San Marcos 2:27 - Triqui de San Juan Copala

²⁷ Ga̱a ne̱ cataj uún soꞌ rihaan nij síí fariseo a: ―Ma̱an cheꞌé rej caꞌve̱e nara̱a̱n rá nij yuvii̱ me cuchruj Yaꞌanj güii naránj rá na̱nj á. Né cheꞌe̱ rej ca̱ta̱ nij yuvii̱ suun navi̱j rá güii naránj rá me quiꞌyaj Yaꞌanj man nij yuvii̱ a̱ maꞌ.

San Marcos 2:27 ပူးပေါင်းရင်းမြစ်များ

San Marcos 2:28

Cheꞌé dan me, ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, no̱ xcúnj quiri̱i̱ taꞌngaj da̱j quiꞌya̱j yuvii̱ güii naránj rá na̱nj ado̱nj ―taj Jesús a.

San Lucas 6:9

Ga̱a ne̱ cataj Jesús rihaan nij síí uun chiꞌi̱i̱ rá a: ―Cuano̱ nihánj me se xna̱ꞌanj ꞌu̱nj man soj cheꞌé güii naránj rá na̱nj á. No̱ xcúún níꞌ ra̱cuíj níꞌ tuviꞌ níꞌ naꞌ. Ase no̱ xcúún níꞌ quiꞌya̱j chiꞌi̱i̱ níꞌ man tuviꞌ níꞌ xa̱ꞌ. Da̱j quiꞌya̱j níꞌ rá soj ga̱. Ne nó xcúún níꞌ ti̱nanii níꞌ man tuviꞌ níꞌ rihaan sayuun ga̱a güii naránj rá ga̱a a̱ naꞌ. Ni̱ꞌyaj u̱u̱n níꞌ cavi̱ꞌ soꞌ ga̱a a̱ naꞌ ―taj Jesús rihaan nij soꞌ a.

San Juan 7:23

Dan me se cheꞌé se me rá soj quiꞌya̱j soj nu̱ꞌ stucua̱nj Moisés, cheꞌé dan aꞌvej rá soj cata̱ꞌ taꞌngaꞌ man snóꞌo güii naránj rá soj ado̱nj. Sese da̱nj vaa, ne̱ me cheꞌé aꞌmaan rá soj niꞌya̱j soj manj cheꞌé se cunuu sa̱ꞌ nu̱ꞌ nee̱ man ꞌo̱ snóꞌo quiꞌyáj güii naránj rá soj ga̱.

2 Corintios 4:15

ꞌO̱ se ina̱nj cheꞌé soj ranꞌ núj nu̱ꞌ se vaa ranꞌ núj, cheꞌé yan ni̱caj queꞌe̱e̱ ndoꞌo soj se lu̱j quiꞌya̱j Yaꞌanj, ga̱a ne̱ gu̱un ri̱i̱ doj níꞌ si̱j cata̱j guun niꞌya̱j níꞌ rihaan Yaꞌanj, ne̱ gu̱un ri̱i̱ doj níꞌ si̱j veꞌé aꞌmii cheꞌé Yaꞌanj ado̱nj.

Colosenses 2:16

Cheꞌé dan se̱ caꞌvej rá soj cata̱j yuvii̱ rihaan soj me rasu̱u̱n se̱ caꞌvee cha̱ soj do̱ꞌ, me rasu̱u̱n se̱ caꞌvee coꞌo̱ soj do̱ꞌ, me güii navi̱j rá soj chaꞌanj cheꞌé Yaꞌanj do̱ꞌ, da̱j quiꞌya̱j soj güii naránj rá soj do̱ꞌ maꞌ.