San Marcos 5:27 - Triqui de San Juan Copala

²⁷ Ga̱a ne̱ a̱j cuchiꞌ nana̱ rihaan noꞌ cheꞌé Jesús, ne̱ cheꞌé dan caꞌnaꞌ noꞌ scaꞌnúj nij yuvii̱ rej xco̱ Jesús, ga̱a ne̱ canó raꞌa noꞌ do̱j tuꞌva saga̱nꞌ soꞌ a.

San Marcos 5:27 ပူးပေါင်းရင်းမြစ်များ

San Mateo 14:36

Ne̱ rquee̱ nij yuvii̱ rihaan Jesús se vaa caꞌve̱j Jesús cano̱ raꞌa nij soꞌ do̱j tuꞌva saga̱nꞌ soꞌ a. Ne̱ nu̱ꞌ nij síí canó raꞌa do̱j tuꞌva saga̱nꞌ soꞌ roꞌ, nahuun sa̱ꞌ cunuda̱nj nij soꞌ cuaj na̱nj ado̱nj.

San Marcos 5:26

Ne̱ a̱j quiranꞌ ndoꞌo noꞌ sayuun, quiꞌyaj queꞌe̱e̱ nij doctor naquiꞌyaj conoꞌó man yuvii̱, ne̱ a̱j cutunꞌ noꞌ cunuda̱nj saꞌanj vaa rihaan noꞌ, tza̱j ne̱ taj se quiꞌyáꞌ a̱ doj nahu̱un sa̱ꞌ noꞌ a̱ maꞌ. Tana̱nj doj a̱ ranꞌ noꞌ na̱nj ado̱nj.

San Marcos 5:28

ꞌO̱ se guun rá noꞌ a: “Sese cano̱ raꞌa cuánꞌ ꞌu̱nj saga̱nꞌ Jesús, ne̱ nahu̱un sa̱ꞌ ꞌu̱nj na̱nj ado̱nj”, guun rá noꞌ a.

San Marcos 6:56

Ne̱ me maꞌa̱n chumanꞌ raꞌa̱ do̱ꞌ, chumanꞌ noco̱o do̱ꞌ, ranchó do̱ꞌ, catúj Jesús me se cuchruj nij yuvii̱ man nij síí ranꞌ rihaan yuꞌvee a. Ne̱ rquee̱ nij yuvii̱ man Jesús se vaa caꞌve̱j rá Jesús cano̱ raꞌa nij soꞌ do̱j tuꞌva saga̱nꞌ soꞌ a. Ne̱ nu̱ꞌ nij síí canó raꞌa do̱j man soꞌ roꞌ, nahuun sa̱ꞌ cunuda̱nj nij soꞌ cuaj na̱nj ado̱nj.

Hechos 19:12

ne̱ nda̱a nica̱j nii se‑vi̱tó Pabló do̱ꞌ, yatzíj numi̱i catuu̱n Pabló do̱ꞌ, caꞌanj nii cutaꞌ nii raa̱ nij síí ranꞌ, ne̱ nahuun sa̱ꞌ nij síí ranꞌ, ne̱ curiha̱nj nana̱ chre̱e nimán nij síí ranꞌ yoꞌ, quiꞌyaj Yaꞌanj a.

Hechos 5:15

Ne̱ dan me se rihaan chruun do̱ꞌ, rihaan yuvéé do̱ꞌ, táá nij síí ranꞌ, rii nij yuvii̱ man nij síí ranꞌ yoꞌ xeꞌ a. Cuchruj nii man nij síí ranꞌ rá callé rej cache̱n Pedró, cheꞌé se sese scachu̱nꞌ Pedró cano̱ xráá nij síí ranꞌ ne̱ nahu̱un nij soꞌ, rá nij yuvii̱ a.