San Marcos 4:2 - Triqui de San Juan Copala

² Ga̱a ne̱ tucuꞌyón soꞌ stucua̱nj soꞌ man nij yuvii̱, nanó ndoꞌo soꞌ cuentó rihaan nij soꞌ, ne̱ dan me se cataj soꞌ rihaan nij soꞌ a:

San Marcos 4:2 ပူးပေါင်းရင်းမြစ်များ

San Mateo 13:10

Ga̱a ne̱ nichrunꞌ nij síí tucuꞌyón snana̱ Jesús rihaan soꞌ, ne̱ xnáꞌanj nij soꞌ man Jesús a: ―Me cheꞌé nanó so̱ꞌ cuentó cheꞌé nij rasu̱u̱n rihaan nij yuvii̱ ga̱ ―taj nij soꞌ, xnáꞌanj nij soꞌ man Jesús a.

San Mateo 13:3

Ne̱ nanó ndoꞌo Jesús cuentó rihaan nij yuvii̱, cataj soꞌ a: ―Ni̱ꞌyaj soj á. Curiha̱nj ꞌo̱ síí me rá ti̱xꞌnuu̱ ꞌnúú trigó,

San Mateo 7:28

Veé dan, ne̱ quisíj tucuꞌyón Jesús nu̱ꞌ nana̱ nihánj rihaan nij yuvii̱, ga̱a ne̱ caráyaꞌa̱nj ndoꞌo nij yuvii̱ noco̱ꞌ man soꞌ cheꞌé stucua̱nj soꞌ a.

San Marcos 10:1

Ga̱a ne̱ curiha̱nj Jesús rej yoꞌ, ne̱ caꞌanj soꞌ nda̱a estadó Judea do̱ꞌ, nda̱a rne̱j tuꞌva chráá Jordán do̱ꞌ a. Ga̱a ne̱ cunuu chre̱ꞌ uún ri̱i̱ yuvii̱ rihaan soꞌ, ne̱ tucuꞌyón uún soꞌ snana̱ soꞌ rihaan nij yuvii̱, nda̱a vaa uꞌyón soꞌ ꞌyaj soꞌ a.

San Marcos 12:1

Ga̱a ne̱ guun cheꞌe̱ Jesús nanó soꞌ cuentó rihaan nij soꞌ a: ―Dan me se cuchruj ꞌo̱ soꞌ naa̱ chruj uvá, ne̱ quiꞌyaj soꞌ chingá nu̱ꞌ anica̱j tuꞌva naa̱ yoꞌ, ga̱a ne̱ gáán soꞌ yuꞌuj rej xtu̱nꞌ chruj uvá ne̱ cavi̱i̱ na uvá, ne̱ cuneꞌ soꞌ ꞌo̱ veꞌ nataꞌ ca̱yáán nij síí tu̱mé naa̱ yoꞌ a. ’Ga̱a ne̱ tanáj soꞌ naa̱ yoꞌ rihaan nij síí quiꞌya̱j suun naa̱ yoꞌ, ne̱ curiha̱nj soꞌ caꞌanj soꞌ ga̱nꞌ a.

San Marcos 12:38

Dan me se ga̱a tucuꞌyón Jesús stucua̱nj soꞌ man nij yuvii̱, ne̱ cataj soꞌ a: ―Xca̱j nij soj cuentá da̱j ꞌyaj nij síí naquiꞌyaj cu̱u stucua̱nj Moisés, ne̱ tu̱mé soj man soj se̱ gaa na̱nj quiꞌya̱j soj nda̱a vaa ꞌyaj nij soꞌ á. Dan me se niha̱ꞌ rá nij soꞌ cu̱nuû nij soꞌ yatzéj sa̱ꞌ xca̱a̱n cache̱e̱ nij soꞌ rej queneꞌe̱n yuvii̱ man nij soꞌ, ne̱ me rá nij soꞌ caꞌmi̱i̱ sa̱ꞌ yuvii̱ ga̱ nij soꞌ ga̱a chéé nij soꞌ rihaan yuꞌvee a.

San Marcos 3:23

Ga̱a ne̱ canacúún Jesús man nij síí naquiꞌyaj cu̱u stucua̱nj Moisés, ne̱ nanó soꞌ do̱j cuentó rihaan nij soꞌ a: ―Asa̱ꞌ caꞌve̱e quiri̱i̱ Síí Chre̱e man maꞌa̱n tuviꞌ soꞌ nana̱ chre̱e nimán nij yuvii̱, rá nij soj ga̱.

San Marcos 4:11

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaán ꞌu̱nj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Tza̱j ne̱ rihaan ꞌó nij yuvii̱ me se ina̱nj cuentó cheꞌé nij rasu̱u̱n nanoj,

San Marcos 4:3

―Cuno̱ soj caꞌmi̱j á: Dan me se curiha̱nj ꞌo̱ síí me rá ti̱xꞌnuu̱ ꞌnúú trigó,

San Juan 18:19

Dan me se síí cuꞌna̱j Anás síí cayáán xrej ata̱ suun noco̱o doj asi̱j rque̱ doj roꞌ, xnáꞌanj soꞌ man Jesús cheꞌé nij síí tucuꞌyón snana̱ Jesús do̱ꞌ, cheꞌé maꞌa̱n tucuáán tucuꞌyón Jesús man nij soꞌ do̱ꞌ a.