San Marcos 2:10 - Triqui de San Juan Copala

¹⁰ Dan me se me rá ꞌu̱nj xca̱j soj cuentá se vaa no̱ xcúún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ roꞌ, ti̱navíí ꞌu̱nj cacunꞌ xráá nij yuvii̱ ma̱n rihaan chumii̱ nihánj ado̱nj ―taj Jesús rihaan nij soꞌ a. Dan me se cataj Jesús rihaan síí naꞌvee cache̱e̱ a:

San Marcos 2:10 ပူးပေါင်းရင်းမြစ်များ

San Mateo 16:13

Ga̱a ne̱ caꞌanj Jesús rej na̱j chumanꞌ cuꞌna̱j Cesarea de Filipo, ga̱a ne̱ xnáꞌanj soꞌ man nij síí tucuꞌyón snana̱ soꞌ, cataj soꞌ a: ―Da̱j taj nij yuvii̱ cheꞌé ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ga̱. Ne̱ me síí mé ꞌu̱nj, taj nij yuvii̱ ga̱ ―taj Jesús, xnáꞌanj soꞌ man nij soꞌ a.

San Marcos 2:11

―Rihaan so̱ꞌ taj ꞌu̱nj, ne̱ nacue̱ so̱ꞌ tuvéé so̱ꞌ, ne̱ na̱nꞌ so̱ꞌ tucuá so̱ꞌ á ―taj Jesús a.

San Marcos 2:9

Tuꞌva rma̱ꞌán ꞌu̱nj se vaa navij cacunꞌ xráá síí nihánj, rá soj a̱ naꞌ. Caꞌve̱e cata̱j u̱u̱n níꞌ navij cacunꞌ xráá síí nihánj naꞌ. Ase caꞌve̱e doj cata̱j níꞌ na̱xagaa soꞌ, ne̱ nacue̱ soꞌ tuvéé soꞌ, ne̱ cache̱e̱ soꞌ cuaj, cata̱j níꞌ xa̱ꞌ.

Hechos 5:31

Ga̱a ne̱ maꞌa̱n Yaꞌanj quiꞌyaj cavii Jesús xta̱ꞌ, ne̱ nicu̱nꞌ Jesús rej xꞌnu̱j Yaꞌanj rej nuva̱ꞌ Yaꞌanj a. Ne̱ guun Jesús Síí Uun Chij Ndoꞌo, ne̱ Síí Tinanii man Yuvii̱ rihaan Sayuun guun soꞌ, cheꞌé rej caꞌve̱e ca̱nica̱j nimán níꞌ si̱j israelitá ga̱a ne̱ navi̱j cacunꞌ tumé níꞌ ado̱nj.