San Marcos 2:7 - Triqui de San Juan Copala

⁷ “Me cheꞌé aꞌmii síí nihánj da̱nj ga̱. ꞌO̱ se aꞌmii soꞌ nana̱ qui̱j cheꞌé Yaꞌanj asânj. O̱rúnꞌ Yaꞌanj gu̱un nucua̱j tinavi̱j cacunꞌ xráá yuvii̱ na̱nj á”, da̱nj guun nimán nij soꞌ a.

San Marcos 2:7 ပူးပေါင်းရင်းမြစ်များ

San Mateo 26:65

Ga̱a ne̱ caꞌmaan rá xrej yoꞌ, ne̱ cutzinꞌ xrej yoꞌ saga̱nꞌ maꞌa̱n xrej, ne̱ cataj xrej rihaan tuviꞌ xrej a: ―Ni̱ꞌyaj soj vi̱j. Qui̱j uxrá tuꞌva síí nihánj rihaan Yaꞌanj asânj. Se̱ cachiin doj síí caꞌna̱ꞌ cata̱j xnaꞌanj rihaan níꞌ cheꞌé cacunꞌ tumé síí nihánj a̱ maꞌ. Ma̱an se cuano̱ nihánj me se cuno maꞌa̱n soj nana̱ qui̱j caꞌmii soꞌ se vaa ca̱yáán maꞌa̱n soꞌ rej xꞌnu̱j Yaꞌanj, taj soꞌ ado̱nj.

San Mateo 9:3

Dan me se ya̱nj do̱j síí naquiꞌyaj cu̱u stucua̱nj Moisés rá veꞌ ga̱ Jesús, ne̱ na̱nj nuchruj ra̱a̱ nij soꞌ a: “Qui̱j vaa nana̱ caꞌmii síí nihánj rihaan Yaꞌanj asânj”, guun nimán nij soꞌ a.

San Marcos 14:64

Ne̱ cuno soj nana̱ qui̱j caꞌmii soꞌ se vaa quita̱j maꞌa̱n soꞌ rej xꞌnu̱j Yaꞌanj naꞌ. A̱j cuno soj chugua̱nj. Ne̱ da̱j quiꞌya̱j níꞌ man soꞌ, rá soj ga̱ ―taj xrej a. Ga̱a ne̱ cataj cunuda̱nj nij soꞌ se vaa ya̱ tumé Jesús cacunꞌ, ne̱ no̱ xcúún soꞌ cavi̱ꞌ soꞌ a.

San Marcos 2:6

Ne̱ ya̱nj do̱j síí naquiꞌyaj cu̱u stucua̱nj Moisés rá veꞌ yoꞌ ga̱ Jesús, ne̱ nuchruj ra̱a̱ nij soꞌ, ne̱ na̱nj guun nimán nij soꞌ a:

San Marcos 2:8

Dan me se queneꞌen nimán maꞌa̱n Jesús se vaa guun nimán nij soꞌ da̱nj, ne̱ cheꞌé dan cataj soꞌ a: ―Me cheꞌé nuchruj ra̱a̱ soj nana̱ vaa da̱nj ga̱.

San Lucas 5:21

Ne̱ cuno nij síí fariseo do̱ꞌ, nij síí naquiꞌyaj cu̱u stucua̱nj Moisés do̱ꞌ, nana̱ caꞌmii Jesús, ga̱a ne̱ nuchruj ra̱a̱ nij soꞌ a: “Da̱j si̱j me síí nihánj, ne̱ aꞌmii soꞌ nana̱ qui̱j cheꞌé Yaꞌanj ga̱. O̱rúnꞌ Yaꞌanj uun nucua̱j tinavi̱j cacunꞌ ta̱j xráá yuvii̱ na̱nj á.” Da̱nj guun rá nij soꞌ a.

San Lucas 7:49

Ga̱a ne̱ guun cheꞌe̱ nij síí ma̱n tucuá Simón caꞌmii nij soꞌ ga̱ tuviꞌ nij soꞌ, cataj nij soꞌ a: ―Da̱j si̱j me síí nihánj, ne̱ síj rá soꞌ cata̱j soꞌ se vaa navij cacunꞌ xráá yuvii̱, rá soj ga̱ ―taj nij soꞌ, xnáꞌanj nij soꞌ man tuviꞌ nij soꞌ a.

San Juan 10:33

Ga̱a ne̱ cataj nij síí uun chij rihaan nij yuvii̱ israelitá a: ―Se̱ goꞌ núj yahij mán so̱ꞌ cheꞌé suun sa̱ꞌ noco̱o quiꞌyáá so̱ꞌ a̱ maꞌ. ꞌO̱ se go̱ꞌ núj yahij mán so̱ꞌ cheꞌé se caꞌmii so̱ꞌ nana̱ qui̱j cheꞌé Yaꞌanj ado̱nj. Dan me se na̱nj yuvii̱ u̱u̱n mé so̱ꞌ, ne̱ me cheꞌé cataj so̱ꞌ se vaa Yaꞌanj mé so̱ꞌ ga̱ ―taj nij soꞌ rihaan Jesús a.

San Juan 10:36

Ne̱ veé dan me caꞌneꞌ Yaꞌanj suun gue̱e̱ rihanj, ne̱ caꞌnéé soꞌ manj rihaan chumii̱ nihánj a. Ne̱ ma̱an cheꞌé se cataj ꞌu̱nj se vaa taꞌni̱j Yaꞌanj mej, cheꞌé dan cataj soj se vaa nana̱ qui̱j caꞌmij cheꞌé Yaꞌanj naꞌ.