San Marcos 3:33 - Triqui de San Juan Copala

³³ Ga̱a ne̱ cataj Jesús rihaan nij soꞌ a: ―Me chana̱ me nií ꞌu̱nj, rá soj ga̱. Me síí me tinúú ꞌu̱nj, rá soj ga̱ ―taj Jesús a.

San Marcos 3:33 ပူးပေါင်းရင်းမြစ်များ

San Marcos 3:21

Ga̱a ne̱ cuchiꞌ nana̱ rihaan nij tuviꞌ Jesús da̱j ranꞌ soꞌ ꞌyaj nij yuvii̱, ne̱ cheꞌé dan caꞌanj nij tuviꞌ Jesús ta̱ꞌaa nij soꞌ man Jesús, cheꞌé se cataj nij soꞌ se vaa snúú Jesús a.

San Marcos 3:32

Ne̱ ya̱nj ndoꞌo yuvii̱ nu̱ꞌ anica̱j xꞌnúú Jesús, ne̱ cataj nii rihaan Jesús a: ―Nicu̱nꞌ nií so̱ꞌ ga̱ nij tinúú so̱ꞌ xeꞌ, ne̱ me rá nij soꞌ queneꞌe̱n nij soꞌ mán so̱ꞌ á.

San Marcos 3:34

Ga̱a ne̱ niꞌya̱j Jesús man nij síí ya̱nj nu̱ꞌ anica̱j xꞌnúú soꞌ, ne̱ cataj soꞌ a: ―Ni̱ꞌyaj soj á. Ase vaa nií ꞌu̱nj do̱ꞌ, ase vaa tinúú ꞌu̱nj do̱ꞌ, vaa nij síí nihánj ado̱nj.

San Marcos 6:3

Né si̱j acój chruun me soꞌ naꞌ. Ne̱ taꞌníí Mariá me soꞌ á. Ne̱ tinúú síí cuꞌna̱j Jacobo do̱ꞌ, José do̱ꞌ, Judas do̱ꞌ, Simón do̱ꞌ, me soꞌ á. Ne̱ nij raꞌvij soꞌ me chana̱ ya̱nj chiháán níꞌ á ―taj nij síí ma̱n chiháán Jesús rihaan tuviꞌ nij soꞌ, ne̱ guun naco̱o̱ rá nij soꞌ niꞌya̱j nij soꞌ man Jesús a.

San Lucas 2:49

Tza̱j ne̱ cataj Jesús rihaan ro̱j soꞌ a: ―Taj cheꞌé nano̱ꞌ ro̱j so̱j manj maꞌ. Me cheꞌé ne neꞌen ro̱j so̱j se vaa no̱ xcúún ꞌu̱nj qui̱ꞌyáj se‑su̱u̱n Réj ga̱ ―taj xnii rihaan ro̱j ni̱ca̱ ro̱j soꞌ a.

San Juan 2:4

Ga̱a ne̱ cataj Jesús rihaan nii soꞌ a: ―Taj cheꞌé caꞌmi̱i̱ so̱ꞌ da̱nj rihanj maꞌ. Ni̱ꞌyaj so̱ꞌ, ne̱ ataa quisi̱j güii qui̱ꞌyáj suun sa̱ꞌ noco̱o á ―taj soꞌ rihaan nii soꞌ a.

2 Corintios 5:16

Cheꞌé dan me caꞌneꞌ rá núj ga̱ suun acaj cuentá nda̱a vaa ruviꞌ yuvii̱ niꞌya̱j tuviꞌ yuvii̱ a. Asi̱j rque̱ me se na̱nj yuvii̱ me Cristó rá núj, ne̱ ina̱nj xcaj núj cuentá nda̱a vaa ruviꞌ soꞌ, tza̱j ne̱ ya̱j me se ne ꞌyaj núj da̱nj a̱ maꞌ.