San Marcos 15:47 - Triqui de San Juan Copala

⁴⁷ Ne̱ queneꞌen Mariá Magdalena ga̱ Mariá nii José rej cachinꞌ nii man Jesús a.

San Marcos 15:47 ပူးပေါင်းရင်းမြစ်များ

San Mateo 27:56

ꞌO̱ noꞌ me chana̱ cuꞌna̱j Mariá Magdalena, ne̱ ꞌó noꞌ me chana̱ cuꞌna̱j Mariá nii ro̱j síí cuꞌna̱j Jacobo ga̱ José a. Ne̱ ꞌó noꞌ me nii ro̱j taꞌníí síí cuꞌna̱j Zebedeo a.

San Mateo 27:61

Ne̱ cayáán chana̱ cuꞌna̱j Mariá Magdalena cayáán ꞌó chana̱ cuꞌna̱j Mariá cayáán tuꞌva yuꞌuj yoꞌ a.

San Mateo 28:1

Dan me se caꞌanj güii cueta̱nꞌ güii naránj rá nij yuvii̱ israelitá, ne̱ naꞌya̱a̱n cotungó me yoꞌ, ne̱ da̱j doj quisi̱j güii a. Ne̱ caꞌnaꞌ chana̱ cuꞌna̱j Mariá Magdalena do̱ꞌ, ꞌó chana̱ cuꞌna̱j Mariá do̱ꞌ, queneꞌe̱n ro̱j chana̱ yuꞌuj catúj Jesús a.

San Marcos 15:40

Ne̱ ga̱nꞌ doj nicunꞌ queꞌe̱e̱ chana̱, niꞌya̱j nij chana̱ man Jesús a. ꞌO̱ noꞌ me Mariá Magdalena, ne̱ ꞌó noꞌ me Mariá nii síí cuꞌna̱j Jacobo síí cuni̱j ga̱ José a. Ne̱ ꞌó noꞌ me chana̱ cuꞌna̱j Salomé a.

San Marcos 15:46

Ga̱a ne̱ xcaj José yatzéj mantá, ga̱a ne̱ tananij soꞌ man Jesús, ne̱ nacutáj soꞌ yatzéj mantá xráá Jesús, ne̱ cuchruj soꞌ cúú man Jesús rque yuꞌuj gáán nii rque yuvej, ne̱ caráán soꞌ yuvej xi̱j caxra̱ꞌ tuꞌva yuꞌuj yoꞌ a.

San Marcos 16:1

Ne̱ tiꞌnuu güii naránj rá nij yuvii̱ israelitá me se quiránj Mariá Magdalena do̱ꞌ, Mariá nii Jacobo do̱ꞌ, Salomé do̱ꞌ, se gunꞌ da̱j, cheꞌé rej caꞌa̱nj caxri̱i̱ nij noꞌ se gunꞌ da̱j cúú man Jesús a.

San Lucas 23:55

Ne̱ canocoꞌ nij chana̱ cavii estadó Galilea ga̱ Jesús rej xco̱ José, ne̱ queneꞌen nij chana̱ yuꞌuj rej caxríj José cúú man Jesús do̱ꞌ, da̱j vaa cuchruj José cúú xnangá man Jesús do̱ꞌ a.