San Marcos 16:5 - Triqui de San Juan Copala

⁵ Ga̱a ne̱ catúj nij noꞌ rque yuꞌuj, ga̱a ne̱ queneꞌen nij noꞌ se vaa ya̱nj ꞌo̱ síí ya̱a̱n rej nuva̱ꞌ nij noꞌ, ne̱ nuû soꞌ yatzíj xca̱a̱n catzi̱i̱, ne̱ cuchuꞌviꞌ ndoꞌo nij noꞌ a.

San Marcos 16:5 ပူးပေါင်းရင်းမြစ်များ

San Mateo 28:3

Da̱j se uun rá ro̱j noꞌ neꞌen ro̱j noꞌ ga̱a raa̱n roꞌ, da̱nj guun rá ro̱j noꞌ ga̱a curuviꞌ soꞌ a. Ne̱ da̱j se uun rá ro̱j noꞌ neꞌen ro̱j noꞌ yuꞌveꞌ catzi̱i̱ ndoꞌo roꞌ, da̱nj guun rá ro̱j noꞌ neꞌen ro̱j noꞌ saga̱nꞌ soꞌ a.

San Marcos 1:27

Ga̱a ne̱ caꞌanj uxrá rá nij yuvii̱, ne̱ xnáꞌanj nij yuvii̱ man tuviꞌ nij yuvii̱, cataj nij yuvii̱ a: ―Asa̱ꞌ caꞌvee quiꞌyaj soꞌ da̱nj ga̱. Tucuáán naca̱ me nihánj chugua̱nj. ꞌO̱ se guun chij ndoꞌo síí nihánj, ne̱ nda̱a rihaan nij nana̱ chre̱e aꞌneꞌ síí nihánj suun da̱j quiꞌya̱j nij soꞌ, ne̱ uno nij nana̱ chre̱e yoꞌ rihaan soꞌ asânj ―taj nij yuvii̱ rihaan tuviꞌ nij yuvii̱ a.

San Marcos 14:33

Ne̱ nica̱j Jesús man Pedró do̱ꞌ, Jacobo do̱ꞌ, Juan do̱ꞌ, caꞌanj soꞌ, ne̱ guun cheꞌe̱ soꞌ caꞌnaꞌ ndoꞌo xruꞌ nimán soꞌ ne̱ quinanó ndoꞌo rá soꞌ a.

San Marcos 16:4

Ga̱a ne̱ niꞌya̱j nij chana̱, ne̱ queneꞌen nij noꞌ se vaa a̱j nicu̱nꞌ yaníj yuvej, ne̱ dan me se yuvej xi̱j ndoꞌo me yoꞌ a.

San Marcos 9:15

Ne̱ nu̱ꞌ queneꞌen nij yuvii̱ man Jesús, ne̱ nu̱ꞌ caꞌanj ndoꞌo rá nij yuvii̱, ne̱ cunánj nij yuvii̱ nda̱a rej va̱j Jesús caꞌmi̱i̱ nij soꞌ ga̱ soꞌ a.

San Lucas 1:12

Dan me se ga̱a queneꞌen Zacarías man se‑mo̱zó Yaꞌanj, ga̱a ne̱ caráyaꞌa̱nj ndoꞌo soꞌ ne̱ cuchuꞌviꞌ ndoꞌo soꞌ a.

San Juan 20:8

Dan me se catúj uún ꞌó síí tucuꞌyón snana̱ Jesús síí cuchiꞌ asino ya̱a̱n, ne̱ queneꞌen soꞌ nij yatzíj yoꞌ, ga̱a ne̱ cuchumán rá soꞌ se vaa ya̱ cunuu iꞌna̱ꞌ uún Jesús a.