San Marcos 2:2 - Triqui de San Juan Copala

² Ga̱a ne̱ cunuu chre̱ꞌ queꞌe̱e̱ ndoꞌo nij yuvii̱ rque veꞌ yoꞌ, ne̱ nda̱a xraan maꞌa̱n mán nij yuvii̱, ne̱ nda̱a rihaan taꞌyaa veꞌ yoꞌ taj rej quisi̱j doj cuma̱n nij yuvii̱ a. Ne̱ nataꞌ Jesús snana̱ Yaꞌanj rihaan nij yuvii̱ a.

San Marcos 2:2 ပူးပေါင်းရင်းမြစ်များ

San Mateo 5:2

Ga̱a ne̱ guun cheꞌe̱ Jesús tucuꞌyón Jesús rihaan nij soꞌ, cataj soꞌ a:

San Marcos 1:14

Dan me se ga̱a quisíj caxríj nij tanuu tagaꞌ man síí cuꞌna̱j Juan, ne̱ caꞌanj Jesús estadó cuꞌna̱j Galilea, ne̱ caꞌmii natáj soꞌ snana̱ Yaꞌanj nana̱ sa̱ꞌ,

San Marcos 1:33

Ne̱ dan me se queꞌe̱e̱ ndoꞌo nij yuvii̱ ma̱n chumanꞌ Capernaum yoꞌ nuu chre̱ꞌ rihaan taꞌyaa veꞌ ya̱nj Jesús a.

San Marcos 1:37

ga̱a ne̱ nariꞌ nij soꞌ man soꞌ, ne̱ cataj nij soꞌ rihaan soꞌ a: ―Cunuda̱nj nij yuvii̱ nanoꞌ mán so̱ꞌ á ―taj nij soꞌ a.

San Marcos 1:45

Tza̱j ne̱ curiha̱nj síí nahuun yoꞌ, ne̱ guun cheꞌe̱ soꞌ caꞌmii natáj ndoꞌo soꞌ da̱j guun, ga̱a ne̱ chaꞌnuu̱ ndoꞌo nana̱ se vaa nahuun soꞌ quiꞌyaj Jesús a. Ne̱ dan me se a̱ doj ne caꞌve̱e catu̱u̱ ranga̱ꞌ Jesús rque nij chumanꞌ, quiꞌyaj nij nana̱ yoꞌ, ne̱ ina̱nj rej tacaan va̱j soꞌ, ne̱ canó nij yuvii̱ cuchiꞌ rej va̱j soꞌ a.

San Marcos 2:1

Dan me se cachén do̱j güii, ga̱a ne̱ catúj uún Jesús chumanꞌ Capernaum, ga̱a ne̱ cuchiꞌ nana̱ rihaan nij yuvii̱ se vaa ya̱nj soꞌ rá veꞌ a.

San Marcos 2:13

Ga̱a ne̱ curiha̱nj uún Jesús, caꞌanj soꞌ tuꞌva na laguaná, ga̱a ne̱ caꞌnaꞌ ri̱i̱ uxrá nij yuvii̱ rej va̱j soꞌ, ga̱a ne̱ tucuꞌyón soꞌ man nij yuvii̱ a.

San Marcos 6:34

Ne̱ nanij Jesús rá rihoo, ne̱ queneꞌen soꞌ se vaa a̱j ma̱n ri̱i̱ uxrá yuvii̱, ne̱ cunuu ꞌe̱e̱ rá soꞌ niꞌya̱j soꞌ man nij yuvii̱ a. ꞌO̱ se ase vaa matzinj nuviꞌ síí tumé man vaa nij yuvii̱, niꞌya̱j Jesús, ga̱a ne̱ guun cheꞌe̱ soꞌ tucuꞌyón ndoꞌo soꞌ snana̱ soꞌ man nij yuvii̱ a.

San Lucas 12:1

Dan me se cunuu chre̱ꞌ queꞌe̱e̱ míj yuvii̱ rej va̱j Jesús, ne̱ uxrá chru̱j mán nij soꞌ, ne̱ nda̱a tiguíj tuviꞌ maꞌa̱n nij soꞌ a. Ga̱a ne̱ guun cheꞌe̱ Jesús caꞌmii soꞌ asino ya̱a̱n ga̱ nij síí tucuꞌyón snana̱ soꞌ, cataj soꞌ a: ―Tu̱mé soj man soj se̱ gaa na̱nj quira̱nꞌ soj sayuun, quiꞌya̱j nana̱ nucuiꞌ rá aꞌmii nij síí fariseo á. ꞌO̱ se ase ꞌyaj se cuꞌna̱j levadura se ꞌyaj naraa nana̱ rque rachrúún ꞌyaj snana̱ nij soꞌ ado̱nj.

San Lucas 5:17

ꞌO̱ güii me se ya̱nj Jesús rá ꞌo̱ veꞌ, ne̱ tucuꞌyón soꞌ man yuvii̱, ne̱ ya̱nj do̱j síí fariseo ga̱ síí naquiꞌyaj cu̱u stucua̱nj Moisés rá veꞌ yoꞌ, ne̱ síí cavii chumanꞌ Jerusalén do̱ꞌ, ꞌó nij chumanꞌ na̱j estadó Judea do̱ꞌ, nij chumanꞌ na̱j estadó Galilea do̱ꞌ, me nij soꞌ a. Ne̱ Yaꞌanj Si̱j ꞌNi̱j Raꞌa man níꞌ roꞌ, racuíj ndoꞌo man Jesús, ne̱ nahuun ndoꞌo nij síí ranꞌ, quiꞌyaj Jesús a.

San Lucas 8:1

Dan me se cachén do̱j güii, ga̱a ne̱ caꞌanj Jesús queꞌe̱e̱ chumanꞌ noco̱o do̱ꞌ, chumanꞌ raꞌa̱ do̱ꞌ, caꞌmii natáj soꞌ nana̱ sa̱ꞌ cheꞌé da̱j vaa uun chij Yaꞌanj na̱nj ado̱nj. Caꞌanj chuvi̱j nij síí tucuꞌyón snana̱ soꞌ ga̱ soꞌ,

San Lucas 8:11

Canica̱j Jesús, cataj soꞌ a: ―Nihánj me cata̱j xnaꞌanj ꞌu̱nj cheꞌé se‑cuento̱ ꞌnúú trigó, ne̱ ase vaa ꞌnúú trigó yoꞌ roꞌ, da̱nj vaa snana̱ Yaꞌanj ado̱nj.

Hechos 11:19

Dan me se cheꞌé snana̱ síí cuꞌna̱j Esteban me se quiꞌyaj ndoꞌo nii sayuun man nij síí israelitá noco̱ꞌ man Jesús a. Cheꞌé dan tanáj nij soꞌ chumanꞌ Jerusalén, ne̱ cunánj nij soꞌ caꞌanj nij soꞌ nda̱a estadó cuꞌna̱j Fenicia do̱ꞌ, nda̱a yoꞌóó ta̱j rihaan na yaꞌa̱nj cuꞌna̱j Chipre do̱ꞌ, nda̱a chumanꞌ Antioquía do̱ꞌ a. Tza̱j ne̱ ina̱nj rihaan nij yuvii̱ israelitá nataꞌ nij soꞌ snana̱ Jesús, ne̱ ne nata̱ꞌ nij soꞌ rihaan nij síí yaníj maꞌ.

Hechos 14:25

Ga̱a ne̱ caꞌmii natáj ro̱j soꞌ snana̱ Yaꞌanj rihaan nij síí ma̱n chumanꞌ Perge, ga̱a ne̱ nanij ro̱j soꞌ caꞌanj ro̱j soꞌ chumanꞌ Atalia a.

Hechos 16:6

Dan me se caráán Nimán Yaꞌanj chrej rihaan nij soꞌ nata̱ꞌ nij soꞌ snana̱ Yaꞌanj estadó cuꞌna̱j Asia, ne̱ cheꞌé dan cachén nij soꞌ rej estadó Frigia do̱ꞌ, rej yoꞌóó Galacia do̱ꞌ a.

Hechos 8:25

Dan me se caꞌmii ro̱j soꞌ cheꞌé se vaa quiꞌyaj Jesús queneꞌen ro̱j soꞌ, ne̱ nataꞌ ro̱j soꞌ snana̱ Yaꞌanj Si̱j ꞌNi̱j Raꞌa man níꞌ, ga̱a ne̱ quinanꞌ ro̱j soꞌ chumanꞌ Jerusalén, ne̱ nataꞌ ro̱j soꞌ nana̱ sa̱ꞌ cheꞌé Jesús rque queꞌe̱e̱ chumanꞌ na̱j estadó cuꞌna̱j Samaria a.

Romanos 10:8

Ne̱ cataj uún Moisés se vaa nana̱ achiin mán so̱ꞌ roꞌ, né na̱na̱ caꞌna̱ꞌ rej ga̱nꞌ me nana̱ yoꞌ maꞌ. Tana̱nj nda̱a tuꞌva ma̱ꞌán so̱ꞌ do̱ꞌ, nda̱a nimán ma̱ꞌán so̱ꞌ do̱ꞌ, nuû nana̱ yoꞌ na̱nj ado̱nj, taj Moisés, ne̱ nana̱ yoꞌ me nana̱ aꞌmii yuvii̱ taj yuvii̱ se vaa amán rá yuvii̱ niꞌya̱j yuvii̱ man Cristó, nda̱a vaa aꞌmii natáj núj rihaan yuvii̱ ado̱nj.

2 Timoteo 4:2

se vaa caꞌmi̱i̱ natáj so̱ꞌ nana̱ sa̱ꞌ á. Taj se ꞌyaj sese vaa yaꞌnúj rihaan so̱ꞌ do̱ꞌ, sese ne vaa yaꞌnúj rihaan so̱ꞌ do̱ꞌ, taj se ꞌyaj maꞌ. Ma̱an se caꞌmi̱i̱ natáj yá so̱ꞌ á. Cata̱j xnaꞌanj so̱ꞌ rihaan yuvii̱ cheꞌé cacunꞌ tumé nij yuvii̱, ne̱ cata̱j so̱ꞌ se vaa nij ndoꞌo ꞌyaj nij soꞌ, ne̱ nago̱ꞌ so̱ꞌ chrej nucua̱j man nij soꞌ quiꞌya̱j nij soꞌ ina̱nj se sa̱ꞌ á. Tza̱j ne̱ se̱ gaa raꞌya̱nj rá so̱ꞌ caxri̱i̱ yuva̱a̱ so̱ꞌ man nij yuvii̱ maꞌ. Tana̱nj ꞌo̱ ga̱a̱ ina̱j nimán so̱ꞌ, ne̱ veꞌé tu̱cuꞌyón so̱ꞌ man nij soꞌ á.