San Marcos 16:13 - Triqui de San Juan Copala

¹³ Ga̱a ne̱ cavii ro̱j soꞌ uún, nataꞌ ro̱j soꞌ rihaan ꞌó nij síí cuneꞌ soꞌ caꞌa̱nj nata̱ꞌ snana̱ Jesús, tza̱j ne̱ a̱ nij soꞌ ne cuchuma̱n rá snana̱ ro̱j soꞌ a̱ maꞌ.

San Marcos 16:13 ပူးပေါင်းရင်းမြစ်များ

San Mateo 28:17

Ga̱a ne̱ queneꞌen nij soꞌ man Jesús, ne̱ caráj gue̱e̱ nij soꞌ rihaan soꞌ, tza̱j ne̱ ne gu̱un ya̱ rá taꞌa̱j nij soꞌ se vaa ya̱ ya̱ Jesús me soꞌ a̱ maꞌ.

San Marcos 16:14

Cachén do̱j, ga̱a ne̱ yáán xa̱a̱n nij síí tucuꞌyón snana̱ Jesús rihaan mesá, ne̱ curuviꞌ maꞌa̱n Jesús rihaan nij soꞌ, ne̱ caxríj yuva̱a̱ soꞌ man nij soꞌ se vaa guun nichra̱j rá nij soꞌ ne̱ ne cuchuma̱n rá nij soꞌ snana̱ nij síí queneꞌen se vaa a̱j cunuu iꞌna̱ꞌ uún soꞌ a.

San Lucas 16:31

’Tza̱j ne̱ cataj Abraham rihaan soꞌ a: “Sese se̱ caꞌvej rá nij soꞌ cuno̱ nij soꞌ rihaan Moisés do̱ꞌ, rihaan nij síí nataꞌ snana̱ Yaꞌanj ga̱a naá do̱ꞌ, ne̱ caꞌve̱e se cunu̱u iꞌna̱ꞌ uún ꞌo̱ síí caviꞌ, tza̱j ne̱ se̱ cuchumán rá nij soꞌ ni̱ꞌyaj nij soꞌ man soꞌ a̱ maꞌ”, taj Abraham rihaan ruꞌvee yoꞌ a ―taj Jesús a. Veé da̱nj quisíj cuentó nanó soꞌ a.

San Lucas 24:11

Ne̱ ga̱a cuno nij síí cuneꞌ Jesús snana̱ nij chana̱, ga̱a ne̱ nana̱ snúú rmaꞌa̱n me nana̱ yoꞌ, rá nij síí cuneꞌ Jesús, ne̱ ne cuchuma̱n rá nij soꞌ snana̱ nij noꞌ maꞌ.

San Lucas 24:41

Dan me se ne caꞌve̱e cuchuma̱n rá nimán nij soꞌ se vaa maꞌa̱n Jesús me a. ꞌO̱ se guun niha̱ꞌ uxrá rá nij soꞌ, ne̱ caꞌanj uxrá rá nij soꞌ a. Cheꞌé dan cataj Jesús rihaan nij soꞌ a: ―Vaa do̱j se chá rihaan soj naꞌ ―taj soꞌ, xnáꞌanj soꞌ man nij soꞌ a.

San Juan 20:25

Cheꞌé dan cataj xnaꞌanj ꞌó nij síí tucuꞌyón snana̱ Jesús rihaan Tomás se vaa queneꞌen nij soꞌ man Síí ꞌNi̱j Raꞌa man níꞌ a. Tza̱j ne̱ cataj Tomás rihaan nij soꞌ a: ―Sese se̱ queneꞌen ma̱ꞌanj rej catúj caquíí raꞌa soꞌ, ne̱ sese se̱ cutaj raꞌaj rej catúj caquíí raꞌa soꞌ do̱ꞌ, sese se̱ cutaj raꞌaj rej quiranꞌ chiꞌii̱ xꞌnúú soꞌ do̱ꞌ, ne̱ daj chiha̱a̱ míj se̱ cuchumán raj se vaa cunuu iꞌna̱ꞌ uún soꞌ maꞌ ―taj Tomás rihaan nij soꞌ a.

San Juan 20:8

Dan me se catúj uún ꞌó síí tucuꞌyón snana̱ Jesús síí cuchiꞌ asino ya̱a̱n, ne̱ queneꞌen soꞌ nij yatzíj yoꞌ, ga̱a ne̱ cuchumán rá soꞌ se vaa ya̱ cunuu iꞌna̱ꞌ uún Jesús a.