San Marcos 3:27 - Triqui de San Juan Copala

²⁷ ’Sese me rá ꞌo̱ soꞌ catu̱u̱ soꞌ rá veꞌ tucuá síí nucua̱j quiꞌya̱j itu̱u̱ soꞌ siꞌyaj síí nucua̱j yoꞌ, ne̱ asino nu̱míj soꞌ man síí nucua̱j yoꞌ, ga̱a ne̱ ca̱nica̱j soꞌ catzi̱j soꞌ tucuá síí nucua̱j yoꞌ ado̱nj.

San Marcos 3:27 ပူးပေါင်းရင်းမြစ်များ

San Mateo 12:29

’Ne̱ sese me rá ꞌo̱ soꞌ catu̱u̱ soꞌ rá veꞌ tucuá síí nucua̱j quiꞌya̱j itu̱u̱ soꞌ siꞌyaj síí nucua̱j yoꞌ, ne̱ asino nu̱míj soꞌ man síí nucua̱j yoꞌ, ga̱a ne̱ ca̱nica̱j soꞌ catzi̱j soꞌ tucuá síí nucua̱j yoꞌ ado̱nj.

San Juan 12:31

Cheꞌé se vaa qui̱ranj cuano̱ caꞌne̱ꞌ Yaꞌanj cacunꞌ cheꞌé nij yuvii̱ ma̱n rihaan chumii̱ nihánj, ne̱ quiri̱i̱ yaníj Yaꞌanj man Síí Chre̱e síí uun chij rihaan chumii̱ nihánj chugua̱nj.

Romanos 16:20

Raꞌya̱nj quiꞌya̱j canaán soj rihaan Síí Chre̱e, quiꞌya̱j Yaꞌanj, si̱j ꞌyaj vaa xe̱j nimán níꞌ, ne̱ me raj quiꞌya̱j Jesús Si̱j ꞌNi̱j Raꞌa man níꞌ se lu̱j cheꞌé soj na̱nj ado̱nj.

Colosenses 2:15

Dan me se cheꞌé se caviꞌ Cristó rihaan rcutze̱ roꞌ, cheꞌé dan quiꞌyaj canaán Yaꞌanj man da̱j a̱ nij nana̱ chre̱e uun chij do̱ꞌ, da̱j a̱ nij nana̱ chre̱e nica̱j suun do̱ꞌ, ne̱ caxríj naꞌa̱j ranga̱ꞌ Yaꞌanj man nij soꞌ a.

Hebreos 2:14

Dan me se cheꞌé se vaa nee̱ vaa ton man níꞌ si̱j taꞌníí Yaꞌanj roꞌ, cheꞌé dan ase vaa maꞌa̱n níꞌ roꞌ, da̱nj gaa gue̱e̱ Jesús, ne̱ caꞌnaꞌ soꞌ, ne̱ caviꞌ soꞌ a. Ne̱ ga̱a caviꞌ soꞌ me se quiꞌyaj canaán soꞌ rihaan síí ꞌyaj aviꞌ níꞌ a. Dan me se Síí Chre̱e me síí ꞌyaj aviꞌ níꞌ, ne̱ Jesús me síí caꞌvee quiꞌyaj canaán cheꞌé yan tiri̱ꞌ soꞌ man Síí Chre̱e ado̱nj.

1 Juan 3:8

Ne̱ síí ꞌyaj cacunꞌ me se síí noco̱ꞌ stucua̱nj Síí Chre̱e me soꞌ na̱nj ado̱nj. ꞌO̱ se asi̱j guun cheꞌe̱ Yaꞌanj quiꞌyaj Yaꞌanj chumii̱ nihánj, ne̱ si̱j ꞌyaj ina̱nj cacunꞌ me Síí Chre̱e na̱nj ado̱nj. Ne̱ caꞌnaꞌ Taꞌníí Yaꞌanj rihaan chumii̱ nihánj, cheꞌé rej caꞌve̱e tiri̱ꞌ soꞌ nu̱ꞌ se vaa ꞌyaj Síí Chre̱e yoꞌ ado̱nj.

1 Juan 4:4

Tza̱j ne̱ ya̱j nihánj me se síí ya̱ noco̱ꞌ man Yaꞌanj me nij soj, tinu̱j, nocoj. Ne̱ a̱j quiꞌyaj canaán soj rihaan nij síí ne̱ cuano̱ ado̱nj. ꞌO̱ se nu̱u̱ Nimán Yaꞌanj nimán soj, ne̱ nucua̱j doj Nimán Yaꞌanj rihaan Síí Chre̱e va̱j rihaan chumii̱ nihánj chugua̱nj.