San Marcos 4:11 - Triqui de San Juan Copala

¹¹ Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaán ꞌu̱nj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Tza̱j ne̱ rihaan ꞌó nij yuvii̱ me se ina̱nj cuentó cheꞌé nij rasu̱u̱n nanoj,

San Marcos 4:11 ပူးပေါင်းရင်းမြစ်များ

San Mateo 11:25

Dan me se güii yoꞌ cachíín niꞌya̱j Jesús rihaan Yaꞌanj, cataj soꞌ a: ―Síí ꞌNi̱j Raꞌa xta̱ꞌ do̱ꞌ, Síí ꞌNi̱j Raꞌa chumii̱ do̱ꞌ, mé so̱ꞌ, Ata̱j. Ne̱ sa̱ꞌ uxrá quiꞌyáá so̱ꞌ caráán so̱ꞌ rihaan nij síí avii raa̱ do̱ꞌ, rihaan nij síí acaj cuentá do̱ꞌ, se vaa se̱ cuno nij soꞌ snana̱j maꞌ. Ma̱an nij síí vaa nica̱ꞌ nimán roꞌ, veꞌé cuno nij soꞌ, quiꞌyáá so̱ꞌ ado̱nj.

San Mateo 13:16

’Tza̱j ne̱ quiꞌyaj Yaꞌanj se lu̱j ga̱ soj cheꞌé se a̱j queneꞌen soj se vaa ꞌyáj, ne̱ a̱j cuno soj nana̱ aꞌmij ado̱nj.

San Mateo 16:17

Ga̱a ne̱ cataj Jesús rihaan Pedró a: ―Quiꞌyaj uxrá Yaꞌanj se lu̱j cheꞌé so̱ꞌ, Simón taꞌni̱j síí cuꞌna̱j Jonás ado̱nj. ꞌO̱ se né na̱na̱ cataj xnaꞌanj yuvii̱ rihaan so̱ꞌ me nana̱ caꞌmii so̱ꞌ cuano̱ maꞌ. ꞌO̱ se Réé ꞌu̱nj síí nicu̱nꞌ xta̱ꞌ me síí racuíj mán so̱ꞌ naríꞌ so̱ꞌ nana̱ yoꞌ na̱nj ado̱nj.

San Marcos 3:23

Ga̱a ne̱ canacúún Jesús man nij síí naquiꞌyaj cu̱u stucua̱nj Moisés, ne̱ nanó soꞌ do̱j cuentó rihaan nij soꞌ a: ―Asa̱ꞌ caꞌve̱e quiri̱i̱ Síí Chre̱e man maꞌa̱n tuviꞌ soꞌ nana̱ chre̱e nimán nij yuvii̱, rá nij soj ga̱.

San Marcos 4:10

Ga̱a ne̱ ga̱a quináj maꞌa̱n soꞌ ga̱ nij síí chéé ga̱ soꞌ do̱ꞌ, chuvi̱j nij síí cuneꞌ soꞌ caꞌa̱nj nata̱ꞌ snana̱ soꞌ do̱ꞌ, xnáꞌanj nij soꞌ man soꞌ cheꞌé nij cuentó nanó soꞌ rihaan nij yuvii̱ a.

San Marcos 4:2

Ga̱a ne̱ tucuꞌyón soꞌ stucua̱nj soꞌ man nij yuvii̱, nanó ndoꞌo soꞌ cuentó rihaan nij soꞌ, ne̱ dan me se cataj soꞌ rihaan nij soꞌ a:

San Lucas 8:10

Ga̱a ne̱ cataj Jesús rihaan nij soꞌ a: ―Xa̱ꞌ soj, tza̱j ne̱ tihaa̱n Yaꞌanj nana̱ sa̱ꞌ yuve̱ rihaan soj cheꞌé da̱j vaa uun chij Yaꞌanj ado̱nj. Tza̱j ne̱ rihaan ꞌó nij yuvii̱ me se ina̱nj cuentó cheꞌé nij rasu̱u̱n nanó ꞌu̱nj rihaan nij soꞌ, ga̱a ne̱: Ni̱ꞌyaj nij soꞌ, tza̱j ne̱ se̱ queneꞌen nij soꞌ maꞌ. Ne̱ atúj nana̱ xréé nij soꞌ, tza̱j ne̱ se̱ xcaj nij soꞌ cuentá a̱ maan ado̱nj ―taj Jesús rihaan nij síí tucuꞌyón snana̱ soꞌ a.

1 Corintios 4:7

Sa̱ꞌ doj vaa so̱ꞌ rihaan ꞌó yuvii̱, rá so̱ꞌ naꞌ. Me síí cataj rihaan so̱ꞌ se vaa sa̱ꞌ doj vaa so̱ꞌ ga̱. Sese vaa ꞌo̱ suun aꞌvee sa̱ꞌ ꞌyáá so̱ꞌ, ne̱ me síí racuíj mán so̱ꞌ ꞌyáá so̱ꞌ, rá so̱ꞌ ga̱. Ma̱ꞌán so̱ꞌ ꞌyaj naꞌ. Ase Yaꞌanj racuíj mán so̱ꞌ xa̱ꞌ. Sese Yaꞌanj me síí racuíj mán so̱ꞌ sa̱ꞌ ꞌyáá so̱ꞌ ꞌo̱ suun, ne̱ taj cheꞌé gu̱un xta̱ꞌ nimán so̱ꞌ cata̱j so̱ꞌ se vaa ma̱ꞌán so̱ꞌ ꞌyaj sa̱ꞌ suun yoꞌ maꞌ.

2 Corintios 4:6

ꞌO̱ se Yaꞌanj me síí cataj se vaa chugu̱u̱n rihaan chumii̱, ne̱ da̱nj caꞌmii Yaꞌanj ga̱a naá uxrá ga̱a vaa rmi̱ꞌ rihaan chumii̱ nihánj, ga̱a ne̱ cuchuguu̱n rihaan chumii̱ nihánj, ne̱ ya̱j me se chuguu̱n nimán núj, quiꞌyaj uún Yaꞌanj á. Cheꞌé dan me guun nucua̱j núj cataj xnaꞌanj núj rihaan yuvii̱ se vaa niꞌndaj ya̱ sa̱ꞌ veꞌé vaa Yaꞌanj, ne̱ sese cuno̱ nij yuvii̱ snana̱ Cristó, ne̱ xca̱j nij soꞌ cuentá se vaa sa̱ꞌ uxrá quiꞌyaj Yaꞌanj ado̱nj.

Efesios 1:9

ꞌO̱ se soꞌ me síí quiꞌyaj xcaj níꞌ cuentá cheꞌé nana̱ sa̱ꞌ yuve̱ aꞌmii cheꞌé da̱j me rá maꞌa̱n soꞌ quiꞌya̱j soꞌ cheꞌé níꞌ si̱j noco̱ꞌ man Cristó

Colosenses 4:5

Asa̱ꞌ chéé soj ga̱ nij síí ataa cuchuma̱n rá ni̱ꞌyaj man Cristó, ne̱ sa̱ꞌ nuchru̱j ra̱a̱ soj da̱j caꞌmi̱i̱ soj ga̱ nij soꞌ, ne̱ se̱ quiriꞌ u̱u̱n tiempó quiꞌya̱j soj ga̱ nij soꞌ maꞌ.

1 Tesalonicenses 4:12

Sese da̱nj quiꞌya̱j soj, ne̱ nij síí ne nocoꞌ man Cristó roꞌ, cata̱j nij soꞌ se vaa veꞌé ꞌyaj soj, ne̱ se̱ cachiin a̱ doj rasu̱u̱n man soj maꞌ.

1 Timoteo 3:7

Veé ꞌo̱ síí veꞌé aꞌmii yuvii̱ ne nocoꞌ man Cristó cheꞌé gu̱un soꞌ, se̱ gaa na̱nj quiꞌya̱j soꞌ cacunꞌ ne̱ quiri̱ꞌ snana̱ soꞌ do̱ꞌ, se̱ gaa na̱nj catu̱u̱ soꞌ raꞌngaꞌ uchruj Síí Chre̱e do̱ꞌ ado̱nj.

1 Juan 5:20

Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.