén do̱ꞌ, ꞌó nij chumanꞌ na̱j estadó Judea do̱ꞌ, nij chumanꞌ na̱j estadó Galilea do̱ꞌ, me nij soꞌ a. Ne̱ Yaꞌanj Si̱j ꞌNi̱j Raꞌa man níꞌ roꞌ, racuíj ndoꞌo man Jesús, ne̱ nahuun ndoꞌo nij síí ranꞌ, quiꞌyaj Jesús a.

San Lucas 6:19

Ga̱a ne̱ guun rá cunuda̱nj nij yuvii̱ cano̱ raꞌa nij soꞌ man Jesús cheꞌé se cavii ndoꞌo se nucua̱j man Jesús, ne̱ nahuun sa̱ꞌ cunuda̱nj nij yuvii̱, quiꞌyaj Jesús a.

San Lucas 8:46

Tza̱j ne̱ cataj Jesús rihaan soꞌ a: ―Vaa ꞌo̱ yuvii̱ canó raꞌa mán ꞌu̱nj ado̱nj. Neꞌenj se vaa nahuun yuvii̱ quiꞌyaj se‑nu̱cuáj ado̱nj ―taj Jesús rihaan soꞌ a.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.