San Marcos 2:15 - Triqui de San Juan Copala

¹⁵ Ga̱a chá Jesús tucuá Leví, ne̱ chá queꞌe̱e̱ síí aꞌnéj impuestó do̱ꞌ, síí tumé cacunꞌ do̱ꞌ, ga̱ Jesús ga̱ nij síí tucuꞌyón snana̱ soꞌ a. ꞌO̱ se canocoꞌ queꞌe̱e̱ nij síí vaa da̱nj snana̱ Jesús a.

San Marcos 2:15 ပူးပေါင်းရင်းမြစ်များ

San Mateo 5:46

ꞌO̱ se sese ꞌe̱e̱ rá soj man ina̱nj nij síí ꞌe̱e̱ rá man soj, ga̱a ne̱ me cheꞌé quiꞌya̱j Yaꞌanj se lu̱j ga̱ soj, rá soj ga̱. ꞌO̱ se neꞌen soj se vaa nda̱a nij síí tihaꞌ yuꞌunj man soj cheꞌé impuestó roꞌ, ꞌe̱e̱ rá nij soꞌ man tuviꞌ maꞌa̱n nij soꞌ ado̱nj.

San Marcos 2:14

Veé da̱nj va̱j soꞌ, ne̱ queneꞌen soꞌ man síí cuꞌna̱j Leví taꞌníí síí cuꞌna̱j Alfeo, ne̱ dan me se ya̱nj soꞌ rihaan mesá rej aꞌnéj nii impuestó, ne̱ aꞌnéj soꞌ impuestó man yuvii̱ a. Ga̱a ne̱ cataj Jesús rihaan soꞌ a: ―Ca̱nocóꞌ so̱ꞌ manj, caꞌa̱nj níꞌ á ―taj Jesús a. Ga̱a ne̱ naxuma̱a̱n soꞌ, ne̱ canocoꞌ soꞌ man Jesús, caꞌanj soꞌ a.

San Marcos 2:16

Ga̱a ne̱ queneꞌen nij síí fariseo naquiꞌyaj cu̱u stucua̱nj Moisés se vaa chá Jesús ga̱ nij síí aꞌnéj impuestó do̱ꞌ, ga̱ ꞌó nij síí tumé ndoꞌo cacunꞌ do̱ꞌ, ga̱a ne̱ cataj nij soꞌ rihaan nij síí tucuꞌyón snana̱ Jesús a: ―Me cheꞌé chá síí nihánj ne̱ coꞌo soꞌ ga̱ nij síí aꞌnéj impuestó do̱ꞌ, ga̱ ꞌó nij síí tumé cacunꞌ do̱ꞌ ga̱ ―taj nij soꞌ a.

San Lucas 15:1

Dan me se cuchiꞌ queꞌe̱e̱ síí aꞌnéj impuestó do̱ꞌ, queꞌe̱e̱ síí tumé cacunꞌ do̱ꞌ, rihaan Jesús a. ꞌO̱ se guun rá nij soꞌ cuno̱ nij soꞌ snana̱ soꞌ a.

San Lucas 6:17

Dan me se nanij Jesús ga̱ chuvi̱j nij síí cuneꞌ soꞌ man nda̱a rej vaa ta̱a ne̱ canicunꞌ nij soꞌ, ne̱ noco̱o doj nij síí tucuꞌyón snana̱ soꞌ mán ga̱ soꞌ a. Ne̱ caꞌnaꞌ ri̱i̱ ndoꞌo yuvii̱ cavii chumanꞌ Jerusalén do̱ꞌ, yuvii̱ cavii ꞌó nij chumanꞌ na̱j estadó Judea do̱ꞌ, yuvii̱ cavii rej tuꞌva na yaꞌa̱nj rej na̱j chumanꞌ Tiro ga̱ chumanꞌ Sidón do̱ꞌ a. Ne̱ guun rá nij yuvii̱ cuno̱ nij soꞌ snana̱ Jesús, ne̱ guun rá nij síí ranꞌ nahu̱un nij soꞌ a.