San Marcos 16:9 - Triqui de San Juan Copala

⁹ Dan me se cunuu iꞌna̱ꞌ uún Jesús rej naꞌya̱a̱n cotungó, ga̱a ne̱ curuviꞌ soꞌ asino ya̱a̱n rihaan Mariá Magdalena, ne̱ noꞌ me chana̱ quirii soꞌ chi̱j nana̱ chre̱e nimán asi̱j rque̱ doj a.

San Marcos 16:9 ပူးပေါင်းရင်းမြစ်များ

San Mateo 27:56

ꞌO̱ noꞌ me chana̱ cuꞌna̱j Mariá Magdalena, ne̱ ꞌó noꞌ me chana̱ cuꞌna̱j Mariá nii ro̱j síí cuꞌna̱j Jacobo ga̱ José a. Ne̱ ꞌó noꞌ me nii ro̱j taꞌníí síí cuꞌna̱j Zebedeo a.

San Marcos 15:40

Ne̱ ga̱nꞌ doj nicunꞌ queꞌe̱e̱ chana̱, niꞌya̱j nij chana̱ man Jesús a. ꞌO̱ noꞌ me Mariá Magdalena, ne̱ ꞌó noꞌ me Mariá nii síí cuꞌna̱j Jacobo síí cuni̱j ga̱ José a. Ne̱ ꞌó noꞌ me chana̱ cuꞌna̱j Salomé a.

San Marcos 15:47

Ne̱ queneꞌen Mariá Magdalena ga̱ Mariá nii José rej cachinꞌ nii man Jesús a.

San Marcos 16:8

Ga̱a ne̱ curiha̱nj nij chana̱ rque yuꞌuj, ne̱ cunánj nij noꞌ, caꞌanj nij noꞌ a. ꞌO̱ se caráyaꞌa̱nj nij noꞌ, ne̱ nda̱a riꞌíj man nij noꞌ a. Ne̱ ne caꞌve̱e caꞌmi̱i̱ nij noꞌ a̱ doj nana̱ rihaan a̱ ꞌó yuvii̱, cheꞌé se cuchuꞌviꞌ ndoꞌo nij noꞌ a.

San Lucas 24:10

Dan me se vaꞌnu̱j nij chana̱ me níí cuꞌna̱j Mariá Magdalena do̱ꞌ, níí cuꞌna̱j Juaná do̱ꞌ, níí cuꞌna̱j Mariá nii Jacobo do̱ꞌ, ne̱ vaꞌnu̱j nij noꞌ ga̱ ꞌó nij chana̱ roꞌ, cataj xnaꞌanj rihaan xa̱a̱n nij síí cuneꞌ Jesús cheꞌé nu̱ꞌ se vaa queneꞌen nij noꞌ a.

San Lucas 8:2

ne̱ caꞌanj do̱j chana̱ nahuun sa̱ꞌ quiꞌyaj Jesús ga̱ nij soꞌ uún a. Dan me se taꞌa̱j noꞌ me níí nahuun quiꞌyaj Jesús, ne̱ ꞌó taꞌa̱j noꞌ me níí curiha̱nj nana̱ chre̱e nimán quiꞌyaj Jesús a. Chana̱ cuꞌna̱j Mariá Magdalena me ꞌo̱ noꞌ, ne̱ noꞌ me níí curiha̱nj chi̱j nana̱ chre̱e nimán quiꞌyaj Jesús a.

San Juan 20:12

Ne̱ queneꞌen noꞌ vi̱j se‑mo̱zó Yaꞌanj nu̱u̱ yatzíj catzi̱i̱, ne̱ ya̱nj ro̱j soꞌ rej cachinꞌ nii man Jesús a. ꞌO̱ soꞌ yáán rej ra̱a̱ Jesús, ne̱ ꞌó soꞌ yáán rej taco̱j Jesús a.

Hechos 20:7

Dan me se güii cotungó me se ga̱a cunuu chre̱ꞌ ta̱ranꞌ núj cuxra̱ꞌ taꞌa̱j núj rachrúún, ne̱ caꞌmii natáj Pabló nana̱ rihaan ꞌó nij tinúú níꞌ a. ꞌO̱ se guun rá soꞌ cavi̱i̱ soꞌ ranga̱ꞌ ꞌó güii caꞌa̱nj soꞌ níchrej, ne̱ cheꞌé dan ꞌo̱ caꞌmii soꞌ nda̱a guun nii̱ ya̱nꞌ a.

1 Corintios 16:2

ꞌO̱ se da̱j a̱ cotungó roꞌ, caꞌne̱j sa̱ꞌ soj do̱j saꞌanj tucuá soj cheꞌé nij síí nique̱ á. Sese noco̱o doj quiꞌyaj canaán ꞌo̱ soj, ne̱ noco̱o doj caꞌne̱j sa̱ꞌ soj, ne̱ sese do̱j doj quiꞌyaj canaán ꞌó soj, ne̱ do̱j doj caꞌne̱j sa̱ꞌ soj á. Veꞌé tu̱mé soj saꞌanj yoꞌ nda̱a se cuchi̱ꞌ ꞌu̱nj chiháán soj á. ꞌO̱ se naꞌvej raj naquiꞌya̱j chre̱ꞌ soj saꞌanj nda̱a güii cuchi̱ꞌ ꞌu̱nj maꞌ. ꞌO̱ se güii yoꞌ a̱j naquiꞌyaj chre̱ꞌ soj saꞌanj, raj a.

Apocalipsis 1:10

Ne̱ ꞌo̱ güii aráj gue̱e̱ níꞌ rihaan Síí ꞌNi̱j Raꞌa man níꞌ me se queneꞌen nimanj rasu̱u̱n quiꞌyaj Nimán Yaꞌanj, ne̱ dan me se rej xco̱j roꞌ, nucua̱j ndoꞌo caꞌmii ꞌo̱ soꞌ cunoj, ne̱ da̱j se uun ráꞌ ga̱a aꞌyánj nii chruun aꞌyánj roꞌ, da̱nj guun raj ga̱a cunoj snana̱ soꞌ ado̱nj.