San Marcos 2:28 - Triqui de San Juan Copala28 Cheꞌé dan me, ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúnj quiri̱i̱ taꞌngaj da̱j quiꞌya̱j yuvii̱ güii naránj rá na̱nj ado̱nj ―taj Jesús a. အခန်းကိုကြည့်ပါ။ |
Ga̱a ne̱ xnáꞌanj Jesús man nij síí fariseo yoꞌ a: ―No̱ xcúún níꞌ ra̱cuíj níꞌ man tuviꞌ níꞌ güii naránj rá níꞌ naꞌ, ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. No̱ xcúún níꞌ ti̱nanii níꞌ man tuviꞌ níꞌ rihaan sayuun güii naránj rá naꞌ, ase ni̱ꞌyaj u̱u̱n níꞌ cavi̱ꞌ soꞌ xa̱ꞌ ―taj Jesús rihaan nij soꞌ a. Tza̱j ne̱ dínj tuꞌva nij soꞌ a.
Cheꞌé dan cataj taꞌa̱j nij síí fariseo a: ―Né si̱j caꞌnéé Yaꞌanj rihaan níꞌ me síí quiꞌyaj naxraꞌ rihaan síí nihánj a̱ maꞌ. ꞌO̱ se ꞌyaj suun soꞌ güii no̱ xcúún níꞌ nara̱a̱n rá níꞌ ado̱nj ―taj taꞌa̱j nij síí fariseo yoꞌ a. Tza̱j ne̱ ꞌó taꞌa̱j nij soꞌ cataj a: ―Tza̱j ne̱ né si̱j tumé cacunꞌ me soꞌ a̱ maꞌ. ꞌO̱ se ꞌo̱ síí tumé cacunꞌ me se daj chiha̱a̱ míj se̱ guun nucua̱j soꞌ quiꞌya̱j soꞌ suun sa̱ꞌ noco̱o nda̱a vaa quiꞌyaj síí nihánj a̱ maan ado̱nj ―taj ꞌó taꞌa̱j nij síí fariseo yoꞌ a. Dan me se cuxraꞌ taꞌa̱j nij síí fariseo man nij soꞌ, ne̱ ino̱ guun rá nij soꞌ ga̱ tuviꞌ nij soꞌ niꞌya̱j nij soꞌ man Jesús a.