San Marcos 3:19 - Triqui de San Juan Copala

¹⁹ Ne̱ cuneꞌ Jesús man Judas Iscariote si̱j tacuachén man Jesús rihaan nij síí ta̱j riꞌyunj man Jesús a. Ga̱a ne̱ catúj Jesús rá veꞌ aranꞌ soꞌ a.

San Marcos 3:19 ပူးပေါင်းရင်းမြစ်များ

San Mateo 10:4

Ne̱ ꞌó soꞌ me síí cuꞌna̱j Simón uún, ne̱ soꞌ me tuviꞌ nij síí me rá nani̱i̱ raꞌa gobiernó ma̱n Romá a. Ne̱ ꞌó soꞌ me síí cuꞌna̱j Judas Iscariote, ne̱ soꞌ me síí tacuachén man Jesús rihaan nij síí ta̱j riꞌyunj man Jesús a.

San Mateo 26:47

Dan me se nicu̱nꞌ Jesús caꞌmii soꞌ, ne̱ nu̱ꞌ caꞌnaꞌ síí cuꞌna̱j Judas ꞌo̱ chuvi̱j nij síí tucuꞌyón snana̱ Jesús, ne̱ caꞌnaꞌ uxrá yuvii̱ ga̱ soꞌ, ne̱ nica̱j nij yuvii̱ neê espadá do̱ꞌ, chruun do̱ꞌ a. Dan me se yuvii̱ caꞌnéé nij xrej ata̱ suun noco̱o do̱ꞌ, nij síí uun chij rihaan nij yuvii̱ israelitá do̱ꞌ, me nij soꞌ a.

San Marcos 3:18

Ne̱ cuneꞌ soꞌ man Andrés do̱ꞌ, Felipé do̱ꞌ, Bartolomé do̱ꞌ, Mateo do̱ꞌ, Tomás do̱ꞌ, Jacobo taꞌníí síí cuꞌna̱j Alfeo do̱ꞌ, Tadeo do̱ꞌ a. Ne̱ cuneꞌ soꞌ man ꞌó síí cuꞌna̱j Simón, ne̱ tuviꞌ nij síí me rá cunu̱ꞌ ga̱ gobiernó ma̱n Romá me soꞌ a.

San Marcos 3:20

Ne̱ cunuu chre̱ꞌ ndoꞌo uún nij yuvii̱ rihaan soꞌ, ne̱ nda̱a ne ga̱a̱ yaꞌnúj rihaan Jesús ga̱ nij síí tucuꞌyón snana̱ soꞌ cha̱ nij soꞌ a.

San Marcos 9:33

Ga̱a ne̱ catúj Jesús ga̱ nij síí tucuꞌyón snana̱ soꞌ chumanꞌ Capernaum a. Dan me se ga̱a mán nij soꞌ rá veꞌ, ne̱ xnáꞌanj Jesús man nij síí tucuꞌyón snana̱ soꞌ a: ―Me se cheꞌe̱ me caꞌmii canó tuviꞌ nij soj ga̱a va̱j níꞌ chrej ga̱ ―taj Jesús a.

San Juan 13:2

Dan me se quisíj orá chá xtiꞌno̱ nij soꞌ, ne̱ a̱j guun rá síí cuꞌna̱j Judas Iscariote taꞌníí Simón ta̱cuachén soꞌ man Jesús rihaan nij síí ta̱j riꞌyunj man Jesús, quiꞌyaj Síí Chre̱e a.

San Juan 6:64

Tza̱j ne̱ taꞌa̱j soj me síí ne amán rá uno snana̱j a̱ maan ado̱nj ―taj Jesús rihaan nij síí tucuꞌyón snana̱ soꞌ a. ꞌO̱ se asi̱j guun cheꞌe̱ Jesús tucuꞌyón soꞌ snana̱ soꞌ man yuvii̱, ne̱ a̱j neꞌen soꞌ me síí ne amán rá niꞌya̱j man soꞌ, ne̱ a̱j neꞌen soꞌ me síí me síí ta̱cuachén man soꞌ rihaan nij síí ta̱j riꞌyunj man soꞌ ado̱nj.

San Juan 6:71

Nana̱ yoꞌ caꞌmii Jesús niꞌya̱j Jesús man síí cuꞌna̱j Judas Iscariote taꞌníí síí cuꞌna̱j Simón a. ꞌO̱ se Judas yoꞌ, nda̱ꞌ se ꞌo̱ nij chuvi̱j nij síí tucuꞌyón snana̱ Jesús me soꞌ, tza̱j ne̱ soꞌ me síí ta̱cuachén man Jesús rihaan nij síí ta̱j riꞌyunj man Jesús a.