San Marcos 4:14 - Triqui de San Juan Copala

¹⁴ ’Dan me se síí tixꞌnuu̱ ꞌnúú trigó roꞌ, soꞌ me síí nataꞌ snana̱ Yaꞌanj ado̱nj.

San Marcos 4:14 ပူးပေါင်းရင်းမြစ်များ

San Mateo 13:19

Cunuda̱nj yuvii̱ uno nana̱ cheꞌé da̱j vaa uun chij Yaꞌanj roꞌ, sese ne acaj sa̱ꞌ nij soꞌ cuentá, ne̱ ꞌnaꞌ Síí Chre̱e, ne̱ aꞌnéj Síí Chre̱e nana̱ yoꞌ nimán yuvii̱ yoꞌ a. Dan me se ase vaa ꞌnúú trigó cayuu rá chrej chéé yuvii̱ vaa yuvii̱ yoꞌ a.

San Mateo 13:3

Ne̱ nanó ndoꞌo Jesús cuentó rihaan nij yuvii̱, cataj soꞌ a: ―Ni̱ꞌyaj soj á. Curiha̱nj ꞌo̱ síí me rá ti̱xꞌnuu̱ ꞌnúú trigó,

San Mateo 13:37

Ga̱a ne̱ cataj xnaꞌanj Jesús rihaan nij soꞌ, cataj soꞌ a: ―Síí tixꞌnuu̱ ꞌnúú trigó sa̱ꞌ rihaan yoꞌóó roꞌ, ase vaa ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ vaa soꞌ,

San Marcos 2:2

Ga̱a ne̱ cunuu chre̱ꞌ queꞌe̱e̱ ndoꞌo nij yuvii̱ rque veꞌ yoꞌ, ne̱ nda̱a xraan maꞌa̱n mán nij yuvii̱, ne̱ nda̱a rihaan taꞌyaa veꞌ yoꞌ taj rej quisi̱j doj cuma̱n nij yuvii̱ a. Ne̱ nataꞌ Jesús snana̱ Yaꞌanj rihaan nij yuvii̱ a.

San Marcos 4:13

Ga̱a ne̱ cataj uún Jesús rihaan nij soꞌ a: ―Ne neꞌen soj me se me raj cata̱a cuentó nihánj naꞌ. Asa̱ꞌ caꞌve̱e xca̱j soj cuentá cheꞌé ꞌó nij cuentó, rá soj ga̱.

San Marcos 4:15

Ne̱ ase vaa ꞌnúú cayuu rá chrej quiꞌyaj síí tixꞌnuu̱ ꞌnúú roꞌ, da̱nj vaa taꞌa̱j nij síí uno snana̱ Yaꞌanj a. Uno nij soꞌ do̱j tzínꞌ, ne̱ nu̱ꞌ ꞌnaꞌ Síí Chre̱e, ne̱ aꞌnéj Síí Chre̱e snana̱ Yaꞌanj nana̱ catúj nimán nij soꞌ a.

San Marcos 4:3

―Cuno̱ soj caꞌmi̱j á: Dan me se curiha̱nj ꞌo̱ síí me rá ti̱xꞌnuu̱ ꞌnúú trigó,

San Lucas 1:2

Dan me se cachrón nij soꞌ nana̱ cataj xnaꞌanj nij síí queneꞌen cunuda̱nj se vaa guun asi̱j guun cheꞌe̱ Jesús cayáán soꞌ rihaan chumii̱ nihánj, ne̱ nij síí queneꞌen roꞌ, me síí ata̱ suun nata̱ꞌ nana̱ yoꞌ rihaan nu̱ꞌ yuvii̱ a.

San Lucas 8:11

Canica̱j Jesús, cataj soꞌ a: ―Nihánj me cata̱j xnaꞌanj ꞌu̱nj cheꞌé se‑cuento̱ ꞌnúú trigó, ne̱ ase vaa ꞌnúú trigó yoꞌ roꞌ, da̱nj vaa snana̱ Yaꞌanj ado̱nj.

Hechos 8:4

Dan me se nij síí chaꞌnuu̱ me se chéé ndoꞌo nij soꞌ nataꞌ nij soꞌ nana̱ sa̱ꞌ cheꞌé Jesús rihaan yuvii̱ a.