San Marcos 16:1 - Triqui de San Juan Copala

¹ Ne̱ tiꞌnuu güii naránj rá nij yuvii̱ israelitá me se quiránj Mariá Magdalena do̱ꞌ, Mariá nii Jacobo do̱ꞌ, Salomé do̱ꞌ, se gunꞌ da̱j, cheꞌé rej caꞌa̱nj caxri̱i̱ nij noꞌ se gunꞌ da̱j cúú man Jesús a.

San Marcos 16:1 ပူးပေါင်းရင်းမြစ်များ

San Marcos 14:3

Dan me se yáán Jesús chumanꞌ Betania, ne̱ ne soꞌ rá ꞌo̱ veꞌ tucuá Simón síí quiranꞌ luj riꞌyuj a. Ne̱ yáán Jesús rihaan mesá, ne̱ cuchiꞌ ꞌo̱ chana̱ rihaan soꞌ, ne̱ nica̱j chana̱ ꞌo̱ agaꞌ catzi̱i̱ nu̱u̱ casté gunꞌ da̱j rii nii man coj cuꞌna̱j nardo, ne̱ casté tuꞌve̱e̱ ndoꞌo me yoꞌ a. Naxraꞌ chana̱ yoꞌ agaꞌ, ne̱ cutáj chana̱ casté raa̱ Jesús a.

San Marcos 14:8

Ne̱ chana̱ nihánj quiꞌyaj nu̱ꞌ nda̱a vaa caꞌvee quiꞌyaj noꞌ, ne̱ dan me se ga̱a ataa cavi̱ꞌ ꞌu̱nj ne̱ a̱j caxríj noꞌ casté gunꞌ da̱j manj cheꞌé rej xca̱j soj cuentá se vaa nichrunꞌ güii cachi̱nꞌ nii manj ado̱nj.

San Marcos 15:40

Ne̱ ga̱nꞌ doj nicunꞌ queꞌe̱e̱ chana̱, niꞌya̱j nij chana̱ man Jesús a. ꞌO̱ noꞌ me Mariá Magdalena, ne̱ ꞌó noꞌ me Mariá nii síí cuꞌna̱j Jacobo síí cuni̱j ga̱ José a. Ne̱ ꞌó noꞌ me chana̱ cuꞌna̱j Salomé a.

San Marcos 15:42

Dan me se rej ataꞌ güii me yoꞌ, ne̱ güii no̱ xcúún nij yuvii̱ israelitá quiꞌya̱j chuvi̱i nij soꞌ cheꞌé güii naránj rá nij soꞌ me yoꞌ,

San Marcos 15:47

Ne̱ queneꞌen Mariá Magdalena ga̱ Mariá nii José rej cachinꞌ nii man Jesús a.

San Marcos 16:2

Ga̱a ne̱ cotungó rej naꞌya̱a̱n me se caꞌanj vaꞌnu̱j nij chana̱ rej cachinꞌ nii man Jesús, ne̱ a̱j quisíj güii ga̱a va̱j nij noꞌ,

San Marcos 16:8

Ga̱a ne̱ curiha̱nj nij chana̱ rque yuꞌuj, ne̱ cunánj nij noꞌ, caꞌanj nij noꞌ a. ꞌO̱ se caráyaꞌa̱nj nij noꞌ, ne̱ nda̱a riꞌíj man nij noꞌ a. Ne̱ ne caꞌve̱e caꞌmi̱i̱ nij noꞌ a̱ doj nana̱ rihaan a̱ ꞌó yuvii̱, cheꞌé se cuchuꞌviꞌ ndoꞌo nij noꞌ a.

San Lucas 23:54

Veé da̱nj quiꞌyaj nij soꞌ güii ꞌyaj chuvi̱i nij yuvii̱ israelitá cheꞌé güii nara̱a̱n rá nij soꞌ, ne̱ veé da̱nj quisíj güii naránj rá nij soꞌ a.

San Lucas 23:56

Ga̱a ne̱ canica̱j nij chana̱ rej aranꞌ nij noꞌ, ne̱ quiꞌyaj chuvi̱i nij chana̱ yoꞌóó gunꞌ da̱j do̱ꞌ, squíí cuꞌna̱j “mirra” do̱ꞌ, caxri̱i̱ nij chana̱ man Jesús rá nij chana̱ a. Dan me se maꞌa̱n güii naránj rá nij yuvii̱ israelitá me se naránj rá nij chana̱ nda̱a vaa taj suun caꞌneꞌ Moisés a.

San Lucas 24:1

Ne̱ taxre̱j güii cotungó, ga̱a ataa doj quisi̱j güii, me se caꞌanj nij chana̱ rej ta̱j yuꞌuj, ne̱ nica̱j nij chana̱ nij rasu̱u̱n gunꞌ da̱j se vaa a̱j quiꞌyaj chuvi̱i nij noꞌ a.

San Juan 19:25

Ne̱ nichru̱nꞌ nicunꞌ nii Jesús do̱ꞌ, chuꞌvij nii soꞌ do̱ꞌ, chana̱ cuꞌna̱j Mariá nica̱ síí cuꞌna̱j Cleofas do̱ꞌ, chana̱ cuꞌna̱j Mariá Magdalena do̱ꞌ, rihaan rcutze̱ no̱ Jesús a.

San Juan 19:31

Dan me se güii ꞌyaj chuvi̱i nij síí israelitá cha̱ nij soꞌ Chaꞌanj Pascuá me yoꞌ a. Ne̱ güii gue̱e̱ ndoꞌo rihaan nij yuvii̱ israelitá me cueta̱nꞌ aꞌyuj, ne̱ ne caꞌve̱j rá nij yuvii̱ yoꞌ canoco̱ꞌ xnangá rihaan rcutze̱ güii gue̱e̱ yoꞌ a. Cheꞌé dan me cachíín niꞌya̱j nij síí uun chij rihaan nij yuvii̱ israelitá rihaan síí cuꞌna̱j Pilató se vaa caꞌne̱ꞌ soꞌ suun tucuachra̱nꞌ nii tacóó nij síí noco̱ꞌ rihaan rcutze̱ yoꞌ cheꞌé rej raꞌya̱nj doj cavi̱ꞌ nij soꞌ, ga̱a ne̱ quiri̱i̱ yaníj nii man nij síí caviꞌ yoꞌ a.