San Marcos 5:29 - Triqui de San Juan Copala

²⁹ Dan me se síj canó raꞌa noꞌ saga̱nꞌ Jesús, ga̱a ne̱ nu̱ꞌ canicunꞌ ton man noꞌ cuaj a. Ne̱ queneꞌen noꞌ se vaa nahuun sa̱ꞌ noꞌ, quiꞌyaj Jesús a.

San Marcos 5:29 ပူးပေါင်းရင်းမြစ်များ

San Mateo 9:20

Ga̱a ne̱ ta̱j niꞌyo̱n caꞌnaꞌ ꞌo̱ chana̱ rej xco̱ Jesús, ne̱ quisíj ꞌo̱ chuvi̱j yoꞌ xraꞌ ton man chana̱ yoꞌ, ne̱ canó raꞌa noꞌ do̱j tuꞌva saga̱nꞌ Jesús a.

San Marcos 3:10

ꞌO̱ se nahuun sa̱ꞌ uxrá yuvii̱, quiꞌyaj Jesús, ne̱ nda̱a síj, ga̱a ne̱ ta̱ranꞌ nij síí ranꞌ roꞌ, canocoꞌ uxrá nij soꞌ man Jesús cheꞌé rej caꞌve̱e cano̱ raꞌa nij soꞌ man soꞌ ga̱a ne̱ nahu̱un sa̱ꞌ nij soꞌ, rá nij soꞌ a.

San Marcos 5:28

ꞌO̱ se guun rá noꞌ a: “Sese cano̱ raꞌa cuánꞌ ꞌu̱nj saga̱nꞌ Jesús, ne̱ nahu̱un sa̱ꞌ ꞌu̱nj na̱nj ado̱nj”, guun rá noꞌ a.

San Marcos 5:34

Ga̱a ne̱ cataj Jesús rihaan noꞌ a: ―Nahuún so̱ꞌ cheꞌé se amán rá so̱ꞌ niꞌya̱j so̱ꞌ manj, nocoj. Veꞌé caꞌa̱nj so̱ꞌ, ne̱ dínj ga̱a̱ nimán so̱ꞌ á. Ga̱a̱ nu̱cuáá so̱ꞌ, cheꞌé se a̱j xꞌnéj nu̱ꞌ chiꞌii̱ yoꞌ xráá so̱ꞌ na̱nj á ―taj Jesús a.

San Lucas 7:21

Ga̱a ne̱ veé ma̱an orá caꞌnaꞌ ro̱j síí caꞌnéé Juan man roꞌ, nahuun queꞌe̱e̱ ndoꞌo síí ranꞌ do̱ꞌ, curiha̱nj nana̱ chre̱e nimán queꞌe̱e̱ yuvii̱ do̱ꞌ, nachuguu̱n rihaan queꞌe̱e̱ síí tuchri̱i do̱ꞌ, quiꞌyaj Jesús a.