San Marcos 4:1 - Triqui de San Juan Copala

¹ Ga̱a ne̱ caꞌanj Jesús tuꞌva na laguaná, ne̱ guun cheꞌe̱ soꞌ tucuꞌyón soꞌ snana̱ soꞌ rihaan yuvii̱ a. Ne̱ dan me se caꞌnaꞌ ri̱i̱ ndoꞌo yuvii̱ rihaan soꞌ, ne̱ cheꞌé dan cavii soꞌ rque ꞌo̱ rihoo chéé rihaan na, ne̱ caꞌanj ca̱yáán soꞌ rque rihoo yoꞌ, ne̱ canicunꞌ nij yuvii̱ rihaan yoꞌóó tuꞌva na laguaná yoꞌ a.

San Marcos 4:1 ပူးပေါင်းရင်းမြစ်များ

San Marcos 2:13

Ga̱a ne̱ curiha̱nj uún Jesús, caꞌanj soꞌ tuꞌva na laguaná, ga̱a ne̱ caꞌnaꞌ ri̱i̱ uxrá nij yuvii̱ rej va̱j soꞌ, ga̱a ne̱ tucuꞌyón soꞌ man nij yuvii̱ a.

San Marcos 3:7

Ga̱a ne̱ cavii Jesús ga̱ nij síí tucuꞌyón snana̱ soꞌ rej yoꞌ, ne̱ caꞌanj soꞌ tuꞌva na laguaná a. Ne̱ canocoꞌ ri̱i̱ uxrá yuvii̱ man soꞌ a. Dan me se síí ma̱n estadó Galilea do̱ꞌ,

San Marcos 3:9

Ga̱a ne̱ cataj Jesús rihaan nij síí tucuꞌyón snana̱ soꞌ se vaa quiꞌya̱j chuvi̱i nij soꞌ ꞌo̱ rihoo chéé rihaan na catu̱u̱ soꞌ, ga̱a ne̱ se̱ gaa na̱nj curuꞌma̱an nij yuvii̱ man soꞌ, taj soꞌ a.

San Marcos 4:36

Ga̱a ne̱ nij síí tucuꞌyón snana̱ Jesús me se caꞌanj rihoo nu̱u̱ nij soꞌ ga̱ Jesús, quiꞌyaj nij soꞌ, ne̱ quináj nij yuvii̱ ri̱i̱ tuꞌva na laguaná, ne̱ vaa doj nij rihoo va̱j ga̱ nij soꞌ a.

San Marcos 5:2

Dan me se nanij Jesús ga̱ nij síí tucuꞌyón snana̱ soꞌ rque rihoo, ne̱ nu̱ꞌ curiha̱nj ꞌo̱ snóꞌo nu̱u̱ nana̱ chre̱e nimán rque yuꞌuj yuvej rej achinꞌ nii xnangá ta̱j rej yoꞌ, ne̱ cuchiꞌ soꞌ rihaan Jesús a.

San Marcos 5:21

Dan me se nu̱u̱ Jesús rque rihoo chéé rihaan na, ne̱ caꞌanj uún soꞌ nda̱a níchrej tuꞌva na laguaná, ga̱a ne̱ cunuu chre̱ꞌ ri̱i̱ uxrá yuvii̱ rihaan soꞌ, ne̱ va̱j soꞌ tuꞌva na laguaná a.