San Marcos 4:35 - Triqui de San Juan Copala

³⁵ Ga̱a ne̱ rej tiꞌnuu güii yoꞌ me se cataj Jesús rihaan nij síí tucuꞌyón snana̱ soꞌ a: ―Caꞌa̱nj níꞌ nda̱a ꞌó níchrej tuꞌva na laguaná á ―taj soꞌ a.

San Marcos 4:35 ပူးပေါင်းရင်းမြစ်များ

San Mateo 14:22

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ, quita̱j ya̱a̱n nij soꞌ rihaan Jesús, ne̱ dan me se maꞌa̱n Jesús naꞌne̱j chrej man nij yuvii̱ ri̱i̱, taj Jesús rihaan nij síí tucuꞌyón snana̱ soꞌ a.

San Mateo 8:18

Queneꞌen Jesús se vaa ma̱n ndoꞌo yuvii̱ anica̱j rej nicu̱nꞌ soꞌ niꞌya̱j man soꞌ a. Cheꞌé dan caꞌneꞌ soꞌ suun rihaan nij síí tucuꞌyón snana̱ soꞌ se vaa caꞌa̱nj nij soꞌ ga̱ soꞌ nda̱a níchrej na laguaná cuꞌna̱j Galilea a.

San Marcos 5:21

Dan me se nu̱u̱ Jesús rque rihoo chéé rihaan na, ne̱ caꞌanj uún soꞌ nda̱a níchrej tuꞌva na laguaná, ga̱a ne̱ cunuu chre̱ꞌ ri̱i̱ uxrá yuvii̱ rihaan soꞌ, ne̱ va̱j soꞌ tuꞌva na laguaná a.

San Marcos 6:45

Ga̱a ne̱ raꞌya̱nj caꞌneꞌ Jesús suun rihaan nij síí tucuꞌyón snana̱ soꞌ se vaa cavi̱i̱ nij soꞌ rihoo chéé rihaan na caꞌa̱nj nij soꞌ rej xco̱ na laguaná yoꞌ nda̱a chumanꞌ Betsaida, quita̱j ya̱a̱n nij soꞌ rihaan soꞌ a. Dan me se maꞌa̱n Jesús naꞌne̱j chrej man nij yuvii̱ ri̱i̱ yoꞌ, taj Jesús a.

San Marcos 8:13

Ga̱a ne̱ tanáj Jesús man nij soꞌ, ga̱a ne̱ cavii uún soꞌ rque rihoo chéé rihaan na, ne̱ caꞌanj soꞌ rej xco̱ na laguaná a.

San Lucas 8:22

Dan me se ꞌo̱ güii catúj Jesús rque ꞌo̱ rihoo chéé rihaan na ga̱ cunuda̱nj nij síí tucuꞌyón snana̱ soꞌ, ne̱ cataj Jesús rihaan nij soꞌ se vaa caꞌa̱nj cunuda̱nj nij soꞌ nda̱a ꞌó níchrej tuꞌva na laguaná a. Ga̱a ne̱ guun cheꞌe̱ rihoo chéé rihoo rihaan na, quiꞌyaj nij soꞌ a.

San Lucas 8:25

Ga̱a ne̱ xnáꞌanj Jesús man nij síí tucuꞌyón snana̱ soꞌ, cataj soꞌ a: ―Me cheꞌé ne amán rá soj niꞌya̱j soj man Yaꞌanj ga̱ ―taj soꞌ rihaan nij soꞌ a. Tza̱j ne̱ caꞌanj rá nij soꞌ, ne̱ cuchuꞌviꞌ nij soꞌ, ne̱ cataj nij soꞌ rihaan tuviꞌ nij soꞌ a: ―Da̱j si̱j me síí nihánj ga̱. Nda̱a rihaan nana̱ do̱ꞌ, nda̱a rihaan na do̱ꞌ, aꞌneꞌ soꞌ suun, ne̱ uno ro̱j yoꞌ aꞌmii soꞌ asunj ―taj nij soꞌ rihaan tuviꞌ nij soꞌ a.

San Juan 6:1

Cachén doj, ga̱a ne̱ cavii Jesús caꞌanj soꞌ rej xco̱ na laguaná cuꞌna̱j Galilea a. Tiberias cuꞌna̱j ꞌó se‑chuvi̱i na laguaná yoꞌ a.

San Juan 6:17

ga̱a ne̱ catúj nij soꞌ rihoo, ga̱a ne̱ cavii nij soꞌ caꞌanj nij soꞌ chumanꞌ Capernaum a. Dan me se a̱j guun rmi̱ꞌ rihaan na laguaná yoꞌ, ne̱ ataa nama̱n Jesús rihaan nij soꞌ a.

San Juan 6:25

Dan me se nariꞌ nij soꞌ man Jesús chumanꞌ Capernaum, ga̱a ne̱ xnáꞌanj nij soꞌ man soꞌ, cataj nij soꞌ a: ―Aman caꞌnáꞌ so̱ꞌ nihánj, ga̱a maestro̱ꞌ ―taj nij yuvii̱, xnáꞌanj nij soꞌ man Jesús a.