San Marcos 4:19 - Triqui de San Juan Copala

¹⁹ tza̱j ne̱ nanó ndoꞌo rá nij soꞌ cheꞌé se ma̱n rihaan chumii̱ nihánj, ne̱ me ndoꞌo rá nij soꞌ quiꞌya̱j canaán nij soꞌ saꞌanj, dan tihaꞌ yuꞌunj nij soꞌ man maꞌa̱n nij soꞌ cheꞌé saꞌanj, ne̱ me maꞌa̱n ꞌó nij rasu̱u̱n nanoꞌ ndoꞌo nij soꞌ, ne̱ cheꞌé dan tanáj xco̱ nij soꞌ snana̱ Yaꞌanj, ne̱ ne ꞌyaj nij soꞌ se sa̱ꞌ a̱ maꞌ.

San Marcos 4:19 ပူးပေါင်းရင်းမြစ်များ

San Mateo 13:22

Ne̱ ꞌnúú trigó cayuu scaꞌnúj coj tanj roꞌ, ase vaa síí uno snana̱ Yaꞌanj vaa yoꞌ, tza̱j ne̱ nanó ndoꞌo rá soꞌ cheꞌé rasu̱u̱n ma̱n rihaan chumii̱ nihánj, ne̱ me ndoꞌo rá soꞌ quiꞌya̱j canaán soꞌ saꞌanj, ne̱ cheꞌé dan tihaꞌ yuꞌunj soꞌ man maꞌa̱n soꞌ cheꞌé saꞌanj a. Cheꞌé dan me taj se ꞌyáꞌ canoco̱ꞌ sa̱ꞌ soꞌ nana̱ nariꞌ soꞌ, ne̱ ne nuu sa̱ꞌ nimán soꞌ rihaan Yaꞌanj maꞌ.

San Mateo 19:23

Ga̱a ne̱ caꞌmii Jesús rihaan nij síí tucuꞌyón snana̱ soꞌ, cataj soꞌ a: ―Ya̱ ya̱ cata̱j xnaꞌanj ꞌu̱nj rihaan soj se vaa sayu̱u̱n uxrá vaa caꞌve̱j rá nij ruꞌvee gu̱un chij Yaꞌanj nimán nij soꞌ na̱nj ado̱nj.

San Mateo 3:10

’ꞌO̱ se nichrunꞌ quiꞌya̱j Yaꞌanj sayuun man nij síí naꞌvej rá cuno̱ rihaan soꞌ na̱nj ado̱nj. Ase vaa síí oro̱ꞌ agaꞌ aꞌneꞌ chruun caꞌne̱ꞌ soꞌ chruun roꞌ, da̱nj vaa Yaꞌanj cuano̱ ado̱nj. Cheꞌé dan ase vaa ꞌyaj nii man chruun roꞌ, taꞌngaꞌ da̱nj quiꞌya̱j Yaꞌanj man nij síí ne uno rihaan soꞌ a. Dan me se aꞌneꞌ nii chruun nuviꞌ chruj sa̱ꞌ raa̱, ne̱ araa nii man chruun yoꞌ rihaan yaꞌan a.

San Marcos 4:18

’Ne̱ ase vaa nij ꞌnúú trigó cayuu scaꞌnúj coj tanj roꞌ, da̱nj vaa ꞌó taꞌa̱j nij yuvii̱ uún, ne̱ dan me se uno nij soꞌ snana̱ Yaꞌanj,

San Lucas 10:41

Tza̱j ne̱ cataj Jesús rihaan noꞌ a: ―Nanó ndoꞌo rá so̱ꞌ ne̱ aráya̱ꞌáán so̱ꞌ cheꞌé queꞌe̱e̱ suun, Marta.

San Lucas 21:34

Ne̱ cataj uún Jesús a: ―Dan me se tu̱mé soj man soj se̱ gaa na̱nj ꞌo̱ nano̱ rá nimán soj cheꞌé se cache̱n ndoꞌo cha̱ soj do̱ꞌ, cheꞌé se gu̱un xno̱ soj do̱ꞌ, cheꞌé nu̱ꞌ sayuun ranꞌ soj rihaan chumii̱ nihánj do̱ꞌ maꞌ. Se quiꞌya̱j soj da̱nj, ta̱dó soj se̱ ta̱j niꞌyo̱n caꞌna̱j, ne̱ se̱ queneꞌen soj caꞌna̱j a.

San Juan 15:2

Ne̱ a̱ me maꞌa̱n ꞌo̱ raꞌa chruun yoꞌ ne rii chruj uvá, ne̱ aꞌnéj soꞌ man raꞌa yoꞌ na̱nj ado̱nj. Tza̱j ne̱ raꞌa chruun ma̱n chruj uvá raa̱ me se veꞌé aꞌneꞌ soꞌ man yoꞌ, ga̱a ne̱ cuma̱n doj chruj uvá raa̱ yoꞌ na̱nj ado̱nj.

Romanos 12:2

Se̱ quiꞌyaj soj nda̱a vaa tucuáán noco̱ꞌ nij yuvii̱ ma̱n chumii̱ nihánj maꞌ. Tana̱nj caꞌve̱j rá soj cunu̱u sa̱ꞌ nimán soj quiꞌya̱j Yaꞌanj, ne̱ xca̱j naca̱ soj cuentá da̱j quiꞌya̱j soj ga̱a yáán soj rihaan chumii̱ nihánj, ga̱a ne̱ nari̱ꞌ soj da̱j me rá Yaꞌanj quiꞌya̱j soj, ne̱ xca̱j soj cuentá me se me se sa̱ꞌ niꞌya̱j Yaꞌanj á. Dan me se xca̱j soj cuentá me suun sa̱ꞌ me rá Yaꞌanj quiꞌya̱j soj ado̱nj.

Efesios 2:2

Dan me se quiꞌyaj soj nda̱a vaa ꞌyaj yuvii̱ ma̱n rihaan chumii̱ nihánj a. Ne̱ quiꞌyaj soj nu̱ꞌ rasu̱u̱n chiꞌi̱i̱ rasu̱u̱n niha̱ꞌ rá Síí Chre̱e síí rii taꞌngaꞌ rihaan chumii̱ nihánj cuano̱ síí chéé uun chij rque nana̱, ne̱ soꞌ me síí rii taꞌngaꞌ rihaan nimán nij yuvii̱ naꞌvej rá cuno̱ rihaan Yaꞌanj a.

Efesios 6:12

Da̱nj quiꞌya̱j níꞌ cheꞌé se nij síí unuꞌ ga̱ níꞌ me nij nana̱ chre̱e uun chij rihaan chumii̱ nihánj do̱ꞌ, nij nana̱ chre̱e nica̱j suun do̱ꞌ, nij nana̱ chre̱e rii taꞌngaꞌ rihaan rej rmi̱ꞌ ma̱n rihaan chumii̱ nihánj do̱ꞌ, nij xꞌneꞌ ri̱i̱ nana̱ chre̱e chéé rej xta̱ꞌ do̱ꞌ ado̱nj.

Filipenses 4:6

Se̱ nanó rá soj cheꞌé a̱ ꞌó rasu̱u̱n maꞌ. Tana̱nj cachi̱nj niꞌya̱j soj rihaan Yaꞌanj, ne̱ me maꞌa̱n rasu̱u̱n achiin man soj, ne̱ cachi̱nj soj rihaan Yaꞌanj, ne̱ cata̱j soj guun niꞌya̱j níꞌ rihaan Yaꞌanj á.

1 Timoteo 6:17

Narque̱ so̱ꞌ chrej nucua̱j man nij síí ruꞌvee ya̱nj rihaan chumii̱ nihánj cuano̱ se vaa se̱ guun cata̱j nij soꞌ se vaa si̱j sa̱ꞌ uxrá me nij soꞌ cheꞌé se vaa saꞌanj rihaan nij soꞌ maꞌ. Se̱ gaa nucua̱j rá nij soꞌ man siꞌyaj nij soꞌ maꞌ. Xraj, ne̱ caꞌa̱nj niꞌya̱ se‑saꞌa̱nj nij soꞌ a. Cheꞌé dan ꞌo̱ ga̱a̱ nucua̱j rá nij ruꞌvee man Yaꞌanj, ne̱ Yaꞌanj me síí rqué cunuda̱nj se sa̱ꞌ rihaan níꞌ, cheꞌé rej gu̱un niha̱ꞌ rá níꞌ quiꞌya̱j rasu̱u̱n yoꞌ a.

2 Timoteo 4:10

ꞌO̱ se tanáj síí cuꞌna̱j Demas manj, cheꞌé se caranꞌ doj rá soꞌ niꞌya̱j soꞌ rasu̱u̱n ma̱n rihaan chumii̱ nihánj, ne̱ caꞌanj soꞌ chumanꞌ Tesalónica na̱nj ado̱nj. Síí cuꞌna̱j Crescente caꞌanj estadó Galacia, ne̱ síí cuꞌna̱j Titó caꞌanj estadó Dalmacia ado̱nj.

2 Pedro 1:8

Dan me se sese doj a̱ doj a̱ nari̱ꞌ soj quiꞌya̱j soj nu̱ꞌ da̱nj da̱j a̱ güii, ga̱a ne̱ se̱ caꞌvee gu̱un soj síí niꞌyo̱n síí ne neꞌen quiꞌya̱j se‑su̱u̱n Yaꞌanj a̱ maꞌ. Tana̱nj sa̱ꞌ uxrá doj queneꞌe̱n soj man Jesucristó Si̱j ꞌNi̱j Raꞌa man níꞌ ado̱nj.

Judas 1:12

Ga̱a nuu chre̱ꞌ soj chá soj, ne̱ ne chuꞌviꞌ nij síí narqué tucuáán ne̱ yoꞌ quiꞌya̱j nij soꞌ se nij, ne̱ cheꞌé dan ase vaa luj chiꞌi̱i̱ roꞌ, da̱nj vaa nij soꞌ rihaan soj ado̱nj. Síí taj yaꞌanj man maꞌa̱n me nij síí narqué tucuáán ne̱ yoꞌ, ne̱ ne racuíj nij soꞌ man tuviꞌ nij soꞌ maꞌ. Ase vaa ngaa no̱ rmaꞌa̱n xta̱ꞌ ne̱ ne amanꞌ ꞌyaj roꞌ, vaa nij soꞌ, ne̱ va̱j nij soꞌ rej rque̱ do̱ꞌ, rej xra̱j do̱ꞌ, ꞌyaj nana̱ ado̱nj. Ne̱ ase vaa chruun taj va̱j chruj cavii raa̱ ga̱a síj tiempó cavi̱i̱ chruj raa̱ roꞌ, vaa nij soꞌ, ne̱ chruun naco̱o̱ me nij soꞌ, ne̱ chruun quiriháj nii quiriꞌíj nii rihaan yoꞌóó me uún nij soꞌ ado̱nj.